更多
2020-04-03
1590 浏览
我记得我小学鸡果阵系好怕黑,就算自己一间房我都唔敢,一定要有人陪我先训得到,就算开住灯我都好惊。但人大左就发现原来恐惧呢样野系无形,就好似畏高咁,当你企系20层楼上面望落去,你都会脚软一样。不过要你坐系20层楼高既餐厅一边食野一边望住景,你又会发觉有D咩好惊?今晚就黎到呢间系旺角闹市中23楼既扒房「Bellevue Bar and Grill」,饱览180度成个九龙景色、成条弥敦道,所有烦嚣自然一扫而空啦!👇📌S T A R T E R S -♦Traditional Caesar Salad - $118▪ 24 Month Parma Ham Topping - (+$40) ▫ 简单一个「凯撒沙律 · 24个月帕尔马火腿」开下胃先,餐厅用上既沙律菜非常新鲜,食落爽脆清甜,水份好足。加上一块块薄身既芝士片,芝香味浓郁,配搭烘干既法包粒,增强口感;另一重点加左$40有三大块以玫瑰图案砌成既帕尔马火腿,色泽粉嫩光泽,入口咸香唔油腻,香味唔会停留于表面,而且口感腍身,整体唔错。▪ Grilled Sea Scallops w/ Roasted Herbed Asparagus - $18
但人大左就发现原来恐惧呢样野系无形,就好似畏高咁,当你企系20层楼上面望落去,你都会脚软一样。
不过要你坐系20层楼高既餐厅一边食野一边望住景,你又会发觉有D咩好惊?
今晚就黎到呢间系旺角闹市中23楼既扒房「Bellevue Bar and Grill」,
饱览180度成个九龙景色、成条弥敦道,所有烦嚣自然一扫而空啦!👇
📌S T A R T E R S -
♦Traditional Caesar Salad - $118
▪ 24 Month Parma Ham Topping - (+$40)
▫ 简单一个「凯撒沙律 · 24个月帕尔马火腿」开下胃先,餐厅用上既沙律菜非常新鲜,
食落爽脆清甜,水份好足。加上一块块薄身既芝士片,芝香味浓郁,配搭烘干既法包粒,增强口感;
另一重点加左$40有三大块以玫瑰图案砌成既帕尔马火腿,色泽粉嫩光泽,入口咸香唔油腻,
香味唔会停留于表面,而且口感腍身,整体唔错。
▪ Grilled Sea Scallops w/ Roasted Herbed Asparagus - $188
▫ 另一前菜有我最爱既「扒带子 · 烤香草露笋」,不得不赞系佢地既摆盘好有心思,
三大粒带子摆系你面前,试问边个抵受得住诱惑?大厨将带子两边煎香至微焦,
里面仲保持到粉嫩既颜色,入口嫩滑软腍,真系无得输;加埋底下既露笋,清新爽甜,层次相当丰富。
📌S O U P S -
▪ Lobster Bisque w/ Seafood & Bacon Wonton - $138
▫ 两个汤我最钟意呢个「龙虾浓汤 · 烟肉海鲜云吞」,由Staff直接帮我地倒汤,成个过程好Grand。
龙虾汤入口浓郁,唔会过咸,调味恰到好处;配上云吞即叫即炸,口感松脆不得只,
令成个浓郁层次更加丰富,份外惹味。
▪ American Crab Meat Chowder w/ Avocado Cream - $118
▫ 另一招牌「美式蟹肉周打浓汤 · 牛油果忌廉」,雪白既卖相睇落毫无违和感,
而汤底质感够浓稠Creamy,唔会太稀身。入口香滑饱满,加左蟹肉,鲜味即刻提升唔少,
混合埋牛油果忌廉,感觉清新,几特别。
📌M A I N S -
▪ Grilled King Prawns - $238 (2pieces)
▫ 两大只King size既「烤大虾皇」就够哂睇头啦,金黄色既虾身非常吸引,食落肉质结实弹牙够新鲜,
所以虾肉仲带少少爽脆鲜甜。大厨煮既时间处理得岩岩好,烤到表面干身但里面仲好多肉汁,绝对食得过!
📌D R Y · A G E R · S E L E C T I O N S -
▪ Grilled U.S. Prime Angus Rib Eye - $480 (10oz)
▫ 餐厅最亮点莫过于呢块「美国特级安格斯熟成肉眼扒」,餐厅以干成熟成牛扒而闻名,
佢地有一大个冷藏柜放置牛扒,而一般平均会放置于三十日内处理,而干式熟成既最大好处
系可以将牛肉本身多余既水份蒸发,令肉味更加浓郁。今次呢块肉眼肉质软腍无筋,上碟大概已经五成熟,
切开里面仲保持到粉嫩。大厨将两边煎香,表面形成好均匀既Grilled Mark食落油香十足,
肉味相对真系特别出众,呢个一定要试!
📌D E S S E R T -
▪ Bellevue Sweet Surprise - $98
▫ 惊喜一浪接一浪,呢个「Bellevue惊喜甜品拼盘」包括有芝士蛋糕、布朗尼蛋糕、慕斯蛋糕,
最重点就系中间呢个半球形既士多啤梨朱古力心太软。Staff会等你影哂相之后用火枪烧最外层,
就会见到里面既馅料,而每次馅料都会唔同,所以就会有惊喜咁解。而今次里面系柚子味既雪芭,
食落有出面浓浓既朱古力味,而里面就有融化左带焦香味既雪芭,加埋柚子成件事更加refreshing。
连埋其他蛋糕仔,以呢个价钱食到呢份惊喜,认真超值!
📌C O C K T A I L S -
▪ Blue Hawaii - $88
▫ 系酒吧唔整返两三杯酒点够瘾呀,呢杯用左冧酒、马利宝朗姆酒、古拉索酒、菠萝汁同埋新鲜菠萝
做装饰既Cocktail。入口淡淡酒香,唔算太浓烈,反而甜度好突出,饮到椰子香,几有新鲜感。
▪ Pink Lady - $88
▫ 另一杯好有少女心既Cocktail,用琴酒做基底,再将玫瑰糖浆、生鸡蛋、石榴汁Shake匀,
再系表面磨碎少少柠檬皮同用新鲜柠檬做装饰。成个感觉打卡一流,入口甜甜地,带少少柠檬香,女仕们既恩物呀。
张贴