影片
一上到去发现呢间野系响一间 gym 里面，已经觉得伏伏地，不过因为有我想食既野，所以都入左去试。入到去响个 counter 度叫左草饲牛肉+毛豆+蘑菇+西兰花+羽衣甘蓝，共$93，就坐低左等野食。等既期间有个女职员企左响我隔离，因为间gym 都几多人，所以比佢望住虽然唔系太舒服，都冇为意。佢望左我一阵，就开始 sell 我二千蚊起跳的gift card，话下次黎食可以用。我礼貌同佢讲左唔使好多次，佢都仲不停 sell。终于我好直接讲我都未食，唔想买野，想休息下，佢先终于走左。终于等到有野食，卖相都相当不错!由于三样配菜同沙律菜本身都冇咩烹调可言，最期待系果四块草饲牛肉。不食犹自可，一咬系咬极都唔断，非常之韧! 于是我起身攞把胶刀之际，又有职员搭讪话买套票抵 d 。 经过第一次教训之后， 我决定同佢冇任何眼神接触，只系话贵啲唔紧要啦，之后佢都好识趣咁走咗。 之后我用把胶刀切啲牛肉，结果都系好辛苦先切开。虽然都知草饲牛肉系会比较少脂肪，但呢四块都应该系我人生里面食过最硬嘅牛肉。另外佢配有两款酱汁，味道不过不失，食完冇咩印象。分量足够，可以喂饱刚运动完的饥饿人客。至于环境，如果佢唔系喺间gym里面，系好舒服嘅。佢有无敌大海景，但系喺里面食嘢，你系会不断听到啲跑步机嘈杂嘅声音， 同埋闻到一啲健身室特有嘅消毒药水味道。 总之你喺入面就系想悠闲下都唔得啦，下次唔会再黎。Staff kept trying to sell me gift cards and wouldn't leave me alone. The most awkward dining experience ever.
继续阅读
上个星期去完youni食晚餐之后念念不忘，今日试埋佢地嘅减磅全日餐，餐单超级丰富，食到饱饱都系1400卡，正！.欣赏佢哋健康同美味并重，有试过其他减重饭盒都系冇乜味，而呢度就会运用唔同嘅天然调味料，例如大蒜、香草、香辛料，又用风味浓郁嘅食材，例如芝麻、牛油果、烟三文鱼，所以做到少油低钠又好味，同我嘅煮食概念好似！.全日一共有三餐正餐同两款小食，🥯早餐食烟三文鱼鸡蛋贝果同水果杯，因为我平时食饱都唔钟意搽嘢，所以忌廉芝士都悭返，又少咗100卡啦🍗午餐想食鸡先，烤春鸡同薯仔都好香好够味，鸡肉叮完仲系juicy嘅，好食过好多餐厅嘅烤鸡！🤣🐠晚餐再食黑豆鱼柳配扁豆饭，鱼柳好话，扁豆饭都系有少少干，叮热之前加少少水应该会好啲！小食有柠檬蛋糕同燕麦曲奇，减肥都可以食呢啲，觉得好开心🥰.全日餐一日都系$280，买多啲仲有得平！平时喺中环食个沙律都要百几蚊，依家包晒三餐小食$300都唔使，而且仲有送货服务，想瘦身又唔得闲自己煮嘅朋友就啱哂啦😍
继续阅读
小编私心推荐减肥人士，每次做完gym食既野一定唔可以系junk food，如果唔系果几个钟真系等于白做。小编好钟意去位于铜锣湾GOGI GYM ROOM入面既Youni， 帮你计算晒卡路里同埋搭配晒成个combination，想操fit个身形真系要食得精。/烟三文鱼鸡蛋卷💰48元 8⃣ 呢个wrap有359卡路里，睇个卖相大家一定觉得好鬼干，做完gym食呢个真系摞命啦！