同心泰國菜館

今日去咗九龍城同心，員工全部都係泰國人員，店內環境有點舊，冇特別裝飾，而且碗筷都係放喺枱上面，任食客取，好有泰國路邊小店feel, 不過疫情下就有點不安，因為久唔久都見到有蚊蟲飛過。

1）泰式船河 （青檸梳打另叫）
有豬潤，炸豬皮，豬肉丸，豬肉片，白蘿蔔，冇咗豬紅，大部分應有嘅材料都有，但係個滷水湯超鹹，顏色好深，但味道感覺同豬手飯個例湯差唔多（比例湯濃味，偏鹹）

泰色船河

1

泰式船河

2）滷水豬手飯，香茅凍飲 （午市套餐 $56）
豬手夠淋夠軟滑👍，但係就好鹹，份量足夠，因為豬手汁本身好夠鹹，下面嘅咸菜沾埋豬手汁後，真係要配埋酸醋一齊食，中和一下！之後狂飲水😅

豬手飯

豬手飯個例湯，我放棄咗，因為太鹹，味道似用滷水湯加水，加芫茜。

豬手飯配湯

香茅凍飲冇問題，可能食咗太鹹嘅食物，感覺杯凍飲好正😂

香茅凍飲

整體都可以，味道濃厚，餸菜冇任何裝飾，似足泰國路邊小店，但真係偏鹹，相信佢煲滷水汁都足料，滷咗好長時間！鍾意食重滷水味嘅人可以試吓！