影片
收工想求其食好小小就拣WE TIME CAFE拣左个鳗鱼定食有前菜 沙律 面豉汤 原条鳗鱼 糖心蛋整体个饭都满意 最重要系用珍珠米另外叫左个芝士焗肉酱意粉店铺选用扁意粉 够哂有口感芝士同肉酱都吾小所以食落够惹味最后点少得叫杯特饮 珍珠奶茶珍珠甜度适中 够有口感依家俾现金付款仲有95折
继续阅读
牛扒质量离谱,本来咁平都谂住过得去都冇所谓,我亦唔系第一次去,愈来愈差,今次觉得好过份,叫左三份牛扒,七成熟,超生,顶多五成,都唔紧要,劲多筋,其中两份一半系筋,一份全筋咁滞,咬都咬唔到,同侍应姐姐讲,佢皱晒眉块面㶶𠮶只镬,行左去,再叫佢佢话同㕑房讲,跟住又唔回覆,再问佢,佢话厨房话牛扒有筋系正常唔会换,嫌生就攞去帮我翻煎吓。决定饮埋杯茶埋单走,比现金有折,紧系比现金啦,点知喺冇写明唔收1000元纸情况底下拒收,我永不再去!
继续阅读
朋友推介、第一次帮衬。叫咗个薯条牛扒，好好食。食材唔差仲要煮得有水准。饮品又做到要求、又有水准。见到隔篱枱个all day Breakfast，视觉上已经好丰富。呢间餐厅唔+1、劲抵。略嫌人手不足、有待改善。会再推介给朋友及帮衬。
继续阅读
近来晚餐喜爱的饭堂贴地价钱 重份量套餐特别系扒餐🐮眼望数枱食客都点左相扑手牛扒餐牛扒份量相当多而且肉质都唔错 仲可以配饭、薯条或者扁意粉餐厅嘅蕃茄汁扁意粉相当有诚意净食意粉味道已经好满意绝对值得一试！！！另外今次试左铁板杂扒餐杂扒包括炸鱼柳、猪仔骨、鸡扒、肠仔、杂菜、粟米等份量非常多一个人真系未必可以食得晒🤣餐厅更提供台式饮品质素都相当唔错一间西餐厅有台式、西式、日式拉面等选择所以多次光顾都仲有好多新鲜感
继续阅读
行过见到入边装修好靓又好多人排队、所以决定入去食饭、叫咗个椒盐鸡扒肉燥饭加底同埋估唔到间茶餐厅有好多唔同嘢饮拣、我就拣咗个珍珠奶茶少甜。个鸡扒一食落口、好好味又够大块，非常满足。个珍珠奶茶𠮶啲珍珠有啲韧，但系都ok食完之后仲加咗个$28 雪糕窝夫，等咗一阵，但系好值得！一嚟到我哇一声、整得好靓。佢个窝夫新鲜焗出嚟，同埋个云呢拿雪糕好夹，佢仲有士多啤梨同埋火龙果喺隔篱!我都即刻介绍俾我啲朋友下次一齐嚟食。
继续阅读