WM Café & Bar (雅濤居購物商場)

营业中

休息中

今晚放工和同事來馬鞍山運動場打完羽毛球後，又來到這間餐廳晚餐。短短開業兩個月，我地前後都來過三次，最吸引之處在於價錢經濟、食物有質素和座位闊落有埋梳化位坐得舒適。餐牌菜式選擇多，晚市套餐包埋餐湯餐包飲品唔駛過百蚊相對實惠。上次食過的威靈頓牛柳幾好食，但今晚賣晒真係好搶手。唯有今次揀黑豚西冷，原來有驚喜。忌廉龍蝦湯和餐包龍蝦湯色澤深紅味道濃飲落好滑，配埋軟淋淋的餐包合格有餘。鹿兒島黑豚西冷配檸檬帶子青蘋果絲 $98賣相不俗，有西蘭花車厘茄薯蓉等伴菜。黑豚西冷慢煮需時，豚肉香味濃，肉質柔軟細嫩白裡透紅，少少鹽調左味不油不膩，有咁上下厚度咬落有肉汁有口感。帶子大粒但得一粒非常珍貴，切完又切唔想一啖食左佢，軟淋淋幾好味。青蘋果絲味道清新爽口，和黑豚西冷一起食口感幾特別。龍蝦汁海蝦蟹肉意粉 $82海蝦新鮮中型大細肉質彈牙，蟹肉得少少，意粉索晒龍蝦汁幾入味，軟硬度適中，味道唔錯。熱情果菠蘿梳打+18近排經常點，味道甜甜地酸酸地，凍飲清甜可口，飲落好開胃，有氣蘇打水口感充實，大大杯好襟飲。

成熟啲人有時要懂得享受一個人哋獨處，其實一個人也可以很浪漫，聽一首動聽的歌，做一個人可以完成的運動。逛一個人的街，吃一個人的午餐。都可以很享受。方便工作的關係，在附近找到這間西餐廳。全落地玻璃可以通透光猛，與街景連慣透折。因為臨近萬聖節，有不同的裝飾，完全感受到特別有節日氣氛。梳化式座椅。午市坐満人客，大部分是卡位，有獨立的空間和私隱感足夠。三只炸雞翼加一碗蕃茄湯米粉，放在一塊十木板上加沙律點綴，非常漂亮。最後喝一杯熱檸水解渴又消滯。

馬鞍山新開既西餐店舖環鏡非常闊落所以位置亦都比較多好難得星期日係馬鞍山食飯係吾洗等位門口位置亦都有室外座位就算推住bb車都吾怕冇位泊午餐會跟兩個餐湯分別係番茄湯同龍蝦湯令人意想不到嘅係估唔到番茄湯會咁足料每一啖都係粒粒嘅蕃茄🍅而且酸酸甜甜非常開胃龍蝦湯嘅龍蝦味亦都非常濃郁凍鮮奶咖啡凍朱古力咖啡好多時咖啡太多或者太少都好影響成個味道呢兩杯嘅咖啡比例都沖得非常完美WM安格斯牛肉芝士漢堡 $68漢堡嘅份量非常足料首先有厚切嘅安格斯安格斯煎得唔會太過乾食落口嘅時候仲有肉汁漢堡嘅包已經炕過而芝士已經緊緊同麵包融為一體再加上蕃茄生菜沙律醬一個好味嘅安格斯漢堡就誕生喇鹿兒島黑豚西冷配北海道檸檬海鹽烤雞配薯菜其實除咗薯菜仲有意粉或者飯可以揀不過因為我好鍾意食薯條而且呢度嘅薯條都係即叫即炸所以都幾好味大大塊豬扒同雞扒肉質夠晒鬆軟彈牙相當唔錯其實呢度仲有好多唔同嘅甜品可以選擇不過淨係食個午餐都已經飽哂下次再有機會嘅話一定要試吓最重要係好食得來價錢又唔會太貴喺馬鞍山難得一見嘅親民西餐

