灑家粥麵 (已結業)

今晚我们首先喺观塘apm食完雪糕之后就去咗「洒家」食晚饭！我们叫咗洒家云吞鸡煲嘅汤底味道好清甜，感觉唔会好油腻，鸡肉嘅肉质都几松软，唔会好「粗嚡」，云吞亦几大粒，而且材料非常足料丰富！洒家鲜虾云吞面嘅面质相当爽口烟韧，而且一啲碱水味都无，云吞好滑溜薄身，虾肉亦好爽甜弹牙，真系好正呀！黄沙猪膶拼姜葱汁爆鱼腩粥嘅粥底煲得好绵，猪膶相当爽滑，而且唔会有「臭压」嘅味道，而鱼腩就系首先用姜葱汁爆香过，所以食落比较香口，肉质比较结实弹牙！腊肠腊味滑鸡煲仔饭嘅鸡肉肉质非常嫩滑，而且吸收晒膶肠同腊肠嘅惹味油香，份量亦相当多，真系好正呀！