错啦，小编想讲句呢个卷完全唔干，而且好好味添边个话减肥要食得惨，入面既烟三文鱼同鸡蛋就等于牛郎织女甘款，简直系perfect match，仲帮你撕烂既肌肉，提供足够蛋白质喔！/香蒜酱藜麦羽衣甘蓝沙律 + 去皮鸡胸肉 💰78 8⃣做开gym既朋友仔一定，识鸡胸肉呢个朋友仔，但同时都知道好鬼难食同埋干到龟裂煮完。佢地既鸡胸肉真系好湿润，完全唔干其实我每次都好想请教佢地，调味只有小小咸味但好足够。香蒜酱藜麦羽衣甘蓝沙律份量真系超级足，而且食得再多都唔会有罪恶感出现，羽衣甘蓝系唯一蔬菜入面有蛋白质，想有靓靓身型记得丧啪。/另外佢地仲可以 online order 一人3日营养餐（早午晚）💰650 两人少 💰1200。呢个套餐会送7天免费健身体验 & 1节免费私人训练课程60分钟， 想短时间极速消脂朋友仔等咩阿！ Breakfast : 三文鱼芦笋法式咸派配藜麦羽衣甘蓝沙律 8⃣Lunch : 柠檬酸豆芥末鸡配法国香草西兰花、奇亚籽及有机藜麦义大利面Dinner: 沙朗牛扒配莎莎酱、球芽甘蓝、芦笋、蕃茄、小萝卜、葵花籽及烤薯仔Low Fat Snacks: 能量球 & 甘笋向日葵子蛋糕
继续阅读
lunch time黎到goji studio...唔系做gym...系食野系gym入面当然主打健康嘅食物…但系健康亦都唔等于净系食草架！依度主要分两种餐：瘦身／增肌今日拣左照烧鸡饭～（属于高蛋白嘅选择）有鸡、红米、西兰花、紫薯蓉，仲有只半熟蛋！鸡有烧汁味 紫薯亦都好甜～ 唔错架依个「减肥餐」一啲都唔会觉得惨㖞！有营养又够饱肚！p.s. 堂食嘅话真系望住啲人做运动咁食架 即刻提醒自己都唔可以偷懒！仲有个大海景比你欣赏 哈哈！
继续阅读
之前的周末吃多了,周ㄧ想吃得清淡ㄧ点,听过同事说公司附近有ㄧ家餐厅,吃得健康又美味,环境也不错,ㄧ于去试试。位于健体中心,虽然属于自助方式,但环境舒适,地方宽敞。长长的梳化座位,落地玻璃窗外有开扬的海景。"暖意能量碗"有三类 : CLEANSE 健身清新、LEAN 健康均衡、BUILD 高蛋白质。我们分别点了LEAN 及 BUILD 中各ㄧ。创意慢煮义烧饭~ $78卖相吸引,颜色丰富,令人食欲大增,而且味道不错! 义烧叫"24 Hours Danish Pork ",估计是慢煮了24小时吧!虽然没有ㄧ般义烧的烤香味,但肉质颇稔,配以特色酱汁很醒胃!红色酱汁酸酸甜甜,并不是甜酱,原来是以红菜头汁制成的。配西兰花和紫椰菜,杂谷饭,是高纤组合,加了温泉蛋就更滋味! 还列明了热量,不怕超标,这个是少于600卡路里!烧汁鸡扒杂谷饭~ $78鸡扒饭的蛋白质较丰富,卡路里在700以上,蒸烤鸡扒配日式烧汁很美味,材料也有西兰花、紫椰菜、杂谷饭及温泉蛋。加了紫薯蓉,感觉像饭后甜品ㄧ起吃,很满足!询问店员,食材和煮法有甚么特色呢?原来肉类是采用入口自丹麦的无激素猪和鸡,并以慢煮方式烹调,保存营养。蔬菜包括西兰花、紫椰菜等都是水耕菜,而紫薯、杂谷米都是流行的健康食材。可加$10 配有机豆浆或是日餐汤,加$15 豆浆和餐汤都有。不过当日不太饿,能量碗已足够,所以两项都没有加。这里崇尚高纤、低脂、慢煮、有机、无激素、多色蔬菜,还有热量的温馨提示,最适合爱吃又想Keep Fit 及吃得健康的为食ㄧ族!
继续阅读