影片
2月喺度食过情人节晚餐，知道餐厅喺圣诞期间提供2人套餐，又再订位试试。经过情人节的用餐体验，狗狗爸爸唔建议平安夜光顾，话担心庆祝圣诞第1日，餐厅好可能未上轨道（如上菜顺序），唔想再次成为白老鼠。晚餐分2轮：1730-2000；2030-2230。我哋系首轮，~1745到达餐厅，当时已有3-4台客。是日晚餐同情人节套餐一样包括welcome drink、开胃菜、小食/前菜、主菜、甜品同餐饮各2款，每款1份，如果两个人唔打算share，咁就会分别食唔同的菜式。圣诞节套餐的welcome drink、餐饮，以至开胃菜的三文鱼他他、前菜的郣艮弟田螺以及甜品的栗子蛋糕亦同情人节餐一样，冇变。（餐前饮）橘香梳打：由侍应制作，见到好似系芬达橙汁沟梳打水，再加几片柠檬，味道可以，唔太甜，但原材料只系汽水，加上冇任何presentation，可饮可唔饮（餐前饮）圣诞特饮：同样系汽水，加咗莓同薄荷叶做装饰，但薄荷叶喺杯中载浮载沉，望落唔太新鲜（开胃菜）茄子鱼子酱：惊为天人。冻食，食唔出系茄子，而质感亦应该唔似鱼子酱，佢系糊状，配薄脆多士/法包，食落轻怡，无论系食物的温度同味道都令人胃口大开。份量足，但法包只有4小件，向侍应提出加添（大部分客人都有此要求），对方爽快回应：「几多块？4件足够吗？」记得情人节时隔离台想加法包，得到的回覆系「可以，但要等，唔知有冇时间焗」之类，今次回覆唔同晒，但有一点想补充，上次法包应该系现烤，而今次似系提供现货（开胃菜）烟熏三文鱼牛油果他他：富层次，材料有牛油果、柠檬、黑胡椒、红菜头、勺草、芥末同素忌廉，3层同样软滑，味道各有特色；可能唔系第1次食，唔算好有惊喜（前菜）勃艮第焗田螺：卖相唔错，但个人觉得味道、口感唔特别，仲带几分油腻感（前菜）香煎鹅肝配红加仑子：非常可口！素鹅肝的本体非常软，一笃即散，外层应该扑咗粉煎香过，所以有啲脆口，带焦香；小红莓汁可解腻，口感、味道都似食素前试过的真鹅肝，推介！（主菜）威灵顿牛柳：有齐酥皮、蘑菇酱、素烟肉同素牛肉，饱肚亦好食。薯蓉系配菜，带油香，惹味。食完呢个主菜已开始饱。人生中未食过威灵顿牛柳，唔知道正宗的酱汁系咩味，而呢个酱就好似港式乳猪酱，带明显甜味，同牛柳唔算好夹，但整体仍然好好食（主菜）宝云酥羊架：有风沙羊架的风味，当然食唔到羊膻味，主要系孜然粉同香料味，同埋干身煮法令食物无论喺视觉同味觉上亦几可乱真（甜品）栗子挞：同市面上食到的冇乜分别，就系栗子蓉、忌廉，内藏3粒栗子（甜品）沙巴翁：未食过的甜品，creamy，液态状，有少少甜，层次略为单调，始终食材较少l（餐饮）经典苹果热饮：带香料味，热饮，感觉几暖身（餐饮）圣诞热朱古力：劲多忌廉，唧满成只杯，似系「座融」朱古力钉制作而成（因最尾饮到半融的朱古力钉）；用料咁邪恶，好难唔好饮，但忌廉真系落得太狠，相信好少客会食晒啲忌廉，好浪费；餐厅所有饮品都唔太讲究presentation相比情人节当晚，今次餐厅的服务到位啲，但依然冇主动换碟，冇提供分菜的餐具（要互食口水尾），上菜仍有些少混乱（但冇发生喺我哋身上），不过侍应好勤力斟水，有礼，临走时会问番啲食物系咪ok。至于订位时，餐厅提及会预备一份小礼物，原来同情人节一样系是日餐牌。我相信有啲人钟意呢种留念方式，但一台一张，收到可能唔知边个keep，再者餐牌上的字好细粒，好难睇到。假使餐厅自制朱古力作为小礼物，咁就会吸引啲。
继续阅读
