Daily 13 (已結業)

之前都一路聽朋友介紹呢間小店，自己又成日係ig見到。奈何Daily13位於荃灣西工業區，所處位置偏僻，一直都冇緣會一會佢。終於有日weekend約左朋友係荃灣食飯，就近先可以一睹蘆山真面目。鋪頭嘅位置唔難搵，到達大廈之後出𨋢轉彎直行就見到。門口貼左好多貼紙相，可見人氣頗高，咁我就懷住期待嘅心情入去。我地今次book左唔驚冇位，但想walk-in嘅朋友仔最好去之前打個電話問。可能因為當日係weekend啦，我地6點入到去已經好full。-招牌名古屋蒲燒鰻魚蛋包意大利飯一開始都對佢冇咩expection，心諗咪又係求其叮熟條鰻魚，cup碗白飯加啲蛋係上面跟住就收我百幾兩百。但係見佢係招牌菜最後都決定比次機會佢，好彩佢都冇令我失望。佢個鰻魚燒得好入味，同出面叮個啲冇得比。同埋佢個蛋包得好實，啲蛋滑lulu再加上唔會太硬得黎又不失口感嘅珍珠米簡直絕配。-蟹肉蟹子明太子扁意粉蟹肉配上明太子最舒合啲重口味同時又鍾意鮮味嘅朋友仔。整體份量都算多而且雖然味道偏重但而油而不膩，自問大食嘅你可以盡情大快朵頣。我個人就麻麻地扁意粉，如果有得揀轉做一般意粉咁就perfect啦。整體而言，都十分推薦大家去試呢間