+ - x 隨 (已結業)

只是隨心一發, 來這裡吃一吃lunch, 亦得知係以前間隨緣o既同系要食o的無咁行o既款式, 午餐set 要了牛雜飯牛雜, 當然無正宗牛雜好, 只係得o的牛肚牛腸(超肥…) 食過就算了最糟糕是那杯熱咖啡, 真係要媽媽聲, 因為係超酸的！我記憶中真係無飲過咁鬼酸o既咖啡, 飲o左兩口已經頂唔順要放低豈有此理, 咁都俾得人飲

當看到之前的朋友寫到呢間咁差，加上自己在五六年前幫襯過一次之後再沒幫襯，其實我也一直沒有意欲幫襯。今次去試，純綷兩個原因：1.十時多，超級三文台、吉野家同大家樂都多人到超長龍。2.唔想成日寫來寫去個幾間。結果？$20付諸流水了。炒麵不算細碟，但味淡，配料亦少，最可惜係油浸麵咁款，啲油太多了。呢個艇仔粥乃全個早餐的主菜，亦是這篇食評要寫的主菜。所謂艇仔粥，雖然我都在不同的粥品麵鋪吃過不同定義的粥，但這兒的粥似乎有點過份。全個粥除了生菜頗多，炸花生幾乎是全個粥的重點。如果不是沒有生菜花生粥選，我還以為來錯了"生菜花生粥"。其他所謂常見配料"魷魚"得兩條仔，而且係很幼身那種。牛肉碎欠奉(這個不奇怪，因為有好些粥鋪都不會有)，其他如豬肚...瘦肉....皮蛋全欠。服務不濟：侍應生五六個圍係度打牙骹都唔想做嘢。衛生不濟：送上的茶一杯內有一條頭髮(可惜對不到焦，影不到，不然可以放上來大家看看)環境：無疑十分舒適，木櫈也很大特色，算是不錯。$20一個早餐不算貴，但以這種貨色來濫于充數，怪不得樓上所講三間都排長龍，而這家店卻有一半吉檯。我五六年前來過一次之後再沒有來了，這次也是最後一次。也明白為何之前

常客有地盤師傅 (於浪澄灣及一號銀海中間有個地盤)，學生哥仔，附近屋苑 「random」街坊。 「random」間唔中食只求貪圖方便!全香港食肆我未坐過這麼不舒服、超勁硬、細size的木椅呵! 服務係出晒名差。 食物水準 5/10 吧。 避之則吉。

雖然這間港式茶餐廳在奧海城開業多年，不過因為過往吃過之後覺得各方面的水準都未能令人滿意，所以很久都沒有再來幫襯，直到這天才因為貪方便到來吃早餐。雖然這裡的早餐不算真的非常出色，但以它這天所收的價錢與食物質素掛，我就覺得可以收貨了。這裡的早餐主要有七款，各自又有不同的配搭。這天吃的是其中兩款，B餐選了「火腿、腸仔、西煎雙蛋與牛油多士」，C餐選了「蒜蓉豬扒、西煎雙蛋與牛油多士」。這天的早餐，火腿和腸仔都是一般貨色，沒什麼特別，煎雙蛋則不錯，不但夠熱，而且生熟程度恰可。牛油多士是厚切，牛油下得不少，烘得亦頗脆身。比太陽蛋和多士更好的是蒜蓉豬扒，煎得很不錯，味道亦佳，使自己也對這茶餐廳的食品質素有點改觀。不過在飲品方面，這裡的「熱檸水」水準雖然及格，但「熱奶茶」則流於澀身，不夠香滑，仍有不少進步空間。希望這間在openrice中劣評如潮的茶餐廳可以繼續有進步啦！那麼奧海城便能有多一間好的食肆了。希望真的可以吧！

昨日下午5點多到此店與友人食下午茶,入去前問好:有下午茶嗎?服務生回應有,我們就入去啦.食物一般,坐到約7點離開,埋單時竟然收我收一服務費...下午茶是無加一的.服務態度極差,回答說你們坐得耐所以要收加一,但店內只有兩,三張枱,完全無阻礙他們做生意.令人其不滿!!!

14/7/2009 (星期二)晚上路過這間食店，見未食過而且突然之間好想食小菜，於是就入去試下，我叫咗我至愛的西蘭花炒鮮魷。西蘭花炒鮮魷：西蘭花煮得啱啱好，火喉控制得好好，顏色保持到翠綠，但係鮮魷就比較韌，好難咬得開。老火湯：一般啦。

lunch同同學食呢間諗住茶餐廳咁既,應該唔太貴唔太差但一睇餐牌....冇乜岩食好少餐..食物價錢頗貴唯有嗌個穩陣d既叉燒蛋飯話明要多豉油..黎到只得兩三滴!!總之就係唔夠啦!!想叫人加d汁...因坐得比較入想叫侍應好難囉!免得浪費時間就唔再叫啦乾啃咁..d叉燒凍既又難嚼...煎蛋又太熟...因為唔係餐,加埋飲品埋單都差唔多40蚊其他同學食既評價都係又貴又唔好食算啦,大把有得揀,呢間唔會再去!

