吉氏

营业中

休息中

呢間位於屯門隱世嘅西餐廳，兩夫妻用心經營，而且又好熱情地同客人們傾計。食物質素就好似去咗中西區啲西餐廳咁，十分高質。好食嘅小店愈黎愈少，真係要多多支持~▪️青口配白酒忌廉汁($148)🍴忌廉汁係卡邦尼汁嘅味道，新鮮青口配上香濃忌廉再加上炒香左嘅洋蔥，鹹甜交集。我哋仲將好脆嘅餐包點埋啲汁一齊食，好食到停唔到口😆▪威靈頓牛柳($338)🐂本身想叫西班牙燒乳豬，因為見到好多人都大贊好食！但係威靈頓牛柳做到11月中，之後就轉menu，所以我哋決定試下威靈頓牛柳~香脆酥皮包住7成熟嘅牛柳同鵝肝粒，真係入口即溶。牛柳煎得剛剛好，唔會好韌，火喉掌握得十分精準。酥皮外脆內軟，同牛柳、鵝肝粒係絕配！有埋菇、薯仔、四季豆做伴碟，全部煎得好香，健康又好食。▪是日餐湯-南瓜湯🎃 ($35)將南瓜蓉調製成濃稠嘅湯，本身唔鍾意食南瓜嘅我都覺得依個湯好甜好飲，真材實料🧡▪Sangria red($188)🍷一款西班牙傳統飲品，主要用紅酒同橙粒等混合而製成。充滿果香嘅紅酒濃度唔算高，容易入口~中意飲果酒又想有情調嘅話必叫。▪法式焦糖燉蛋($58)🥄同中式食燉蛋唔同，反而比較似吉士醬嘅軟滑口感。面頭有暖暖嘅脆脆焦糖，配上