WM Café & Bar (科學園) (已搬遷)

今天又駕車經過科學園，隨意到一期的食肆找吃的。到了一間叫wm的，地方好細，座位不多。不過，看到午餐menu都幾吸引，就試試。餐湯是蕃茄湯，用兩個飲品杯盛著，有半杯滿。一看，不太吸引。一飲，好酸！不過，確實有好多番茄茸沉底，真材實料，不是罐頭蕃茄湯。Honey點安格斯牛肉漢堡扒炒雜菇芝士漢堡包。食品的名字好長，逐樣數，就欠了炒雜菇，算啦。漢堡包好多芝麻，鬆軟。不過，那塊安格斯牛肉，好實！整個好大份，不貴。我點溫泉蛋卡邦尼意粉。這個不錯。汁不太濃稠，溫泉蛋好嫩，意粉份量也多。最有驚喜的是，加錢追加的小食。炸雞翼16元三隻，剛炸起，好香脆，不油膩，醃得夠味，但又不太鹹。加12元，是日甜品：檸檬芝士蛋糕。餅底鬆軟，芝士creamy，檸檬夠酸，very nice，真抵食！追加小食比主食更出色更吸引。總體而言，尚算不錯。…查看更多

WM Cafe &Bar乳豬今次就黎到科學園搵野食～今就黎到WM cafe & Bar黎食試下佢地既美食。北海道3.6溫泉蛋黑松露卡邦尼意粉今次乳豬就叫左一個北海道3.6溫泉蛋黑松露卡邦尼意粉，嘩～～個名好長，但材料係咪符合商品說明條例一樣都無少呢，我地睇睇🤣🤣🤣先講個意粉，煮得比較軟身，我個人比較喜歡硬返少少，但個汁食落好舒服，唔會好鹹，有清新感覺。隻溫泉蛋賣相好靚，配埋香草🌿，係正既。但講到黑松露呢就。。我食哂成碟都見唔到有，火腿就好多🤣🤣所以就比較失色單調。乳豬指數：🐷🐷安格斯牛肉雜菇燒汁芝士漢堡配薯條乳豬係「超超超超級漢堡痴」，食哂全天下既漢堡係畢生志願。以乳豬食堡多年既經驗，呢個包唔合格😫😫因為個包面同包底一啲都唔香口香脆，成個包溫度唔熱係大忌，主角漢堡扒一啲都唔juicy,無想一咬再咬既感覺，只想食哂佢飽肚就算，無品嚐既意向，但可取既地方都算比較大個，不過價錢亦唔便宜。推介指數：🐷🐷…查看更多

Had lunch here and picked the pizza option.Parma Ham pizza - $70 for the set which includes a soup and a drink.Soup came in a cup, no spoon but the tomato taste was not bad.The pizza was sad, very thin crust almost to the point of flaky, hardly any tomato base, ham was not impressive and cheese did not seem to make an appearance.Most other people were having pasta, wrong choice - maybe but I was disappointed?…查看更多

