酒鍋 (天文臺道) (已結業)

旅行前，約了媽子去打邊爐，揀左酒鍋，因為之前食過下午茶， 一直想試埋佢個火鍋。預先Book好位，所以唔使等位，但因為晚市都熱鬧，所以限時食1.5小時便交。 餐廳裝修沿銅鑼灣店的風格，十分古色古香，紅色為主，懷舊大木門，高櫃，高空吊燈，加上墻上色彩鮮艷的畫，玩味之餘，又有特色，母親頗鍾意。 湯底聽侍應推介點左清酒花甲椰子雞拼潮州沙嗲鍋。大大一鍋，好足料。沙嗲鍋味道夠濃，且完全不辣，晒成家人的口味。 掛架安格斯牛頸脊，切得薄薄的，肉花分明，牛味濃，而且爽口，用冰鎮方式上，保持鮮味又有gimmick，頗得意。 炸魚皮簡直係大愛，一來是炸得極香脆，不覺油膩，食落有淡淡的蒜香味，脆口又夠惹味，不能錯過!!! 七星報喜顏色好豐富，係7種不同的肉丸拼成，紫色最靚，粒粒都彈牙。 洋豬肉蝦蛋餃，外面的蛋皮薄薄的，入面係碎的洋蔥及豬肉，成隻薄版油角仔咁，好得意。 蜂巢豆腐四四方方，浸入沙嗲湯，吸收晒入面湯汁，媽子大讚好食。 至於花雕雞就酒味好香，雞件唔算多，但嫩滑。 叫多左個雜菌拼盤及烏冬，烏冬配沙嗲湯底，滑嘟嘟，麻香、醬香，食唔停口。 最吸睛係個小企鵝，肥肥矮矮圓碌