鮮選壽司 (已結業)

難得平日放假，上嚟山頂食午餐，睇風景。知道呢度開咗donki的壽司店，趁山頂小人啲，就試吓。我哋四個人12:00嚟到門口未有人龍，可以直接坐到卡位。坐低後，店員告知落單是以枱面的平板電腦自行落單，下單後有兩架小火車會送到你嘅座位。壽司店嘅選擇好少，而且有好多係冇得叫，寫住「sold out」。初初都不以為意，再睇吓原來牡丹蝦，甘蝦，都沒有提供。另外，熱食只有兩碗熱嘅湯，其余熱食也是sold out. 失望的，而且食唔飽🥲🥲初初無諗住寫食評，食物都冇特別影相。除咗藍鯨吞拿魚拼盤係正正常常之外，其他都係一就般出品。三文魚我哋食咗三款，上枱的普通三文魚同三文魚拖羅係差唔多。明白相片只供參考，三文魚拖羅喺餐牌度係比較長嘅魚生，可以蓋住壽司飯，但係上枱就同普通三文魚係分別唔大。另外要講講係壽司飯，壽司飯好散，基本上一夾就已經散開。壽司飯嘅調味非常特別，飯係有少少顏色，不是白色的。基於唔啱食而且壽司飯嘅特別調味，我哋四個人嘅份量就只有14碟壽司。係食唔飽嘅，之後食個下午茶補返數。先選壽司喺門口有一個櫥窗好清楚咁可以睇住壽司師傅準備壽司放上輸送帶等等，而對住櫥窗嘅枱係處理魚生的，可以見到壽司師傅切開