牛涮鍋 (已結業)

同屋企人食餐好就去荃湾食牛涮锅🐮🍲，见佢最近有期间限定Menu系「游台北」🇹🇼，好耐无得去旅行见佢打边炉又有台湾小食，屋企人都几钟意所以就食呢个Menu，拣左食「士林」✨。因为book左位所以都唔洗等😝，不过呢间平时都比较少人食…😂头盘有六小碟台湾小食做开胃菜。屋企人食完觉得麻辣猪耳、鸭血、猪大肠唔错，都encore左几转。芋圆就麻麻，唔弹牙亦都几细碗下😫。甜品系有伯爵红茶软雪糕🍦自己唧比较吸引，都食得出伯爵茶味☕️，比较奶既口感，唔同其他火锅店唧出黎比较冰既软雪糕。钟意牛涮锅打边炉都系因为佢既牛肉都唔错，又有蜂巢豆腐，甜不辣，菜🥬都几新鲜，唔会有啲烂既照refill。同埋试左佢自助区既面，似系韩式既公仔面，所以比较弹牙，打边炉收尾好正好入味😋！