呢排成日飛來飛去✈️，好唔容易就到時間同另一半靜靜咁食個晚飯。去到新開嘅呢間分店，一如預期好適合我地傾下食下放鬆下～叫左兩個set dinner，價錢唔貴，而且係比較有特式嘅Main Course。🔆Set dinner餐湯係龍蝦湯，鮮味而又濃淡適中，伴上烘熱左嘅餐包無得輸～🔆百零蚊就有得食威靈頓牛柳，千層穌皮切開係5成熟嘅牛柳，肉質同味道都熟中路位置，但價錢對比下，呢個餐就值回票價了！🔆脆炸軟殼蟹墨汁意粉賣相唔錯，大大隻軟殼蟹同墨汁顏色非常匹配。唔洗講，炸過嘅軟殼蟹係特別香口，意粉掛汁程度幾好，可以食到啖啖嘅墨魚味道。🔆見隔離枱杯凍特色咖啡賣相好得，我又叫番杯飲下～再追加多個$8嘅沙律！✏️整體黎講，CP值都幾高，絕對會encore！

我們一行二人，馬鞍山新開左一間西餐，這間餐廳係科學園都有分店，聽聞OK所以試吓。分別叫了一個意大利香草墨魚仔蒜香墨汁意粉：味道ok,不會太濃味，但料就太少和配菜又唔多，意粉不會太（琳）口感OK，但賣相完全冇；另外叫了一個雙層安格斯牛肉芝士漢堡配薯條：漢堡口感ok，但唔夠牛肉味和醬汁嫲嫲地，薯條夠脆；最後叫咗一個甜品：自家製蘋果金寶配雪糕：這個甜品最值得讚最好味👍🏻。環境方便，都ok舒服（但如果坐滿人都比較逼），可能比較早食晚飯，所以就唔算太多人。當天唔知關唔關坐廚房門口的抬，食食吓有蚊咬腳和面。整體而言如果食甜品都OK，晚餐就一般啦

之前在回家路上發現平時間西餐廳原來已經轉左手，終於等佢裝修完可以入嚟試吓。餐廳有兩個門口，正門在街外，後門在商場內，如果有bb車或輪椅之類，就最好行商場內的無障礙通道，因為餐廳中間有幾級。商場入口仲有幾張枱坐喺餐廳外，可能啱有小朋友嘅家庭多啲，等小朋友食完有多啲空間活動。裝修簡潔，店外店內都有一大片綠油油「草皮牆」好搶眼！晚餐set dinner 都有好多款選擇，唔喜歡都可以叫À la cart，我哋決定叫兩個餐，餐湯本來係忌廉龍蝦湯，不過呢期唔食得海鮮，所以轉番茄湯，也有濃郁番茄味和茄肉，鮮甜好味。叫咗個「鹿兒島黑豚西冷配青檸帶子青蘋果絲」（ $98 ），黑豚西冷都算大片，肉質嫩腍，還有不少肉汁，都幾好食。帶子有一粒，食唔到青檸味，但係質感都唔錯，唔會太韌。青蘋果絲為整體帶來清新口感，還有薯蓉及蔬菜伴碟，性價比不錯。另外叫咗一個「威靈頓牛柳」（ $128 ），是晚餐中最貴的一個，製作需時，我哋食完第一個餐佢就差唔多上菜了。將牛柳釀入一個麵包中然後去烤焗，麵包皮帶點脆口，裏面有好多蒜蓉。份牛柳都好腍身，好juicy。同樣附送一大片薯蓉，一定飽肚。餐茶要左凍熱檸茶各一杯，凍飲要加4元，或

好多人話馬鞍山係美食沙漠，但其實近年都開多左好多好嘢！例如今日呢間WM,之前同一位置都係做西餐，某日行經發現原來轉左了。之前在大埔見到WM分店，估唔到馬鞍山都有了！晚餐選擇有10款，價錢由$68-$128！感覺比之前嗰間價錢平民化一點，附送餐湯及餐茶。餐湯係龍蝦湯，龍蝦湯十分濃味，有龍蝦肉在當中。今晚試咗個「鵝肝鴨肉意大利飯」（ $82 ），啲飯相對濕，飯心有點硬應該係正宗意大利飯的煮法，鵝肝鴨肉一大片在中間，鵝肝煎得唔錯，意大利飯中間仲有菇伴着，整體OK。另外一個「龍蝦汁海蝦蟹肉意大利粉」（ $82 ），龍蝦汁味道都重，加埋海蝦蟹肉，整體好有鮮味。海蝦有數隻，蟹肉好味，份量都OK。最後飲埋杯餐茶熱檸水，優優閒閒、舒舒服服過咗一個晚上。

