影片
更多
2017-09-20
4404 浏览
今日系一个好特别既日子，既系赖生同屈小姐一个特别既回忆纪念日，同时系赖生第一次正式同屈小姐既屋企人见面食饭！事前赖生当然系如临大敌，心情极度紧张，番工每过一个钟既心情又兴奋，又紧张，种心情雀跃到难以形容！不断祈求耶和华既祝福之后，再临踏入屈家家门前一分钟，由屈小姐再陪赖生一齐祷告，心情总算放松下来，而心口亦终于出现番个勇字！当正式见到屈家掌门人之后，发现其实耶和华已经帮左赖生好多，原来屈家掌门人系好Nice嫁 (屈小姐：其实不嬲都系~~)！佢叫我放松心情，有咩都可以随便讲太好啦！当然，赖生亦早有准备，带左见面礼同预早一个星期Book定《活一鲜》！《活一鲜》既安排都好贴心，专登留左张卡位比赖生，仲安排系舖头既一个角落，等我地可以好好倾谈添！（温馨提示：大家想食既话，最好都系要订位⋯因为好多人食嫁！！）我地准时去到，张枱已经一早准备妥当，下一步就梗系安排膳食啦，呢个时候，当然要靠赖生既未来贤内助 - 屈小姐安排下啦，赖生就系侧边帮手安排下数量，执头执尾咁啦1) 三文鱼腩（3切）X 2: 爆5⭐️屈家成家都好钟意食既三文鱼腩，睇黎呢个系入门既第一关，好彩赖生都好钟意食！呢度既三文鱼腩切法好特别
事前赖生当然系如临大敌，心情极度紧张，番工每过一个钟既心情又兴奋，又紧张，种心情雀跃到难以形容！不断祈求耶和华既祝福之后，再临踏入屈家家门前一分钟，由屈小姐再陪赖生一齐祷告，心情总算放松下来，而心口亦终于出现番个勇字！
当正式见到屈家掌门人之后，发现其实耶和华已经帮左赖生好多，原来屈家掌门人系好Nice嫁 (屈小姐：其实不嬲都系~~)！佢叫我放松心情，有咩都可以随便讲太好啦！
当然，赖生亦早有准备，带左见面礼同预早一个星期Book定《活一鲜》！《活一鲜》既安排都好贴心，专登留左张卡位比赖生，仲安排系舖头既一个角落，等我地可以好好倾谈添！（温馨提示：大家想食既话，最好都系要订位⋯因为好多人食嫁！！）
我地准时去到，张枱已经一早准备妥当，下一步就梗系安排膳食啦，呢个时候，当然要靠赖生既未来贤内助 - 屈小姐安排下啦，赖生就系侧边帮手安排下数量，执头执尾咁啦
三文鱼腩（3切）x2
$96
72 浏览
0 赞好
0 留言
屈家成家都好钟意食既三文鱼腩，睇黎呢个系入门既第一关，好彩赖生都好钟意食！
呢度既三文鱼腩切法好特别，好处系可以增加口感同影相靓之外，就系可以比豉油同芥未深层渗入三文鱼腩，美味加倍！加上真系好厚好厚，油脂劲丰富！ 同埋劲新鲜，睇颜色都睇到！劲爆好食
同埋屈家掌门人教导，凡事适可而止，就算系好好味既三文鱼腩，食得多都会济⋯1件起，2件止好啦
粟米沙律寿司
$16
66 浏览
1 赞好
0 留言
2）粟米沙律军舰：4⭐️
呢份系屈小弟叫既寿司，好有童真呀，赖生顿时谂起佢某个Fd，放题不停食粟米沙律寿司⋯！不过呢度唔同既，块紫菜好脆，食得过
火炙三文鱼腩、玉子、帆立贝、三文鱼腩、北寄贝寿司
47 浏览
0 赞好
0 留言
3）火炙三文鱼腩寿司：5⭐️
经过火炙巧妙既处理，将三文鱼腩表面既油份烧香左，渗入底层，而中间仲系生既三文鱼，无论味道，香气同口感都一绝！加上呢度既三文鱼够靓够新鲜，比得上酒店级数，绝对必食！大推！
4）三文鱼腩寿司：5⭐️
切法唔同，相比起刺身既切法，个人比较喜欢刺身，油脂感更重，鱼味更丰厚，但寿司都系出色既作品，旧白饭有助减低油腻感，同时能品尝三文鱼既鲜味
5）北寄贝寿司：5⭐️
比起好多日本菜既北寄贝，《活一鲜》赢既系口感：呢度既红色边果部分爽口弹牙既口感十分罕见，可见新鲜程度系一级既
6）帆立贝寿司：5⭐️
屈小姐既另一嗜好，赖生仲仍然好记得佢带屈小姐去《酒泉》食果粒珍宝帆立贝既Bling Bling 眼样，虽然呢度冇咁巨型，但鲜度同样系满分既！
7）玉子寿司：4⭐️
食日本菜都总会想食下日本既蛋料理，特别系寿司，甜甜地配合多层口感的确令人回味，你肉眼都见到佢有好多层，慢慢人手煎，值得一试，重要既佢有蛋味同甜味既平衡
鳗鱼，蟹棒寿司
36 浏览
0 赞好
0 留言
8）鳗鱼寿司：3⭐️
又系屈小姐食日本菜必点既项目之一，呢度个鳗鱼寿司就比较薄，正正常常，不过鳗鱼应该是肥美厚厚的！
9）蟹棒寿司：3⭐️
