影片
更多
2024-02-22
1771 浏览
老婆有饭局，咁就乘机约啲老死陪我食饭啦，两个麻甩佬过到嚟荃湾食泰菜，皆因知道「湄南」跟「龙华」联乘推出咗个乳鸽套餐，非常微妙嘅组合，仲以优惠价推出，咁着数，当然专登过嚟试一试啦。餐厅装修简约，但一室白砖墙，衬以青绿、鲜黄嘅座椅，加上够光猛，望上去好醒神。而餐厅尾尾墙上嘅一幅彩绘，描绘咗好多泰国民间风情，非常吸晴。餐牌选择多元化，有泰式沙律、小食、大碗船面、细碗船面、各式汤粉面、饭品、甜品、饮品……等等，一应俱全。当中嘅传统细碗船面非常有特色，$56有3小碗，可以自由配搭面底、配料、汤底，而所有散点主食都可以以优惠价追加小食同饮品，非常有弹性。此外仲有泰式咖哩、喇沙参参、冬阴功系列、特别推介……等等。最正喺全日都唔收加一嘛！如果觉得散点眼花缭乱，可以晌啲套餐度著手，一个人嚟或各自嗌嘅可以选择「精选晚市套餐」，如果两个人嘅就不妨考虑佢哋嘅「泰北风味二人餐」，计落价钱都好划算。而上文提及嘅同「龙华酒店」合作嘅乳鸽套餐，就喺呢个：一大只龙华乳鸽王再配一碗杂锦船汤河或者招牌海南鸡饭，原价就标$138，但依家只喺卖$88，仲可以追加饮品、小食、沙律等等。呢度如大多数餐厅都用咗二维码落单，如果唔太熟
餐厅装修简约，但一室白砖墙，衬以青绿、鲜黄嘅座椅，加上够光猛，望上去好醒神。而餐厅尾尾墙上嘅一幅彩绘，描绘咗好多泰国民间风情，非常吸晴。
餐牌选择多元化，有泰式沙律、小食、大碗船面、细碗船面、各式汤粉面、饭品、甜品、饮品……等等，一应俱全。当中嘅传统细碗船面非常有特色，$56有3小碗，可以自由配搭面底、配料、汤底，而所有散点主食都可以以优惠价追加小食同饮品，非常有弹性。
此外仲有泰式咖哩、喇沙参参、冬阴功系列、特别推介……等等。最正喺全日都唔收加一嘛！
如果觉得散点眼花缭乱，可以晌啲套餐度著手，一个人嚟或各自嗌嘅可以选择「精选晚市套餐」，如果两个人嘅就不妨考虑佢哋嘅「泰北风味二人餐」，计落价钱都好划算。
而上文提及嘅同「龙华酒店」合作嘅乳鸽套餐，就喺呢个：一大只龙华乳鸽王再配一碗杂锦船汤河或者招牌海南鸡饭，原价就标$138，但依家只喺卖$88，仲可以追加饮品、小食、沙律等等。
呢度如大多数餐厅都用咗二维码落单，如果唔太熟悉操作，揾店员落单都喺无任欢迎。
枱上已经整齐摆放好筷子、纸巾，同几款常用嘅调味料，自由取用。如再需其他餐具，店员都好乐意提供，啲招呼几殷勤，又好礼貌。
秘制泰式烧猪颈肉 $88啲猪颈肉烧得好靓仔，有少少㶶边，食落去好有炭火香味，切得厚薄均一，而咬落质感爽爽哋口，又带有少少油脂香，唔点任何酱就咁食都好好味，若沾上自家制嘅酱汁，酸酸甜甜，又带微辣，喺一种种风味，但同样好食。
秘制泰式烧猪颈肉
$88
6 浏览
0 赞好
0 留言
传统细船河 $56泰式汤河粉算食过唔少，但其实传统细细碗嘅船河就真喺第一次，上文都讲过面底、配料、汤底都可以自由组合，自行睇睇餐牌我就唔多介绍，但温馨一提，部分选项需要加多少少钱，我哋嘅组合喺：
泰式札肉米粉配清汤
美国牛肉河粉配清汤（+$3）
泰式鱼蛋金边粉配冬荫功汤（+$3）
整体嚟讲味道几唔错，最好食喺啲扎肉，几款面底都好滑溜，汤底方面始终都喺冬阴功汤较为亮点多啲。食呢啲细船面最好就喺一个价钱，试到好多样嘢。
湄南x龙华 • 鸽鸡名物全餐 $88虽然只喺卖$88，但就绝无将货就价，而且，店员话啲乳鸽都喺有单时先炸，所以，够晒新鲜，送到嚟真喺坚热焫焫，直头熨手。店家提供胶手套，所以，可以食得好豪迈，「龙华」出品果然高质量素，除咗啲乳鸽够大只之外，调味啱啱好又够入味，外皮非常之香脆，肉质细嫩，兼且够晒肉汁，真喺无咩挑剔。
「龙华酒店」乳鸽
3 浏览
0 赞好
0 留言
而碟正宗泰式海南鸡饭一样唔失礼，鸡肉非常之嫩滑，鸡皮好爽口，皮下脂肪少，起晒骨啖啖肉，食得够爽；再沾上自家特制辣酱，有点辣劲，但点到即止，却令到鸡肉嘅鲜味更为突出，配埋清香嘅油饭，确喺好食。
正宗泰式海南鸡饭
10 浏览
0 赞好
0 留言
椰青水 +$12、泰式奶茶 +$8由于我哋喺散点，唔系咩套餐，所以，嘢饮需要加配。小弟就谂住有猪颈肉，又船面，都属少少浓味嘢，所以拣个椰青水清爽一下，其实呢个品牌嘅椰青水都唔错，话晒都喺100%纯椰青水，饮落椰子味香纯，味道清爽；而老友就拣咗泰式奶茶，佢话饮落都几香滑，但比一般港式嘅就会偏甜少少。
今餐饭真喺好满足，试到样样都合心水，啱食又好味，并且估唔到食泰国嘢又可以试到好味嘅乳鸽。加上啲招呼又唔错，所以，睇相都见，确喺有唔少人帮衬，晌用餐期间，亦都见到仲有唔少外卖单添。
张贴