行開奧海城, 諗住過一期果邊食下野, 見li 間餐廳冇咩人, 望落去環境亦算ok, 就同朋友入去試下~ 可惜, 令我地十分失望而回!!! 見到有其他食客都有bad experience, 我也決定寫一寫...第一, 個晚餐餐牌真係十分難study... 都唔知佢d 錢點計, 所謂的套餐咁又加錢, 咁又加錢... order 時已經同個waitress 牛頭唔答馬咀, 佢都答得唔清唔楚咁~ 仲表露不滿的表情... 我地叫 abc, 佢就覺得我地應該係叫 xyz.... 結果d 野黎錯左, 同個waitress 講番, 佢竟然 blame 我地, o係我地張table 旁邊 e e um um, 唔知想點!! main point 係d 野亦都唔好食,就更激氣!! 仲要收銀果個人, 會同你0 交流, 幾多$ 同多謝都唔會講, 亦都唔會望你... 點解間野可以咁?

從來都未試過食一餐飯食得咁唔開心!!!剛剛見到已經有人寫左我嬲的原因...個餐牌完全係 Low quaity designed by low quality people完全唔知佢想點....Fine...初初我以為係自己蠢...好聲好氣同 "阿姐" 講我叫錯左...點知個阿姐當我好好蝦...話我 "叫錯野"，"睇錯野"...仲要一路話話話..話到我要串返佢轉頭...真係好嬲....我已經無話佢....點解我做客人，要比佢話? 點解? 點解??? 個部長仲要視若無睹...全班都係 Low quality people

星期六晚大約九點半,本來想去奧海城一期大家樂,點知已經收晒牌,唯有嚟呢間食.入到去見到有晚餐套餐餐牌,嗰牌寫住套餐:鹽焗雞半隻,是日餐湯...仲有一連串又$38,$48,$58嘅小菜,下面最底寫住$48小菜加$10,$58小菜加$20,側邊則寫住加$38小菜$88,$48小菜又唔知幾錢,睇到一頭霧水.最後叫咗一個$38的西蘭花肉片,加埋半隻雞同個湯,就係$88.再加兩碗$7的飯.個湯煲很大,都幾多湯,不過偏咸;鹽焗雞是熱的,半隻都很多,肉也很滑,不過偏油;西蘭花算淋,不過肉片很喳,亦多油.可取之處,是有個大電視播無線明愛籌款阿sa復出!

今晚一個人去想食油條+粥套餐，個阿姐話油條賣哂，咁我咪散叫碗皮蛋艇囉，點知佢反問我﹕皮蛋?你要食成隻皮蛋呀?一隻喎!我指指個菜牌同佢講﹕呢度寫可以雙拼架麻!我又冇話要食哂一隻，就算食哂一隻又點o者!佢好唔相信咁同我落單。埋單既時候，個阿叔又係睇左好耐都唔知收我幾多錢，咪拎張菜單俾佢睇，雙拼$31囉!都唔知有冇搞錯既~碗粥既料都多既，係幾重味精o者~

牛頭唔搭馬嘴的侍應........加叫貴價食物會告訴你"不化算"的態度.......減挽回人心的食物(即是沒有)........乘不算吸引的價錢......除除了今次...我想我不會再去的了...

呢間野d伙記痴痴地，我同朋友三個人一齊去，咁叫野食啦，有個亞嬸的人走埋黎，我地話要星洲炒米，佢竟然回答我地：冇河粉喎．我地咁咪重複一次，我地要星洲炒米，係米，唔係河囉．好，然後我地要碟豬扒餐肉腸仔飯，佢話：唔抵喎，午市２０蚊咋，依家晚市，要成４０蚊架．咁起初以為佢好心，咁但係我地想食，咪話唔緊要囉．點知佢又講多次話唔抵，仲話：你地唔係嘛，成４０蚊唔抵食．我地唔理佢堅持要呢碟飯，佢仲要好不满咁講多次：你地唔係嘛．我地再叫碟”窩蛋牛肉煲仔飯，佢話：有骨，我地用好奇怪的眼光咁望住佢講：有骨？？？，佢就冇出聲．

回來奧海，去食+-x隨。都幾多午市套餐揀，廿幾三十元有埋飲品，算幾好呀。我點了個燒腩飯，啲燒腩仔幾好味，好似酒樓果啲咁，有碟芥醬，餐廳環境都幾好，不過要收加一。

呢間D伙記服務態度一直唔掂,食物一般,價錢不平. 但屋企附近無乜食肆,過了三個月今晚再次幫襯.點知食完先發現蟑螂,即時通知伙記,她立刻毀滅證據! 真笨沒有拍照,於是我們要求結帳和扣除這碟$38小菜,另一個伙記話我們點的是套餐,不能扣除單一小菜,可換另一碟.我說食不下,叫我打包.白痴才會再食佢D嘢!最後她只減了$28.之前已見過蟑螂隨處行,但今次煮熟在碟底,實在太嘔心! 服務態度卑鄙惡劣.