影片
更多
2023-05-31
30 浏览
成日經過’串燒兄妹’，就聞到極香既串燒味，終於引唔住入左去試。呢間係一間街坊小店，唔好期望地方有幾靚，企理，坐得舒服就可以了。呢到支持外賣，堂食座位唔多。.食物方面，串燒既款式頗多，有肉類、海鮮同蔬菜。我被佢$100蚊10串串燒吸引，平均$10蚊串，真係非常抵呀，而且可以揀既款都幾多。🔹牛舌、五花腩肉、豬頸肉、雞肉、雞中翼和雞腎🔹我鐘意佢一次過用盤上，唔會話食完一串要等好耐先有下一串，每種肉都燒得幾出色，調味唔會太鹹，不過都算重口味，送啤酒汽水一流。🔹韭菜、魷魚鬚、燒秋刀魚 、燒原條茄子 🔹燒韭菜係我至愛，燒過後仍然好juicy，食落去又非常爽口，再配上自家製調味料，口感豐富又非常惹味。魷魚鬚好有口感，愈咬愈香；秋刀魚唔會腥之餘，加少少檸檬汁上去，更加突出佢既鮮味。大力推介燒原條茄子，茄子面頭舖滿蒜蓉同埋辣粉，仲有芝麻同埋蔥花調味，非常入味。整體黎講，$100蚊可以食到10串有質素既串燒，係真係抵到難，同埋離地鐵站只係5分鐘路程，真係值得大家黎一試。.
成日經過’串燒兄妹’，就聞到極香既串燒味，終於引唔住入左去試。呢間係一間街坊小店，唔好期望地方有幾靚，企理，坐得舒服就可以了。呢到支持外賣，堂食座位唔多。.
食物方面，串燒既款式頗多，有肉類、海鮮同蔬菜。我被佢$100蚊10串串燒吸引，平均$10蚊串，真係非常抵呀，而且可以揀既款都幾多。
🔹牛舌、五花腩肉、豬頸肉、雞肉、雞中翼和雞腎🔹
我鐘意佢一次過用盤上，唔會話食完一串要等好耐先有下一串，每種肉都燒得幾出色，調味唔會太鹹，不過都算重口味，送啤酒汽水一流。
🔹韭菜、魷魚鬚、燒秋刀魚 、燒原條茄子 🔹
燒韭菜係我至愛，燒過後仍然好juicy，食落去又非常爽口，再配上自家製調味料，口感豐富又非常惹味。
魷魚鬚好有口感，愈咬愈香；秋刀魚唔會腥之餘，加少少檸檬汁上去，更加突出佢既鮮味。
大力推介燒原條茄子，茄子面頭舖滿蒜蓉同埋辣粉，仲有芝麻同埋蔥花調味，非常入味。
整體黎講，$100蚊可以食到10串有質素既串燒，係真係抵到難，同埋離地鐵站只係5分鐘路程，真係值得大家黎一試。
.
张贴
