三多美食 (已搬遷) 新店位置

經過土瓜灣見到間新開嘅餐廳，其實係被排隊嘅客人吸引咗，望一望啲裝修，估都估唔到原來係買三餸飯架，啲裝修好新潮，好企理，完全同Cafe嘅裝修一模一樣😋😋一路排隊一路望落玻璃入面嘅菜式，全部都熱辣辣勁大兜，款式多唔再講，我偷聽到排隊啲客人講話好好食😋帶咗兩盒淨餸😍😍梅菜扣肉一定要嗌，因為係屋企完全整唔到咁好食，梅菜扣肉肥瘦相間，望落就知好靚，食落去嗰陣味好特別，好似五香肉丁加梅菜嘅味道，勁送飯囉😍😍蘿蔔炆牛腩又係一定要嗌，啲蘿蔔俾啲柱侯醬炆到好入味，牛腩都好大舊，仲要勁多份量🤪蓮藕炆豬腩肉，呢個味道我喜歡呀，甜甜地，年後相當爽甜，勁正⭐️蒸魚頭，呢個整得好出色，唔會過老，廚師火候不得了，魚頭好大隻，蒸魚豉油配上魚頭，正😉😉咕嚕肉，酸酸甜甜，配上菠蘿洋蔥🧅呢啲先係精華😄咖喱椰汁雞，雞件好滑，份量好多，啲汁調得好出色，我想繼續食呀🥳🥳最後嗌咗薯仔牛柳粒，薯仔炸得好粉好好食，牛柳粒係新鮮嘅牛肉，一啲雪藏味都冇，而且牛肉好嫩口😊😊最後仲配埋湯同加錢飲豆漿，老闆表示啲湯完全冇味精，而豆漿都係不加防腐劑😃😃臨走嘅時候仲見到新鮮出爐嘅蒸鱔，早啲出我就會再加喔⭐️