一个美丽既误会出现啦，当大家以为呢款寿司系屈小弟叫既时候，佢居然洒手拧头话佢冇叫过，后来赖生发现左原来点餐纸上面既腐皮寿司（屈小弟既最爱），系比2种唔同既蟹棒寿司夹住，可能入单入错左！最后由赖生KO左蟹棒寿司，包搞掂味道就正正常常，都一丝丝，不过不失啦！
炙烧三文鱼鲛
$48
67 浏览
1 赞好
0 留言
10）烧三文鱼鲛 ：3.5⭐️
香草落得太多，遮左三文鱼味，而且烧得唔够脆，封唔到鱼油系入面，不过都算好大旧，ok啦
羊架七成熟（2件）
$48
47 浏览
0 赞好
0 留言
11）烧羊架（7成熟）：4⭐️
又系屈家既共同喜好，赖生既第2个入门挑战！哈哈哈，赖生系唔怕既！最后叫左4条，一人一支骨用纸巾包住攞手拎住食，不得了，屈小姐让左比赖生食，不过相比牛扒，羊架就稍微逊色，羊味唔太重，烧得唔够嫩，但都唔差嫁
网烧牛扒
$98
40 浏览
0 赞好
0 留言
12）网烧牛扒：4.5⭐️
由于工作关系，屈家第2把交椅，屈太佢迟左少少先黎，好野当然要等埋佢一齐先叫，要犒赏一下努力工作同平日辛劳照顾佢地既屈太麻！
冇错，呢个就系另一个必点既网烧牛扒，同时又系屈家好钟意既食物，果然系好好食呢！富牛肉味，个酱汁微甜，更加将牛肉味突显出黎，只系今次果块比较薄
三文鱼（5切）&三文鱼腩（3切）
$88
74 浏览
0 赞好
0 留言
13）三文鱼刺身（5切）：5⭐️
屈太黎到，当然要叫番D三文鱼刺身奖赏下佢，屈家奖门人藉此教导赖生，三文鱼腩虽然好好食，但始终太肥腻，食得太多会济同对身体唔好，要食番D三文鱼中和下，的确！食番件三文鱼刺身系冇咁油腻，三文鱼味都好重，好新鲜，一D雪味都冇
柚子烧牛舌
$58
42 浏览
0 赞好
0 留言
14）柚蜜烧牛舌: 4⭐️
新推出既烧牛舌！一碟6大件，好厚嫁！烧得几好，冇腥味，柚子烧够香甜，不过就甜左少少，遮左原本既牛味！好似原本盐烧仲正D！
豚肉稻庭乌冬
$78
32 浏览
0 赞好
0 留言
15）豚肉稻庭乌冬：4.5⭐️
个重点系加$10转稻庭乌冬，超滑！又有咬口，好食劲多，一定要加阿！由于放得远得济，屈家掌门人负责分面比大家食，佢话呢D工作佢系屋企做开，好识照顾家庭既男人呀，第时就到赖生接手呢份工，照顾佢囡囡同佢地嫁啦
牛肉稻庭乌冬
$78
31 浏览
0 赞好
0 留言
16）牛肉稻庭乌冬：4.5⭐️
又系一定要加$10转稻庭乌冬呀！系由3⭐️变4.5⭐️既秘密黎！
芝士海胆烧带子（2只）
$75
29 浏览
0 赞好
0 留言
17）芝士海胆烧带子：5⭐️
屈家掌门人望到隔离枱叫左呢个，赖生睇得出佢好想食，所以即时系order纸度加左，等埋屈太黎，就正式入单一齐食！
一上枱系 wa! 好香！好大只呀！粒带子仲系新鲜货黎，痴住个壳嫁！带子肉大粒弹牙，带子群边同溶左既芝士+海胆Mix埋一齐，脆口又芝味满Fun! 不得了！
芥辣八爪鱼军舰
$18
27 浏览
0 赞好
0 留言
18) 芥辣八爪鱼军舰: 4.5⭐️
够晒芥辣味!够攻鼻!而且d八爪鱼粒粒爽口!! 超正，证明都几新鲜!!
香葱吞拿鱼碎卷
$29
28 浏览
0 赞好
0 留言
19)香葱吞拿鱼碎卷 : 3⭐️
始终系香港食既吞拿鱼系差小小，不过冇乜筋既! 算唔错!!
玉子寿司，蟹棒寿司，炙烧芝士三文鱼寿司，剑鱼腩寿司，三文鱼寿司，三文鱼腩寿司
59 浏览
0 赞好
0 留言
20) 三文鱼寿司: 5⭐️
对比三文鱼腩寿司系冇咁肥，但都好新鲜，好重三文鱼味嫁!
21) 剑鱼腩寿司:4.5⭐️
正!新鲜野! 唔会似出面咁雪到起冰，好硬身咁，呢件系软身得黎~仲好有鱼味!
22) 炙烧芝士三文鱼腩寿司: 5⭐️
好正呀!! 烧溶左既芝士再搭沙律酱，酸酸地又有带芝士味，令三文鱼腩既味更出更特别，好有层次，必食!! 唔怪得屈家掌门人叫赖生试下啦!!
最后，我地个个都食到好饱好饱，仲好开心添!! 好多谢耶和华赐福等我地有个咁好既晚餐!!
赖生下个目标系进攻另一间屈氏饭堂!!! 加油!!
之后就系入埋屋一齐食~~~
最后就系由赖生煮每一餐比屈小姐食~~~!! 由赖生照顾屈小姐既起居饮食啦!!
#一到8月20号就特别紧张
#能言善辩纪念日
#家长日
#留下好印象
#入屋啦入屋啦Yeah!
#好感恩有妳在
#超级好既一家人
张贴
