影片
港铁铜锣湾站 A 出口, 步行约4分钟
继续阅读
开饭介绍
Walter Bistro位于铜锣湾的分店，装修以欧陆风格为主题，选用欧洲产区认证的优质食材。主打高级的欧洲美食，例如传统意大利手作Pizza和扒餐等。
继续阅读
营业时间
星期一至日
12:00 - 23:00
以上资料只供参考，请与餐厅确认详情
唔知你地假日会去边呢？而我就会同我宝贝仔周围玩同食🤣，谦谦同我都钟意迪士尼内的公仔，知道时代广场对开有活动紧系拿拿声去啦！玩完饿了就揾到 Walter Bistro 去叹我地的lunch 了。哗😍呢到做紧 Tapas 任食如食主菜都系另加$30，我同谦谦就慢慢系到食小食打下机休息一下。小食好多款式呢！⚛ No.1 醋浸番茄沙甸鱼配红灯笼椒多士⚛ No.2 意大利薯仔洋葱焗蛋配蒜蓉汁⚛ No.3 洋葱烟肉焗蚝⚛ No.4 银鱼柳红灯笼椒多士⚛ No.5 炸鱼肉虾饺子配腰果酱及甜豉油⚛ No.6 红虾他他配牛油果番茄⚛ No.7 炸鱿鱼配蒜蓉酱以上的小食各有特色，每件放系碟上都做到好精致美丽先上菜， 味道各有千秋， 多士焗得香脆，上层的鱼味道够突出，真系好夹，一口一件大爱😍。主菜方面 ： ⚛ 慢煮鸡胸配柑橘汁 ～ 甜甜的柑橘汁配上鸡胸份外清新。⚛ 番茄蟹肉意粉 ～ 浓郁番茄拌匀蟹肉意粉谦谦最爱。⚛ 慢煮无骨牛小排 ～ 我就喜欢牛小排，贪佢慢煮过，几腍和入哂味。谦谦见叫小食，成机都饮可乐，而我就叹左意大利气酒和橙汁，咁样舒舒服服慢慢叹好正呢！
继续阅读
虽然我地都知buffet嘅食物质素通常都冇散叫咁高，但好多人就系钟意一个价钱可以任拣食𠮶种感觉，好抵咁，特别系同一大班朋友时，放到成枱都系食物就更加满足。喺香港要食buffet已经唔再局限喺酒店嘅西餐buffet，仲有日式、韩式，甚至系点心或者甜品放题，不过最近有食友报料，我先知原本Walter Bistro仲有西班牙Tapas Buffet，精致又惹味嘅Tapas不嬲都系其中一样我钟意嘅菜式，不过碟头细，加埋酒水，人头闲闲地都几旧水先落倒楼，听倒哩个Tapas Buffet唔洗人头两旧水就落倒楼，当要要黎试下。哩个Tapas Menu只有中午12:00至15:00先有供应，一至日都食得，$150/人已经有10款唔同Tapas任食同果汁汽水任饮，如果想饮返两杯嘅朋友，亦可以加$100有free flow汽酒、白酒同红酒，饮两杯都已经回本，另外如果觉得食Tapas唔够饱肚，亦可以加$30加配主菜。先黎每人一杯果汁先，果汁选择有苹果汁同橙汁，而汽水就有可乐、Zero同雪碧。Tapas Menu入面有10款唔同嘅Tapas，当日因为其中一款Tapas冇货，所以我地就试晒其余九款，小试牛刀每款只叫一份，好食嘅先再order。辣虾炒薯仔 - 哩个系二人份量，一份有两只虾。咪睇佢啲颜色咁红，其实只系bb辣，反而茄酱味比较突出，配埋爽口虾球同炒薯仔，真系几惹味。银鱼柳配红灯笼椒多士 - 银鱼多士卖相好精致，绝对唔差得过出面人均消费几百蚊嘅西班牙酒吧餐厅，多士上面除左银鱼柳同灯笼椒，仲加左少少新鲜番茄蓉，所以食落多左番茄嘅酸香味，几开胃清新。红虾他他配牛酒果番茄 - 哩度系二人份量，如果钟意食牛油果，建议一次过点多几份。红虾切到细细粒，所以唔系好觉得自己食紧虾咁，反而牛油果比例算多，同埋口感好软滑。意大利洋葱焗蛋配蒜蓉汁 - 哩个系一人份量，件头都唔算细。蛋饼唔会太老太干，中间除左洋葱其实仲有少少薯仔，相比起其他Tapas系比较饱肚，个人觉得如果唔系话一定要食主菜，可以悭返$30，食多两件蛋糕都已经够饱。