原本Happy Friday變咗Black Friday！永遠Blacklist，肯定唔會再幫襯！真係影衰科學園！話說今日帶住仔仔第一次踩單車出科學園食嘢，仔仔想食Burger，搜尋網上有post介紹WM CAFÉ & BAR (科學園)嘅burger，於是就鎖定去嗰度。入到去我好有禮貌咁問女職員，表示我們有單車可以如何安排？但係佢態度都已經好唔友善咁指示叫我哋坐外面。（其實我期望可以泊架單車喺外面，我同仔仔可以坐店入面）。但見佢態度咁差都費事講多。泊好單車後，坐定定諗住會有人出嚟同我哋落單，左等右等，跟住嗰位女職員就推住門呼呼喝喝咁叫出嚟：「你哋落單要自己入嚟落，我哋唔會出嚟幫你哋落。」於是仔仔就入去落單付款，佢先點了午餐I ，但因當時5:04，呢位女職員唔知點解要咁炆憎同我仔仔講過咗五點就冇午餐。我哋真係第一次嚟，點解唔知好似變咗係罪。於是仔仔就點了三個下午茶餐，只叫咗兩杯飲品。其實三個套餐應該可以叫三杯飲品。（咁當然唔使期望職員會善意提醒我仔仔啦！）到有另一名男職員開始送食物出來，但遲遲未有飲筒亦都冇餐具。於是我再入店內詢問嗰個女職員，佢真係發晒惡咁表示呢間舖頭係自助形式，要自己拎餐具，我問邊度寫住？佢就話成個科學園都係自助形式。（好似我一定要知咁！唔知就係我錯，佢完全唔覺得有責任要提醒？）我話其實自己拎餐具冇問題，但最好你事前送餐時可以提一提醒，因為我哋坐出面，時間大家一樣都咁寶貴，唔好要我哋喺出面一直係咁樣等吖。佢竟然話我哋坐出面係冇服務喎！坐入面就會有。我聽到真係好錯愕，坐外面同坐裏面都係收咁多錢，你哋錢又識收？點解坐出面同坐裏面待遇會唔一樣呢？我問佢如果唔係幫襯你哋咁可唔可以坐你哋外面嗰啲位置？佢話唔得。咁即係話坐出面都係要你哋呢間舖頭管轄啦！點解坐出面就唔會有服務？我真係不能理解！我真係唔明點解千里迢迢要走嚟呢度受氣！其實只係提一提醒客人或者唔想做多咪索性寫一個牌仔講明要自己拎餐具囉！咁簡單嘅事，都講唔上要啲咩服務啦！真係好基本！你話你係大家樂麥當勞我就梗係知道係自助啦，真係估唔到一間Cafe&bar嘅質素仲差過大排檔！但係價錢又唔係平過人。之後自助bar枱見唔到茄汁，連問嗰位女職員有冇茄汁佢都已經懶得再答我，簡直無視我！當時店內只有兩名顧客，反而要係其中一位顧客遞支茄汁俾我，我連忙說唔該！唉…可能我哋真係唔應該幫襯佢哋，佢哋都唔想做，等佢哋舒舒服服，冇人幫襯唔使做野，坐喺度有得收人工就最好啦！費事貼錢買難受！食物質素：同樣差，豬扒包塊豬扒"鞋"到咬唔落口！食到頂心頂肺，送晒比垃圾桶！…查看更多

每日都要決定中午吃什麼，有時真會腦海一片空白。因為來來去去都是粉麵飯，食得多真會厭。今日又是選擇困難症發作的一天， 於是讓同事決定， 就去了這cafe式的餐廳吃漢堡。午市套餐算是齊全， 有杯湯、飲品、主菜及side dish。配漢堡的薯條是我喜歡的有坑紋的粗薯條，點偏甜的茄汁特別好味。漢堡都幾大個， 芝士及醬汁溶在漢堡肉上食時特別juicy。漢堡肉算唔錯而且夠厚。芝麻包微微烘過好香軟。同士要了三文魚白汁寬條麵， 份量足，醬汁濃郁。我地原本加了一件芝士蛋糕share, 後來老闆還多送我們一件，芝士蛋糕味道香濃，幾好味。…查看更多

見到呢度好評多嚟試吓一來到 周圍未執枱 （Lunch Hour有機會員工未得閒）餐具要自己出去拎 最後得膠叉嗌咗兩個set lunch咩豬燒烤醬漢堡 個豬好似豬肉乾只有咸味薯條正常 個包熱度不足 芝士雞扒意粉冇汁 但幾香雞翼 蛋糕普通 正評最多估唔到係伏 零服務=自助式food court 不會再來 也不是便宜…查看更多

從來未食過一間咁難食嘅餐廳，i need to tell you guys that this restaurant is the worst restaurant that i have been ever ate in HONG KONG！！！！😡🤮湯: 自稱龍蝦湯，難飲到爆炸，完全唔知咩黎，溝左勁多麵粉🤮豬: 鞋到。。。勁老。。。意粉: 完全冇味，油過我塊臉，送都唔食2杯飲料咁普通都可以整得咁難飲先勁。。。LOL重點，個甜品，d香蕉發曬嘅？🤬🤬🤬比d垃圾客食，永久blacklist！WM Café & Bar (科學園) (沙田)📍沙田白石角香港科學園一期科技大道西5號企業廣場地下S019號舖…查看更多