今晚係返男朋友屋企附近食西餐😛咁就揀咗一間喺民居附近商場入邊嘅新開西餐廳😛❤️見到佢哋今晚嘅set dinner都非常抵食 全部都好貼地😙首先佢先上左個餐湯同麵包比我地佢個餐湯好rich 🥺🥺我好鍾意麵包都好鬆軟咁我自己果個係軟殼蟹墨汁意粉軟殼蟹大大隻成隻手掌咁闊🍴而家炸得好香脆又juicy 佢墨汁意粉彈牙而家熟腍既程度剛好🙊第二個係我地平時好少食既wellington beef 🙋餐廳用左一舊好正既菲力牛扒加上中間有好香既芝士係面再加外層金黃既酥皮真係👍而且牛扒既質素好高 焗完出黎仲係帶有小小粉紅色我地仲外叫左一個cheesecake 味道都好好 😀同埋佢地杯朱古力好rich

星期日，唔想煮，於是去附近搵野食！見WM既lunch set經濟實惠，坐位又舒適，於是同朋友各人食咗一個lunch set🥰美國西冷牛扒配燒汁（薯菜）$62西冷扒咬落落去好有嚼口，唔會太靭或太腍！配埋薯菜，份量啱啱好😋不過薯條略為腍咗少少，如果再脆啲會更可口鹿兒島黑豚西冷配北海道檸檬海鹽烤雞意粉$68雞扒外皮香脆，肉質鮮嫩。豬扒都唔錯，無一般豬肉咁嚡。意粉真心一讚👍煮得啱啱好，咬落去彈牙，食落去超有口感😋

週末到屋企附近閒逛，經過這間新開業不久的WM Café and Bar，就在這裡吃午餐。餐廳面積廣闊，充滿空間感，坐得頗舒服。午餐價錢由$60至$68，以同區來說甚為抵食。忌廉龍蝦湯龍蝦湯色澤紅潤油亮，湯頭較稠身，喝起來濃濃滑滑的。鹿兒島黑豚西冷配北海道檸檬海鹽烤雞薯菜 $68想不到份量頗足，尤其是豬扒夠大件頭。豬扒煎得帶有焦香，肉質鬆軟，不過就略嫌肉汁稍為乾了點。配上懷舊風的曲薯條，但可惜不是即炸，所以溫度不夠熱。WM烤汁手撕豬肉芝士漢堡 $68疊得高高的漢堡，裡面配料有菠蘿、手撕豬肉、蕃茄片、芝士及生菜。麵包佈滿芝麻粒，麻香四溢，只是烘焗時間可能過短，欠了外脆內軟的口感。手撕豬啖啖肉，肉質軟嫩，加上菠蘿切片，醒胃清新不膩口。餐飲就點了冷熱朱古力各一。

又到週末好去處嘅時候喇今日第一站就去咗馬鞍山先之後就去西貢咁呢馬鞍山呢就比較少去咁就周圍行啦，咁就見到有一間新開嘅西餐廳叫WM Cafe，佢萬聖節裝飾佈置得幾靚又唔太貴，於是就入咗去坐啦。入到去啲燈光有啲暗好似啲酒吧咁樣，都幾有氣氛。其實喺門口已經睇咗要食咩所以我哋都好快就叫啦，咁佢個lunch就由11:30就做到五點嘅都包埋下午茶。於是我哋一行二人就叫左鹿兒島黑豚西冷配北海道檸檬海鹽烤雞再配薯菜。另外就叫咗個安格斯牛肉芝士漢堡。咁佢有餐湯嘅，今日嘅餐湯就係羅宋湯同埋龍蝦湯，咁我哋就叫咗龍蝦湯啦。雖然係星期六，但係我哋嚟嗰陣，都差唔多已經坐滿晒人，好彩咁岩有一張枱比我地所以就唔使等。等左一陣，龍蝦湯同埋餐咁就嚟咗先我哋就叫咗凍檸茶。龍蝦湯好香，唔會濃或者太鹹個味道啱啱好。餐飲方面，基本上我每次食西餐廳或者Cafe都會叫凍檸茶，因為佢哋嘅茶底會清啲，好似西式嘅紅茶咁樣，唔會好似茶餐廳嗰啲咁濃會苦澀。呢杯冇令我失望，啱啱好，好好飲。跟住主菜都嚟咗啦，我就叫咗牛肉芝士漢堡，朋友就叫咗豬扒同雞扒，大家都係配薯條。咁我就試咗自己嗰個先啦，個burger面頭鋪滿晒芝麻。我個口比較大，當然係一啖咬落

