源祖之味古早蛋糕店 (已結業)

位於將軍澳新都城中心的人氣古早味蛋糕～呢度有成九種口味咁多，真係好想試哂😛，尤其係雲石紋朱古力、海苔香口肉鬆、皇室百爵、迷人甜蜜玫瑰等等🤩🤩我哋最後揀咗雲石紋朱古力古早蛋糕（$75）朱古力做出的雲石花紋，切開每一塊花紋都有啲唔同，外型好吸引啊。食落蛋糕軟綿綿😌帶點濕潤，然後就食到香濃嘅朱古力🍫味，唔會太甜。迷人甜蜜玫瑰古早蛋糕（$85）🌟限量版，得星期六日先有～加上第一次見有玫瑰🌹味，所以想試吓。 蛋糕外層已經放咗好多迷人嘅玫瑰🌹花瓣😍，蛋糕一樣鬆軟，咬多兩啖，玫瑰吧清香立即浮現出嚟～同姊妹係屋企high tea ～ 又靚又好食，真係無得頂👍🏻😋