漁正居酒屋 (已結業)

今次去到佐敦嘅居酒屋 位置非常之方便餐廳位於大街位置 喺地鐵站出口行兩步就到 居酒屋嘅裝修充滿日式風格 亦設有榻榻米無論係打卡抑或朋友聚會都係一個唔錯嘅選擇||廢青食評||今次我哋選擇左喺午餐時候去餐廳午餐嘅時候人流就相對比較少可以慢慢食慢慢嘆 都唔怕阻住人哋張枱😂我哋選擇咗嗌兩個午市定食同埋一啲小食兩款定食都分別有前菜麵豉湯主菜同埋雪糕糯米糍 前菜有少少驚喜 比起一般嘅沙律菜 入面仲加咗海蜇🌟西京銀雪魚定食一般日本餐廳嘅銀鱈魚定價都比較高呢一間餐廳嘅價格都正常 銀鱈魚份量多少少分別有兩舊 而且鱈魚都幾滑 🌟碎蔥鮮吞拿魚丼飯定食開頭以為吞拿魚會係一塊一塊上嚟到先知原來係吞拿魚蓉 上面灑咗少少蔥花🌟炸魷魚炸魷魚做得比較出色 炸嘅時間調校得啱啱好🌟燒白飯魚乾呢一個比較特別 開頭仲諗緊點樣燒白飯魚原來將細細條串埋一齊 剪成一塊塊魚乾🌟煎豬肉菜餃子呢一個係店員推介叫嘅餃子 入面包住滿滿嘅豬肉 出面嘅餃子皮煎得少少脆🌟梨汁特飲🌟菠蘿特飮今次我哋都有叫兩杯嘢飲 正常水準📌 漁正居酒屋 (佐敦)佐敦庇利金街42號金陵大廈地舖🚇港鐵佐敦站 C2出口, 步行約q分鐘等候時間🕰 0mins📍#佐敦