利寶閣 (已結業)

今日落住毛毛雨，天气有点凉，最好就系饮碗热汤，所以选择今晚要食中菜！喺中上环附近，揾到呢一间有promotion，有我至爱嘅叉烧同埋炖汤，仲要唔系普通炖汤，系”佛跳墙”, 唔使$200一set, 就决定这一间！点菜的时候，店员很细心，就算是一只鸡蛋都问清楚我地系要熟蛋，定系要太阳蛋。呢碗黯然销魂饭有惊喜，首先我选择嘅熟蛋，有我最爱嘅「窿」边, 同埋佢嘅叉烧果然系谷饲，谷饲嘅肉质会比较肥美，因为营养多啲，够juicy 却没有肥膏，好味！叫咗promotion set，所以仲有迷你佛跳墙，其实都唔使讲咁多，应该睇相就知道有几足料，鲍鱼、鸡脚、鱼翅、海参、冬菇，讲明系迷你，当然样样都系细细件，不过真系全部俾足你啰，同埋个汤都好清甜，呢个set真系非常「平民版」，平时呢个价钱净系碗佛跳墙都唔止。另外我哋order咗芝士焗蟹盖同埋小炒王。如果钟意食浓味嘅应该会钟意佢嘅小炒王，入面加咗好多虾干，好香口。至于蟹盖，𥚃面仲有迷你带子，个汁OK，如果可以多啲芝士应该会更加好味。最后仲有糖水送，不过因为已经好满足，所以没有要了。