🌿用素食神还原法国料理嘅美味，令食肉兽都会爱上嘅素食法国料理餐馆🇫🇷屋企人生日想食素，收藏咗好耐嘅Yau Veggie终于出场喇🤎🔸威灵顿牛柳🐮最令人期待嘅主菜 — 威灵顿牛柳！由不可能牛肉制成嘅威灵顿，金黄酥皮外层下包住烟肉、蘑菇酱、仲用红菜头汁为牛柳天然地上色👍🏻 唔食牛肉嘅屋企人话无谂过自己有机会食到威灵顿牛柳😆 还原度十分高！🔸尼斯沙律🥗爽脆罗马生菜、梨肉、新吞拿鱼肉、鸡蛋，简单清新🥬🔸鞑靼牛肉🐮 平时唔钟意食生牛肉，呢个菜式俾到惊喜🤩脆卜卜法包配滑溜溜牛肉他他，估唔到又几好食。🔸香煎鹅肝配焦糖苹果🍎唔讲以为自己食紧真鹅肝多士，甚至比真鹅肝更好食！😍鹅肝嘅真身系菇菌同果仁，味道神还原之余仲冇真鹅肝咁肥腻。香脆多士配埋甜甜酸酸嘅苹果酱，好出色😋🔸香煎鹅肝配黑醋无花果🤎同样系鹅肝多士，换上较浓厚嘅黑醋无花果酱汁，令整体味道更有层次感😋🔸帕门蒂尔馅批🥔满布面包糠下嘅系一层薯蓉，好香滑。底层系植物肉碎同蔬菜粒，简单温暖嘅味道。🔸法式纸包鱼🐟纸包鱼将嘅食材嘅水分保留返响食材本身，湿润而保持原味同充满柠檬香气。🔸齐米诺鱿鱼🦑好有惊喜嘅菜式！口感同真鱿鱼嘅弹性系一模一样😲 好香牛油香草味嘅菜式🧈🔸白酱小牛肉🐮浓厚嘅白酱配柔软嘅小牛肉，配埋法包食唔错👍🏻🔸宝云酥羊架 🐑无谂过连宝云酥羊架都做到咁似，用竹蔗干嚟做羊嘅支架😆 羊肉调味偏重，外层做得酥脆。反而喜欢下面嘅薯蓉，好幼滑😋🔸蒙布朗🤎屋企人生日叫咗个甜品，简单美味嘅结尾☺️整间法式餐馆感觉复古优雅，同时好温馨☺️ 屋企人生日，厨师出嚟倾咗几句，餐厅团队好年轻而且好有心思去还原每一道法国菜。几乎每一道菜都俾到惊喜，食肉兽嚟过呢到绝对会对素食改观🤭 🐾猫奴足迹🐾🌐Yau Veggie Bistro (荃湾)📍荃湾白田坝街45号南丰纱厂1楼118号舖
继续阅读
新年年初一食到一肚气，早几日问左新年开唔开，佢话开，咁我就WhatsApp Book咗6:30pm 3位，专登初一想带妈咪嚟食好嘢，佢要求早几日要拣好食咩我就拣咗呢5样：茄子鱼子酱尼斯沙律法式纸包鱼威灵顿牛柳葡式焗鸭饭坐低等左1小时，等到瞓著咗终于嚟第一样，法式纸包鱼，眼见枱枱都要等差唔多一小时，其实我唔明，点解早几日落定单，都会准备唔切？ 跟住佢话前菜要最好上…….下！我冇机会答可唔可以唔好佢已经走左，跟住又等半个钟嚟威灵顿牛柳，冇耐嚟葡式焗鸭饭再等半个钟先嚟到前菜茄子鱼子酱，个茄子系冰冻 但要最后上？跟住又喺度先沙律，已经21:30，3个钟都未嚟到个沙律，成间餐厅得返我地3个，我问唯一一个只系不停禁mon既侍应，个沙律唔嚟就帮我Cancel佢，佢大叫Shit！跟住入厨房，跟住佢出嚟问我，你系咪真系有落单？我：下？！你自己睇对话啦！佢睇到之后话，唔同意思呀！冇货取消咗！我…….取消咗一句都唔讲要我等？你要我早几日WhatsApp 落单，check WhatsApp 确认客人有冇嚟齐嘢食都做唔到，要我带住老人家呆等，一句取消咗就算，最后当然收我正价，一句唔好意思就冇回事，真系以后都唔敢再帮衬
继续阅读
由订枱到食物 也是超水准的必定要来试一试的法式素菜最推介是威灵顿牛 鱿鱼圈 纸包鱼 牛油果他他 炖肉每道菜份量足够 非常满足。环境舒服 －个好值得推介的西式素食餐厅荃湾区首选
继续阅读
终于去试左呢间餐厅👍🏻，提早两天whatsapp订位并预订菜式，两个人叫左香煎鹅肝配焦糖苹果，威灵顿牛柳，博洛尼亚宽扁面，罗马烤羊架，几款菜式都系要纯素，因为未食素前我都未食过呢几款非素版本既菜式，所以冇得对比，但系好食既😋，个威灵顿牛柳食到好饱好饱啊😬，埋单时有位餐厅人员有讲解返啲菜式用既材料同整法，虽然我记唔到，不过都听得出要做好多事前功夫，所以如果想用餐过程流畅，真系需要提早预订，真心值得再去👍🏻
继续阅读