開始入秋，假日最好不過同成班朋友一齊踩單車，由沙田出發一路踩入大埔，經過科學園，朋友呢間推薦大眾化價錢嘅露天茶座，環境唔錯，最好係可以泊架單車，坐入去嘆冷氣唞吓，見到唔少人帶埋寵物喺出面露天茶座都Chill都幾正之前係科學園食過幾間餐廳性價比都好低，但呢間50幾蚊都有，午餐有Burger 、意粉、All day breakfast ，選擇好多元化，而且份量都好出奇地多。蒜香藍青口墨汁意粉（$68）跟飲品配埋墨魚汁，蒜味好惹味，上枱夠熱，對得住價錢安格斯牛肉燒汁雜菇漢堡（$72）錯咗重點因為真係好鍾意佢嘅薯條，扭紋薯條真係唔係度度有得食，即炸真係冇得輸，炸雞翼（$16）簡簡單單好香口，係以前細個食嗰種味道。—————————————————WM Café & Bar (科學園) (沙田)沙田白石角香港科學園一期科技大道西5號企業廣場地下S019號舖…查看更多

今早到科學園，見環境不錯便入內試試。要先買票，取坐格牌子坐下，侍應就會送餐。有自助調味料區，咖啡奶也是按個人喜好自助取用，可減少浪費👍🏻。有室外位可選，坐位舒適，服務員細心有禮。食物味道ok，價格合理。…查看更多

今日喺呢度食午餐  唔需要等位  但要自行去收銀機點餐  落單速度非常快速   比較有趣嘅地方係唔收八達通餐湯呢係裝喺隻杯入面嘅  而且就只得半杯  蕃茄湯入面係有一舊舊嘅蕃茄  但因為冇細匙羹  最後只好杯底朝天咁樣倒啲蕃茄入口食漢堡包餐薯條係可以改生菜  仲會畀埋沙律醬你  咁食起上嚟有啲味道  牛肉漢堡係有牛肉味  個包嘅質素都唔錯雞翼賣相幾好  仲好有技巧咁呢  將最大嗰隻係放上面  其餘嗰兩隻細啲嘅喺下面  咁又加上香草啦  賣相同味道都可以  同樣有趣嘅就係用咗個公仔麵碗嚟裝其餘店內環境同餐牌有興趣自己慢慢睇啦…查看更多

餐廳職員友善又有禮餐廳座位可選擇室內與露天：喜歡踩單車入科學園嘅可以泊架單車係側邊，坐露天茶座；想嘆吓冷氣又可以坐入室內迷你肉醬意粉配芝士多士肉醬意粉比較乾身，再配埋脆脆嘅芝士多士，仲有一杯飲品，先$28！抵食！WM特色腸拼盤一次過可以試晒五款唔同款嘅腸仔，鍾意食腸仔嘅你可以試吓WM秘製烤檸檬穀飼豬扒包配薯條秘製豬扒非常好味！一咬落去塊豬扒非常多汁又夠味！包又夠鬆軟！呢個必食！煙三文魚牛油果牛角酥配薯條Perfect match!第一次試牛油果醬配煙三文魚，別有一番風味！牛角酥外脆內軟！薯條好夠薯味，仲要係厚厚波浪形長長的薯條…查看更多

