泰昌餅家 (已結業)

星期六同屋企人去行下海旁，搭船吹吹風，出發前我哋係尖沙咀天星碼頭地面的泰晶餅家買左d傳統小食，之後再搭船過灣仔碼頭，係灣仔碼頭的平台花園食嘢欣賞維港風景，又可以俾小朋友跑下睇下仙人掌，都幾寫意。我哋買左皇牌蛋撻，酥皮蛋撻，老婆餅，叉燒批和雞批，每款都好吸引呀！酥皮蛋撻的酥皮好鬆脆，蛋汁好香。叉燒批的餡料非常足料而且好好味。另外最欣賞的係佢哋個沙翁，可以話係傳統的經典美食，真係好耐冇食過，十分懷念。