Set dinner 配有餐湯 龍蝦湯同餐包同飲品凍朱古力 同埋荔枝蜜桃梳打；梳打飲品做得比較好飲鹿兒島黑豚西冷配檸檬帶子青蘋果絲 98說穿了其實係一塊豬扒！煎得香口醬汁甜甜酸酸，好吸引WM 威靈頓牛柳 128外層是剛剛炸好的酥皮包住入邊是層層嘅牛柳，做法獨特，但非常考功夫，要做到外脆之餘入面嘅牛柳嫩滑多汁；但牛柳有點過熟，若然牛柳生熟程度掌握多一點會更好！鵝肝鴨肉意大利飯 88鵝肝均勻沾滿每粒飯粒，入口有點甜甜的，不錯；但食太多有點漏。小食 脆炸雞翼 檸檬海鹽蜜糖味個汁fresh得泥甜甜蜜味，唯獨入面唔夠味，外層脆脆的！

又到咗Happy Friday🥳上次嚟WM Cafe 食Lunch，今晚一於嚟食Dinner，其實好想嚟食佢嘅威靈頓牛扒，但好可惜已經賣曬😭為有食其他嘢啦😎我們叫咗2個 set Dinner，分別係龍蝦汁海蝦蟹肉意粉和脆炸軟殼蟹墨汁意粉🍝晚餐送忌廉龍蝦湯🦞龍蝦湯好鮮甜👍🏻好味😋晚餐加8元可以有廚師沙律🥗沙律菜份量都幾多和好新鮮，仲有兩塊煙三文魚😻另外我們再加8元配薯菜🍟雖然薯條份量少咗啲，但都好脆卜卜👍🏻龍蝦汁海蝦蟹肉意粉🍝蝦肉好彈牙🦐蟹肉都幾多🦞意粉配上龍蝦汁鮮甜美味😋脆炸軟殼蟹墨汁意粉🍝軟殼蟹好大隻🦀仲要係即炸😻所以超脆🦑墨汁意粉爽口彈牙👍🏻晚餐加12元可以配埋甜品🍰我揀咗藍莓芝士蛋糕和紐約芝士蛋糕😻口感幼滑🧀芝士味香濃超級好食😋另外，飲品我哋叫咗雪糕忌廉梳打🍹雪糕充滿香濃芒果味🥭一邊飲嘢一邊食雪糕☺️一次滿足曬2個願望🥰呢到環境唔錯，坐位好闊落和地方好大，食物價錢合理和有質素👍🏻

馬市再有新CAFE, 梗係要黎會一會呢到原來有早餐, LUNCH SET同DINNER SET而且SET既價錢仲好抵, LUNCH $6X有交易喎叫完SET, 會先送上餐湯, 內有一條氣龍蝦肉, 味道幾好~鹿兒島黑豚西冷配北海道檸檬海鹽烤雞 + 薯菜2件肉都有手甘大塊, 肥瘦適中, 有肉味, 而且幾鬆化~WM安格斯牛肉芝士漢堡一送上黎已經香噴噴啦, 芝麻包好香好脆~安格斯漢堡扒好JUICE, 十分好味仲有大大片芝士同蕃茄夾住薯條十分熱, 外皮香脆, 勁正呀!再配飲品, 茶味夠!環境舒服, 呢到可以再ENCOH呀!

今日買野經過，發現馬鞍山開多咗間西餐廳。 見到裝修都幾靚，所以入咗去試。 set dinner平均$78-128, 價錢都係合理範圍。 我同朋友叫咗個牛肉批配薯蓉， 洋蔥汁香煎鱈魚柳扒， 跟餐有南瓜忌廉湯。南瓜湯味道濃沃唔會過鹹，反而飲落口有甜甜地嘅南瓜味。👍鱈魚柳扒，無雪味食落滑溜，個皮都幾香脆。 個牛肉批睇落非常金黃，但切開發現太生， 要叫佢再整番熟啲先得，不過員工態度好好，都即刻幫我整番👌環境好好坐，覺得下次可以試下午茶