Wheatfield X 羅宋湯專門店 (漢宮閣) (已搬遷)

见到有海派罗宋汤呢个名好似好吸引，其实只不过系我哋平时饮开嘅罗宋汤😅众所周知，罗宋汤系源于俄罗斯🇷🇺不过你去过俄罗斯就知道佢哋嘅罗宋汤同我哋饮开嘅罗宋汤系完全唔同味道。因为俄罗斯嘅罗宋汤系用红菜头嚟煲，而我哋饮开嘅罗宋汤都系落咗蕃茄酱再加红萝卜嚟煲嘅，味道系完全唔同，其实颜色都唔一样，今次就嚟试呢间海派罗宋汤。佢嘅罗宋汤的确系几浓郁，不过我觉得价钱有啲贵，加个捞面再加块鸡扒已经要$92，而捞面同鸡排其实唔系特别出色🙃…Read More

前几日放工后，和太太到太古城逛街，行经附近的太古城道，留意到一间罗宋汤专门店🤩由于我俩都喜欢喝红汤，便一尝它的庐山真面目🤤-这间餐厅店如其名，主要售卖罗宋汤，其次为不同的中式汤类、饭、面、小食和饮品🤩食物的价钱不算贵，份量又多，整体黎讲性价比几高👍🏻-1人精选套餐系列 $88 (牛腩罗宋汤+盐烧牛脷粒溏心蛋饭)1️⃣牛腩罗宋汤这碗罗宋汤的质感非常浓稠，味道浓郁，酸酸甜甜及带点微辣，内里很真材实料，有很多蕃茄、椰菜、西芹、薯仔和红萝卜，全部都煮得很软腍而不散开，火喉控制得不错🤩牛腩也是很大块，很有筋道，和罗宋汤是绝佳配搭🤤-2️⃣盐烧牛脷粒溏心蛋饭牛脷粒烧得刚刚好，不用任何调味，用盐烧就能提升牠的原来味道😋溏心蛋做得很出色，用蛋黄捞饭食，正🤤-1人全日汤面套餐 $78 (牛腩罗宋汤螺丝粉+板烧猪扒)3️⃣牛腩罗宋汤螺丝粉螺丝粉是我太太的至爱，不过份量是真的很多，啱哂大胃口的朋友去食😆-4️⃣板烧猪扒猪扒看起来很干身，但食落都有不少肉汁，和牛脷粒一样，用盐烧过之后，很香很惹味😋-5️⃣迷你虾多士 $40/4件 (套餐另加)这几件虾多士的外皮很酥脆，里面的虾胶亦很饱满及鲜甜，蘸了沙律酱后，一口一件，很快会食哂，是一道会上瘾嘅小食🥰…Read More

放工喺太古城食饭 落雨湿湿想饮啲暖嘢 嚟到呢间wheat field 罗宋汤专门店感觉好新鲜佢主打系罗宋汤另外加面条 配搭几特别今日试咗佢嘅二人套餐唔使200蚊都算抵食有个小食拼盘有炸虾多士 鸡翼同埋沙律 罗宋汤有好多款今日试咗佢个海派猪畀肉罗宋汤里面有大大块猪髀肉 大量蔬菜 罗宋汤好鲜甜啲味真系好似老火汤咁煲出嚟嘅 饮落好舒服上海捞面有豉油底好烟韧 配上罗宋汤好自愈 饱肚 另外点咗海派牛腩罗宋汤牛腩份量好多 好好食 罗宋汤亦都好好饮香煎薄牛扒脆猪扒包 牛扒热辣辣 个配搭好吸引 猪扒包好脆 好香口呢度座位都几多坐得舒服 罗宋汤仲有得买包装预制嘅汤包 这里服务一流 可以encore…Read More

唔知大家会唔会好似我咁成日都觉得喺太古呢个区好难揾到啲平靓正嘅嘢食🤨，今日路经呢间餐厅就俾佢嘅餐牌吸引，一睇价钱非常平易近人😇，一于就试吓佢。一人精选套餐 $88鸡柳丝清鸡汤🐓+盐烧牛脷粒🐂溏心蛋饭套餐可以拣一个汤品🍲加主食，我就拣咗一个鸡同牛嘅组合。鸡汤食落几浓味，但感觉唔系味精，似慢熬出黎。至于主食嘅牛脷粒👅，调味几好，口感几淋咬落唔会靭，整体不错。一人秘制酱油捞面套餐 $80牛腩罗宋汤+上海面🍜+汁烧猪髀肉🍖(2块）套餐可以拣简单嘅汤品加面食，又或者系再加多一个小食，我就梗系三款都试哂。罗宋汤超足料大大碗，酸酸甜甜蕃茄🍅加杂菜既味好清新，牛腩份量亦好多又够软。同埋饮完汤已经好饱！上海面酱油味几香，但略嫌佢淋咗啲，可能本身只上海面系咁🤣。另外，猪髀肉都好入味，质地唔会嚡烚烚，几好食。迷你虾多士🦐（四件）$40（加购价）外皮个炸粉炸得黄金香脆，厚薄适中，点埋沙律酱食好惹味😝。…Read More

朋友嚟太古揾我食晏，问我有咩好餐厅推介。记得友人爱喝罗宋汤，就一于带佢嚟呢间「Wheatfield X 罗宋汤专门店」试下。餐厅主攻轻食快餐，将传统海派罗宋汤融入唔同嘅面食，另外亦有饭类、包类及一系列经典小食可供配搭。点咗个 1 人精选套餐 同 厨师推介套餐，两个套餐均奉送热饮，冻饮+$3、汽水+$6、特饮半价。1人精选套餐 ($88)：套餐包一款汤同一款饭，餐厅主打罗宋汤，当然唔可以错过，拣咗牛腩罗宋汤、盐烧牛脷粒溏心蛋饭+热奶茶。罗宋汤超足料，舀起见到汤内有番茄、椰菜、红萝卜、青椒和牛腩等。尝一口，汤身浓郁芳香，偏辣和带蔬菜甜味，配上丰腴软腍嘅牛坑腩，开胃惹味。牛脷粒烧到啱啱好，表面带点焦香，虽然肉厚，但咬下去软腍有嚼劲。溏心蛋嘅流心程度亦恰到好处，蛋黄浓郁滑溜，连平日不大爱吃蛋的友人都大赞好味。至于个厨师推介套餐 ($88) 就拣咗猪髀肉罗宋汤、汁烧猪髀肉脆猪仔包+冻柠茶 (+$3)。罗宋汤酸甜平衡，内有大量番茄和蔬菜，非常足料。猪髀肉肥瘦适中，大大片，香嫩又 Juicy，食落好滋味。猪仔包烘得很香脆，入口热辣辣。猪髀肉腌得好入味，经汁烧后仍然松软嫩滑，肉汁渗晒入面包内，夹埋生菜、番茄一齐食，更可中和腻感。食完再叹埋杯餐饮，真系够晒写意！…Read More