影片
Thankful week，人家到崇光买名牌，我们却买了很多食物，包括一些意大利出品的 linguini，太座叫我即晚煮一包做晚餐，我到街市买了些虾和番茄，便回家弄晚餐，只得一锅鲜虾意粉显然太单调，太座又著小妮子叫一个 pizza 回来。叫Pizza外卖，我们大多叫 "P"店，今次小妮子想试这间，点了一个套餐 $178，有烟三文鱼沙律，四只鸡翼和四件蒜茸包，两罐可乐和一个夏威夷风情 Pizza，可能外卖时的保温设备不够完善，食物都变成室温状态，烟三文鱼沙律尚可，两片三文鱼也过得去，沙律加了附送的一小盒油醋汁也很开胃，鸡翼无特别，又不是香辣，又不是蜜汁烧，蒜茸包不热，变得硬和韧，pizza 材料有火腿，菠萝，番茄酱等，而芝士不多，批皮有些韧，同样是不够热。家人还是较喜欢我煮的意粉。
继续阅读
: 食一次都嫌多今日同5个同事食饭, 想喺公司附近揾吓有咩食。.....喺鲗鱼涌食晏通常都要揾位, 咁啱呢度有位咪坐低。喺叫嘢食时已经觉得个Waiter唔系好听得明我哋讲嘢, 仲话呢度无coffee , 个同事唯有改奶茶。3杯热奶茶嚟到时候, 好似已经摆咗一个钟头, 一啲都唔热, 仲要得半杯。问佢可唔可以换, 佢话啲茶冲晒就无, 要问吓有冇得换。但一直无人同我哋跟进, 每一次问佢, 佢又话要问吓, 跟住又无人理。后嚟(已经过咗起码20分钟)佢话无奶茶, 问改唔改其他饮品,我哋咪改热柠茶同热柠水, 仲叫佢顺手跟埋未嚟嘅2个餐(记住, 已经过咗起码20分钟)。后嚟当我哋食晒所有嘢, 啲饮品一啲都无嚟到。我哋话要埋单走, 叫佢扣起饮品钱。佢话唔可以, 只可以送罐装可乐。我哋拒绝, 佢就话饮品系送嘅, 无俾到你饮, 你都要俾番成个餐嘅钱。食物质素已经差到无嘢讲, 仲要连便利店都可以供应嘅热饮都话无, 咩餐厅嚟架?个老细仲话可以随便写衰佢, 佢话佢唔怕㖞…估唔到我第一次写食评, 就系为咗呢间不知所谓嘅食肆…
继续阅读
CHEF嘅水准真系一流, 食物新鲜但系服务接近九流, 非常混乱, 服务员连态度都.....哈哈食客要有大无谓精神,"即系咩都冇所谓", 连嚟咗碟唔系自己叫嘅都琅照食, 如果唔系你会更加"劳气"
继续阅读
4-5人餐有3款小食、2个Pasta、1个12寸pizza再加1.25 汽水。3款小食：蒜蓉包有6件，香喷喷，外脆内软，两面都有蒜蓉牛油，我哋争要食多件。辣鸡翼有6件，鸡翼应该系刚刚炸好，小小辣，外皮炸得脆但唔油腻Fish and chip，鱼系好新鲜，薯角好油腻2个Pasta：烟三文鱼阔面，三文鱼入口肥美，好好味芝士烟肉蘑菇意粉极浓芝士好creamy好软滑，但意粉腍咗d.1个pizza：Ziti's pizza劲香，有辣肉肠、橄榄同疑似糖心蛋，好惹味。pizza和烟肉蘑菇意粉食唔哂打包，第2日翻热后都好正。服务尚可接受。呢个4-5人餐($350)好抵食，仲抵食好味过pizzahut 跟餐缺点就系饮品只有汽水拣。
继续阅读
今日同同事两个人去o左呢间铺头嘅outdoor位食意粉, 我叫o左一碟carbonara, 餐纸上面写住$68, 之后我见到餐厅入面有个黑板写住$58, 包埋一杯o野饮, 我叫o左好耐先揾到一个发梦嘅侍应, 问饮o野使唔使加钱, 佢指住入面个黑板话唔使, 于是我叫o左杯热柠水, 我同事叫o左热柠茶, 但系o黎到两杯o野根本唔热, 仲要我杯热柠水有油o既臭味, 根本系啲水唔干净或者个杯未洗干净.换个另一杯, 好明显系变返正常o既"热"柠水...食完埋单..我o个碟收购68, 我指住黑板问侍应, "点解黑板系58, 有咩分别?" 佢答唔出, 净系呆咗话自己入o左$68 o既单, 之后另一个侍应超冇礼貌咁话: "你叫o个时有冇讲明系午餐先" 我费事同佢啲粗人闹, 虽然只系$10, 但系超唔顺气你个黑板根本冇写明系"lunch"或者"午餐"...净系写o左几款o野食名同价钱, 我点会知系"午餐"!!!...而且我坐outdoor 根本要某个角度先睇到个黑板, 又点知有所谓嘅"午餐"?虽然碟意粉唔差..但系净系杯餐饮唔卫生, 同埋极恶劣嘅服务态度, 我以后以后都唔会再去!!!!!!!!!!!!!!!!!!!我系从来都冇写食评o既人...因为懒...但系呢间o野系我一食完即刻要写低...费事再有人受害...究竟呢间o野有冇心做人生意...
继续阅读