影片
更多
2022-05-26
2612 浏览
之前老婆试过台式嘅芋泥吐司，就大赞好食，有机会都想再试吓，无问题，开声叫到，咁啱今次入到去元朗一带行山，就可以趁行完可以顺道晌元朗嘅「罗东肉焿番」买外卖，当埋晚餐，点知有呢间嘢？咪就喺之前所试芋泥吐司嘅「你妳」时，店员介绍佢哋仲有家「姊妹店」晌元朗，即喺「罗东肉焿番」嘞。 旁晚去到，见啱啱开番闸，原来刚才晏昼出咗啲状况，落咗一阵闸，咁我都算好彩，唔使摸门钉。而店内刚好未有客，所以，我落单后都好快有得拎，否则，店员话周末都有几多人买外卖，连埋堂食，可能都要等上十多廿分钟。 环境装修都几骨子，墙上有有少少挂饰，以及店铺少少历史及由来。罗东其实喺晌宜兰县内一个小镇，小弟都到访过，不过已经喺2013年嘅事，当时由在地嘅台北老友带小弟周围逛，到访罗东钻嘅「林业文化园区」，冬山乡嘅「国立传统艺术中心」，晏昼就试试人气店嘅「林业肉羹」，一尝肉羹米、肉羹面，而晚上佢就带我哋去佢心中私密路边小店「肉粽李」食香菇肉粽，品尝香菇汤。至于食物嘅选择，有招牌套餐、饭面类、焿汤类，以及多款夜市小人食。此外，除垫肚嘅主食之外，仲有招牌嘅铁板吐司、台式蛋饼、芋圆系列、台式饮品……等等，种类、选择都非常之多。 仲有一款
旁晚去到，见啱啱开番闸，原来刚才晏昼出咗啲状况，落咗一阵闸，咁我都算好彩，唔使摸门钉。而店内刚好未有客，所以，我落单后都好快有得拎，否则，店员话周末都有几多人买外卖，连埋堂食，可能都要等上十多廿分钟。
环境装修都几骨子，墙上有有少少挂饰，以及店铺少少历史及由来。罗东其实喺晌宜兰县内一个小镇，小弟都到访过，不过已经喺2013年嘅事，当时由在地嘅台北老友带小弟周围逛，到访罗东钻嘅「林业文化园区」，冬山乡嘅「国立传统艺术中心」，晏昼就试试人气店嘅「林业肉羹」，一尝肉羹米、肉羹面，而晚上佢就带我哋去佢心中私密路边小店「肉粽李」食香菇肉粽，品尝香菇汤。
至于食物嘅选择，有招牌套餐、饭面类、焿汤类，以及多款夜市小人食。此外，除垫肚嘅主食之外，仲有招牌嘅铁板吐司、台式蛋饼、芋圆系列、台式饮品……等等，种类、选择都非常之多。
仲有一款「罗东二人套餐」，包咗3客主食、2客蔬菜汤品、3款小食、2杯饮品，性价比非常高，只可惜主食无吐司可拣，而吐司喺此行目标物。
食物嘅定价本身都已经唔贵，仲要有外卖自取优惠，$100俾个全单9折，$200就俾个全单8折，所以，不其然会叫多少少嘢。
最后，嗌咗满满嘅一大袋嘢，有吐司、有干拌面、有综合丸汤、有嘢饮、有甜品，夹夹埋埋都唔使两嚿，食完饱到上心口。
肉松芋泥吐司 $42本来都想试紫薯口味，但无咗，咁芋泥都OK。一如过往，一啲都无欺场，睇都睇得见厚厚嘅芋泥搭上大量肉松夹晌吐司中间，而吐司亦烘焙过，否则都唔叫吐司啦。拎上手感觉份外坠手，非常足料，一大口咬落去，吐司本身有点脆口，芋泥又粉又绵，芋头味浓郁，而肉松吊出丝丝咸香味，出奇地搭配。
肉松芋泥吐司
$42
44 浏览
0 赞好
0 留言
2号干拌面餐 $67我就觉得啲一个人嘅套餐抵食啲，所以，拣咗个2号餐，因为干拌面面都比较少食，而套餐包括1客综合丸汤、1份干拌面及1杯餐饮，而拣冬瓜茶喺俾老婆饮嘅，热饮佢啱啲，小弟就散点1杯珍珠奶茶俾自己。
综合丸汤一客有2粒花枝丸及1粒香菇贡丸，汤底就喺简简单单嘅清汤。啲花枝丸唔喺港式鱼蛋𠮶种弹牙，但墨鱼味好强，仲刻意加啲墨鱼粒粒；香菇贡丸都爽弹好食，既有肉香，亦有菇香。
干拌面咪睇佢好似细细盒，食起嚟份量都几多，餐牌就写明面条喺手工面条，比较粗身，入口有韧劲，将啲肉燥、豆卜丝跟面条拌匀，立时面条都变得油香，惹味非常。
古早冬瓜茶冬瓜茶可拣冻或热，茶底清彻，入口唔会太甜，有一份滋润感，润喉解腻。
招牌珍珠奶茶 $32既打正旗号嘅台式餐厅，拣珍珠奶茶喺极稳阵之选。奶茶大大杯，珍珠亦俾得非常多，好似啜极都有咁，最紧要喺烟韧有咬口，最怕喺熟唔透，或煮过笼；奶茶亦好唔错，茶底醇厚芳香，甜度适中。
仙草芋圆3号 $36睇名都知，就喺有仙草、芋圆，仲加埋波霸珍珠同爆珠，装到满满劲大碗，可以讲两个人都够晒食。仙草非常滑溜，芋圆咬口有韧劲，珍珠QQ，啲爆珠老婆就觉得最得意，咬开啲汁有阵阵荔枝味，而啲糖水又唔会话太甜，食埋个甜品就超满足。
几款食物都好唔错，而个肉松芋泥吐司仍保持一买水准，亦无将货就价，所以，晌依家风雨飘摇嘅日子，都仲屹立依然，自有一定嘅实力。
张贴
