影片
更多
2016-12-05
1397 浏览
囍貼街終於重建完成，今日就去街內一間朋友推介嘅韓國餐館覓食。一進入大街，彷若穿越到去歐洲街道，加上聖誕裝飾，好有氣氛。行多幾步就見倒Bistro Seoul啦！餐廳裝修偏中國風，但不失小館味道，座位、燈光設計摩登得來又帶點溫暖，坐在餐廳內十分享受。食物方面，同朋友兩個人一起share長泡菜豬肋骨、韓國山野菜配大醬、泡菜海鮮煎餅同韓式石鍋米糕配vanilla ice cream，而飲品方面，我哋就叫咗支米酒Red Monkey。一坐低，店員就送上暖粒粒嘅韓茶同小菜，有鼓漬蓮藕、醃蘿蔔同醃青瓜，推薦鼓漬蓮藕，好少餐廳可以做倒蓮藕滋味爽口！第一道長泡菜豬肋骨，上枱時湯底仲滾緊，睇落都流口水。我最怕食泡菜湯時辣到脷都腫埋又流晒汗，而哩個泡菜份量十足辣度剛好，兩大塊豬肋骨吸收咗泡菜湯，鮮甜美味！接住係韓國山野菜配大醬，大醬味道十分特別，有些少橄欖菜的味道，我十分喜歡！拌上其他不同種類的蔬菜，我和朋友就閉上了嘴巴，大口大口哋吃。再來就係海鮮泡菜餅，餐廳用料毫不吝嗇，墨魚和蝦都是大大粒的，餅身煎得也香身之餘又不會太乾，不錯不錯。值得一提的是，伴菜加入了麻油，令人驚喜不斷。最後就是甜品啦，熱燙燙的米糕
餐廳裝修偏中國風，但不失小館味道，座位、燈光設計摩登得來又帶點溫暖，坐在餐廳內十分享受。
食物方面，同朋友兩個人一起share長泡菜豬肋骨、韓國山野菜配大醬、泡菜海鮮煎餅同韓式石鍋米糕配vanilla ice cream，而飲品方面，我哋就叫咗支米酒Red Monkey。一坐低，店員就送上暖粒粒嘅韓茶同小菜，有鼓漬蓮藕、醃蘿蔔同醃青瓜，推薦鼓漬蓮藕，好少餐廳可以做倒蓮藕滋味爽口！
第一道長泡菜豬肋骨，上枱時湯底仲滾緊，睇落都流口水。我最怕食泡菜湯時辣到脷都腫埋又流晒汗，而哩個泡菜份量十足辣度剛好，兩大塊豬肋骨吸收咗泡菜湯，鮮甜美味！
接住係韓國山野菜配大醬，大醬味道十分特別，有些少橄欖菜的味道，我十分喜歡！拌上其他不同種類的蔬菜，我和朋友就閉上了嘴巴，大口大口哋吃。
再來就係海鮮泡菜餅，餐廳用料毫不吝嗇，墨魚和蝦都是大大粒的，餅身煎得也香身之餘又不會太乾，不錯不錯。值得一提的是，伴菜加入了麻油，令人驚喜不斷。
最後就是甜品啦，熱燙燙的米糕配上凍冰冰的雪糕，帶給我味蕾新的享受。米糕結實得嚟煙煙韌韌，同之前喺韓國食嘅一模一樣。
店員推薦嘅飲品米酒Red Monkey，酒身承櫻桃紅色，呷一口，酒精味不太重反而米味十足，我和朋友讚不絕口。(但提醒各位不要飲太快呀，朋友因爲這Red Monkey太好飲而不斷續杯，結果第一道菜都未吃完就好亢奮了)。
總結來說，Bistro Seoul不論食物、環境和服務都非常不錯，是我的心水回頭餐廳之一。
张贴
