We Time Cafe (光輝圍)

首先一入门口 个女仔就问你几多位，差一个都唔得㖞要齐人先比入，我话就到啦 佢问仲有几耐呀？ 我话系附近，10分钟到啦 佢先勉勉强强比入。当时有吉枱，但佢唔比你 照叫你搭枱啦。咁算啦照搭，一坐低 Menu都未打开佢就企系度望住你问要咩。大佬你唔系急成咁呀？？我叫左一个牛扒+带子餐（$118）到后面我食紧 仲未食完（如图），我已叉住一旧西兰花食紧，仲有咁大旧粟米同西兰花未食，佢就收走我碟野。我：我未食完㖞。佢疾左一下照拎起要收，我再讲一次我未食完㖞，佢先摆番低 一句唔好意思都无。但其实我先食左35分钟，完全系正常用餐时间，仲系算系食得快啦，咁都要赶我？！完全系离哂谱！野食一般啦唔系好食又唔系难食 位置细又逼 仲咁衰衰格 0分呀！👎🏽👎🏽👎🏽👎🏽…查看更多

都帮衬咗We Time Cafe好多年，一直睇住佢装修，换餐牌，加价等等…..次次等半小时以上已经系等闲之事，都已经习以为常，唔当一回事。食物质素都还可以，有时啲新菜式都会 surprise 到我地，尤其佢既奶茶同咖啡，都一直保持到质素。可惜近年每况愈下，日式拉面面质笠口、鳗鱼炒饭无鳗鱼，软壳蟹又无味，泡菜炒饭又咸过海水，原本镇店之宝最好味既冻咖啡，由唔知几时开始已经变成极之难饮，呢杯坏左既咖啡又酸又稀，真系难以用笔墨来形容。最近佢又换左新餐牌，今日就试下佢既定食，香蒜牛油鸡脾定食，绝对系本人呢一世人食过最难食既定食，食得鸡脾就谂住啖啖肉，开开心心咁食，点知果只咁既鸡脾一上枱已经十分惊吓！好似只系用清水来白烚一样，上枱前再涂啲蒜蓉牛油上面，入面完全无味，又鞋口，啲珍珠米又硬又难食，果碗面豉汤淡而无味，不知所谓，极之难食。真系伏到不得了！另外，果个阿伯服务态度极差，长期黑口黑面，又大大声声系度听新闻，嘈住啲客人，有咩要求时，就答句：我地系咁架啦！串过 hello 文。帮衬咗咁多年，见住佢由一间都叫做高质既餐厅，变成一间只会一直加价但食物同服务质素越来差既餐厅，真系感到非常可惜。…查看更多

之前食过几次，都系食锅物，正正常常。今次第一次同男友喺度撑枱脚，相当满意。一段时间冇嚟，啲枱櫈换晒，冇咗之前嘅迫狭感。见到扒餐好抵，分别点咗肉眼扒（+$5铁板上）同猪鞍。肉眼同猪鞍都好大件，而且厚切。最惊喜系猪鞍几好食，食落唔会干柴。原本呢间平时lunch time经常要排队，好多时连收工时间6点已经见有人排紧队。本身都担心店员做到黑面（理解嘅…咁忙…），服务态度都正正常常，侍应哥仔仲主动话帮我哋倒黑椒汁。现金埋单仲有95折，埋单$173非常抵食，男友仲想再去试其他。加油啦～保持质素…查看更多

下午茶时段不用排队，下单后一会先上热汤，然后热饮，每人叫了一个六十几元的下午茶套餐，一个卡邦尼意粉，本人觉得味道可以，想更浓味可以叫芝士粉后加，一个牛油果三文鱼凯撒沙律，用的是烟三文鱼，点沙律酱后更美味，下午茶时段正好可以舒舒服服不用逼人。结帐时有95折，因为现金付款?详情请向店员查询｡…查看更多

We Time Cafe光辉围21号昌发楼地下6号舖平时收工时间。 葵兴嘅餐厅都好静，唯独呢一间cafe午饭时间已经系排晒队，晚餐嘅时间竟然都坐足89成。我望一望出面嘅餐牌，横掂未食晚饭，于是就入咗去，好彩仲有一张枱（不过结果都要同人搭枱）。我自己一个叫咗一个猪鞍扒，配苹果蓉。 好想试吓点解呢间餐厅咁吸引喺晚饭嘅时间，竟然可以坐到咁满？ 当然，如果以呢一件优质猪扒嚟讲， 价钱都尚算抵。 佢仲配有一个罗宋汤同埋一杯嘢饮。 我嗌咗薏米水， 都只系需要加两蚊。猪扒唔系一般茶餐厅嘅猪扒， 厚身而有肉汁， 非常大块。 配上苹果蓉，非常合衬。 猪扒厚身嘅大大件隔离枱望见以为我仲食紧一嚿鸡扒。埋单总共100蚊。 虽然系葵兴呢个位置，但系佢嘅质素性价比算系相当高。…查看更多