更多
2021-07-14
2053 浏览
以往，都去过荔枝角、观塘、牛头角呢一类工厂区揾食，仲不时有意外惊喜，相对嚟讲，新蒲岗刚较少，因为总喺感觉唔太方便。不时，依家唔同晒，过嚟新蒲岗，小弟可以由美孚搭屯马线一程过，晌启德落又得，到钻石山先落都得，视乎晌新蒲岗靠北、定靠南一面。今次就贪新鲜过咗嚟一转，就番住观塘线嘅旧同学，一齐食个午餐聚一聚。选址「Coti the Bistro」，因为见其风评唔错。 嚟工厂区，有时真喺要寻寻觅觅，餐厅地址标五芳街，但其实入口开晌彩虹道，加上应该喺攞工厦食堂牌，无招牌，差啲过门不入。而入到餐厅内，跟工厦又喺另一个世界可谓别有洞天，装修带点日系嘅西餐厅，天花挂上大量干花，两边天花线位放满绿油油植物，加埋有点和风嘅吊灯，予人有种小清新嘅感觉。 除咗地方大之外，柔和嘅灯光，宽敞嘅卡位，都让人坐得好舒服，再者，外面正午上到成34°C，晌室内则「凉朕朕」，就梗喺更加写意啦。此外，睇到餐厅将都分隔一段距离，又以大大块胶板阻隔，心理上点都安心好多。 题外话，入门口时侍应向每人派张卡，印有餐厅名，初时唔为意，坐低再睇睇，先留到喺口罩套，又几细心㖞。其实，呢度嘅服务都几好吓，侍应有礼，快手收拾已用餐完毕嘅碗碟，又
嚟工厂区，有时真喺要寻寻觅觅，餐厅地址标五芳街，但其实入口开晌彩虹道，加上应该喺攞工厦食堂牌，无招牌，差啲过门不入。而入到餐厅内，跟工厦又喺另一个世界可谓别有洞天，装修带点日系嘅西餐厅，天花挂上大量干花，两边天花线位放满绿油油植物，加埋有点和风嘅吊灯，予人有种小清新嘅感觉。
除咗地方大之外，柔和嘅灯光，宽敞嘅卡位，都让人坐得好舒服，再者，外面正午上到成34°C，晌室内则「凉朕朕」，就梗喺更加写意啦。此外，睇到餐厅将都分隔一段距离，又以大大块胶板阻隔，心理上点都安心好多。
题外话，入门口时侍应向每人派张卡，印有餐厅名，初时唔为意，坐低再睇睇，先留到喺口罩套，又几细心㖞。其实，呢度嘅服务都几好吓，侍应有礼，快手收拾已用餐完毕嘅碗碟，又不时为你添水。
嚟之前都有睇过啲食评，平日有午餐供应，都几抵食，主菜连餐汤及饮品，都喺一百蚊楼下。不过，周六日就转为周末早午餐，选择有沙律、意粉、饭品、主菜、甜品、饮品……等等，但选主食就只包餐汤及蒜蓉包（加$18可配是日沙律），其他都要额外另点。难得咁耐无聚，当然食得丰富少少。
餐叉同匙羹都放晌枱上嘅小木盒之内，但如果食到扒类食物时，侍应先会再送上餐刀，不过，我就喜欢放晒晌枱俾客人自由取用，最好仲有啲盖可几冚住，感觉就更卫生。
蕃茄忌廉汤先登场当然喺餐汤，橙红色嘅蕃茄忌廉餐，质感做得几滑溜，味道带浓郁蕃茄味，微微哋酸，感觉唔错。不过，所配嘅蒜蓉包又薄又细块，未免hea咗少少。
蒲烧鳗鱼饭 $98 旧同学颇喜欢日食，所以，拣咗呢一道蒲烧鳗鱼饭，原条日式鳗鱼铺晌饭面，洒上紫菜碎及芝麻，衬以蛋丝及时蔬，外观都几唔错，味道呢？旧同学话条鳗鱼烧得好香，咬落绵滑带油香，而个蒲烧酱汁浓郁、惹味，下低嘅白饭粒喺日本珍珠米，软绵而黏糯。
蒲烧鳗鱼饭
$98
24 浏览
0 赞好
0 留言
又有羊类主菜，早几日晌美孚先食过羊膝，我又唔介意再食。同样，羊膝嘅份量依然大大只，小弟选咗配饭，配埋啲炖蔬菜，卖相甚有睇头。啲羊肉一切就开，轻易骨肉分离，肉质烩到好松化，酱汁则浓香度啱啱好，跟羊肉所带嘅微微膻香好平衡，确实好食。
法式炖煮羊膝配白饭
$138
17 浏览
0 赞好
0 留言
提拉米苏窝夫 $88 见餐牌中有一款提拉米苏夹窝夫嘅甜品，好似几得意，好奇想知喺点，就试一试。原来喺以鸡尾酒杯做出提拉米苏，再插上一件窝夫，卖$88其实定价有啲贵。不过，提拉米苏部份做得唔错，最底层嘅蛋糕浸得透透咖啡酒，口感湿润，而中间嘅马卡风芝士打得轻柔软滑，面层洒满咗唂咕粉。而件窝夫都好脆口，配一抹提拉米苏，效果几好。
提拉米苏窝夫
$88
31 浏览
0 赞好
0 留言
是日精选蛋糕配饮品 $48甜品一栏有呢个非常划算嘅组合，而是日嘅蛋糕喺巴斯克芝士蛋糕，「巴斯克」喺指将啲芝士饼焗㶶啲，做成焦焦哋嘅效果，不过呢一件真唔算好喺「巴斯克」，但衬以忌廉及橙干，卖相好靓。而芝士蛋糕嘅味道很有浓郁芝士味，质感绵密却好软熟。
巴斯克芝士蛋糕
11 浏览
0 赞好
0 留言
鲜奶咖啡 甜品都喺衬咖啡最搭配，而咖啡中，小弟都喺较钟爱鲜奶咖啡。好钟意呢一类瓦杯，有时饮咖啡都要有啲意境，个心形拉花都算唔错，花纹细致，表面亦好平滑，唔会起泡泡。小呷一口，咖啡嘅味道十分醇香，带点果仁嘅香味，奶泡亦打得绵密。
冻蜜桃茶 $36 旧同学就要杯冰冻嘅蜜桃茶，佢话够爽、够解渴㖞，实际上味道都几好，𠮶份蜜桃味几清甜，确喺有阵阵桃香，虽然唔知茶底喺咩茶，但芳香好饮。
席间，讲起好多昔日读书年代嘅往事，转眼间都变咗好多，无错呀，就好似依家啲啲工厂区都唔同晒啦，加上铁路都四通八达，小弟家住美孚而靠近西铁一边，所以，屯门都入多咗，估计第时土瓜湾、九龙城、新蒲岗一带都会嚟多咗呀！
张贴