這星期天氣不穩，今天見陽光充足，便到科學園走走，怎料也突然下起雨來，走進室內，從天橋往下看到餐廳，就入座一試。原來餐廳用半自助形式，先找座位，再到收銀處下單，拿號碼牌放枱上，職員便會送上食物，餐具調味等也是自助的啊。點了2份午餐，可惜餐湯送完即止，太晚入座沒機會喝呢。而甜品亦有幾款選擇。北海道3.6牛乳溫泉蛋黑松露卡邦尼意粉要求了多醬汁，果然上枱時亦看到分別，黑松露味道較淡，但卡邦尼是本人最愛，加上溫泉蛋味道便剛好，若喜歡濃味記得下單時要求啊!美式BBQ烤手撕豬菠蘿芝士漢堡配薯條多配料的漢堡漢堡少不了蕃茄及生菜，最重要的是漢堡包上下都係脆身的，整漢堡層次很多，所以上枱後記得快點食用，大口大口的咬，非常滿足。Iced Mocha悶悶的天氣，配上杯凍飲，大快人心汽水亦是自助的啊…查看更多

9 0 後 的 味 蕾-如果你哋要去科學園搵嘢食，可以試吓其他餐廳，呢間餐廳略為失望，食物質素差，只能夠提供到美心大家樂質素，但收緊我雙倍價錢:(-星期六諗住開開心心帶住媽咪去科學園玩下，順便食返個悠閒下午茶，見到eatigo有呢間餐廳嘅優惠，諗住試吓，點知......-德國雜腸呢一碟份量少到冇朋友既腸連埋一杯茶餐廳飲品，收咗$55 連沙律菜都咁少-味道正常，腸好難難食得去邊，一條條拎出嚟煎-份量/擺扁/特色絕對唔會值得呢個價-漢堡包配薯條， 成個包完全冇特色，塊漢堡扒又冇乜味，最慘係連條薯條都係凍-嗰日已經唔係好多人，得兩三台客 ，咁都唔俾返少少誠意，炸返熱啲薯條仲要收咗70幾蚊-金拱門嘅蘑菇安格斯漢堡包一定出色過佢---墨汁意粉 ，三樣入面最正常，不過佢啲意粉唔係用墨汁做嘅-其實食完好唔開心，特登搵一間餐廳，結果🀄️👕🕊！-有時候食嘢價錢貴少少唔緊要，你俾返咁上下質素我，但係呢間餐廳要對食物質素嘅要求再提高返先可以對得住個價錢。:(-餐廳仲要係宜家傢俬自助形式，唯一值得讚嘅就係待應幾有禮貌…查看更多

🕰️用餐時間：13:00-14:45 👥人數：3雖然餐廳繁忙，提供快餐式服務，但環境尚算良好。食物份量出奇地多，味道可以，絕對「對得住」價錢，而且套餐價格範圍大。C. 忌廉菠菜煙三文魚闊條麵 ($58)三文魚、菠菜、忌廉等都沒有吝嗇，絕對「大大碟」！H. 美式BBQ烤手撕豬菠蘿芝士漢堡配薯條 ($72)漢堡包味道不錯，薯條份量亦大N. WM全天候早餐配牛油多士 ($78)牛角包很脆、蘑菇炒得尤其香！所有午餐跟餐湯及飲品一杯，可走/少甜和走/少冰，凍飲和特飲(如凍檸檬紅茶)+$4。…查看更多

唔知大家踩單車嘅時候經過科學園會唔會好好奇裏面係點㗎呢？今次呢就轉成搭車入去行個圈睇吓點嘅樣，順便食個午餐啦💗💗🍔美式BBQ烤手撕豬菠蘿芝士漢堡配薯條 $72漢堡唔錯喎，好有BBQ醬嘅香味仲辣辣添，豬肉撕成絲易入口。菠蘿香甜多汁，酸甜口感更開胃。薯條係粗薯條即叫即炸，熱辣辣脆卜卜，好味！🥐全天候早餐配牛油多士 $78All the breakfast 都唔錯，最欣賞就係個雞肉腸，煎到脆卜卜好吸引。小蘑菇都唔錯，冇乜草腥味但又有水份。煎蛋仲係燶邊蛋添架。雖然菜式睇落好普通，但若果係踩單車入嚟食個飯休息下都唔錯架喎～📍WM Café & Bar (科學園) (沙田)沙田白石角香港科學園一期科技大道西5號企業廣場地下S019號舖…查看更多