醋浸番茄沙甸鱼配红灯笼椒多士 - 哩个系一人份量，包含佐两件多士。之前食过西班牙菜嘅沙甸鱼通常都系偏咸，但哩度用醋浸过，所以唔会太咸仲多左阵酸香味。青口配白酒汁 - 青口系逐只order，唔会太韧，不过因为唔似平时咁系连白酒汁一锅上，所以白酒汁味道唔算突出。炸西班牙青辣椒 - 哩度份二人份量，一份有三只，虽然叫青辣椒，但食落其实唔辣嘅，反而系咸咸香香。炸鱼肉虾饺子配腰果酱及甜豉油 - 一份有两只，饺子炸得好香脆，炸皮唔会太厚太硬，中间嘅鱼肉虾馅几弹口，如果酱汁多啲更好。炸鱿鱼配蒜蓉酱 - 一人份量大约有两三旧炸鱿鱼，鱿鱼炸得香脆，不过蒜蓉酱唔太突出比较清淡，如果多少少调味会更好。慢煮无骨牛小排 - 牛小排份量唔算太多，不过加$30就食倒都可以接受。牛小排好软嫩，蘸埋个酱汁食味道都唔错。番茄蟹肉意粉 - 意粉份量大约系平时西餐厅嘅一半份量，唔会太饱食完都仲有肚量试匀咁多款Tapas，意粉唔会太腍，加左新鲜番茄而唔系茄汁煮成，所以番茄汁质地比较水润，味道亦唔会太甜。总结，$150有得任食Tapas同任饮果汁汽水确系几抵，Tapas质素几高，加埋一都系$170，如果唔系特别想试某一款主菜，其实净系食Tapas都够饱。
继续阅读
朋友仔上网见到Walter Bistro全新推出Weekend Tapa Menu，一个价钱可以无限添加西班牙小食，真系好吸引，约左寻日齐齐去食~Tapa Menu每人只需$150，就可以无限添加西班牙小食、果汁同汽水，主菜每道加$30，真系好抵食!炸鱼肉虾饺子配腰果酱及甜豉油即叫即炸，表面金黄酥脆，入口外酥内嫩，肉馅饱满弹牙，配埋特色酱汁更惹味。意大利薯仔洋葱焗蛋配蒜蓉汁西班牙小食必点之一就系蛋饼，层次丰富，口感烟靭，蛋香四溢。红虾他他配牛油果蕃茄虾肉鲜嫩弹牙有咬口，牛油果绵滑、蕃茄仲好清甜~银鱼柳配红灯笼椒多士味道独特浓郁，带点微咸，配埋红灯笼椒同食更清新。醋浸番茄沙甸鱼配红灯笼椒多士番茄沙甸鱼细腻美味，微酸好开胃。炸鱿鱼配蒜蓉酱口感酥脆，鱿鱼Q弹有嚼劲。洋葱烟肉焗蚝蚝肉肥美又鲜味，加洋葱烟肉芝士焗制，咸香惹味，好足料。慢煮无骨牛小排肉质细腻嫩滑劲JUICY，牛味香浓，啖啖肉劲满足。卡邦尼意粉配63度温泉蛋意粉烟韧有弹性，伴以流心温泉蛋，令酱汁充满芝士奶香，同时软滑又CREAMY。
继续阅读
任饮任食意大利菜👏😋环境舒适、地方大、坐位宽阔、又舒适又享受的意大利餐厅————————-无花无假即做的任食意大利菜，多款食物任君选择，新鲜食材，食环境、食质素、价钱又抵食👍👍—————————$150任食任饮两小时果汁🍹🧃任饮加$30仲可以配主菜主菜又系任食👍👏👏👏多种款式及海鲜又系任食🥳—————————🟫炸鱼肉饺子配腰果酱：即炸热辣辣，鱼肉🐟弹牙，香脆美味😋—————————🟪意大利薯仔洋葱焗蛋配蒜蓉汁：呢个焗蛋饼🥞完全系好食到无法抗拒👍—————————-🟩红虾他他配牛油蕃茄：红虾🦐爽口，配埋牛油果🥑做沙律🥗吃，味道突出又健康👏——————————-🟥银鱼配红灯笼多士：多士配银鱼🐟、滋味够心思——————————-🟧醋浸蕃茄沙甸鱼配红灯笼椒🌶️多士：蕃茄沙甸鱼多士，加上红灯龙椒，吃下又脆口又爽甜😋——————————🟫炸西班牙青辣椒🫑：完全唔辣仲好甜，又健康又好吃，又爽又甜，我仲不停咁Encore呢个🫑食😂—————————-🟪炸鱿鱼🦑圈蒜蓉汁：炸鱿鱼🦑圈，爽口弹牙—————————-🟩辣虾炒薯仔🥔：就像吃著沙律🥗的美味—————————-🟥洋葱烟肉焗蚝：惹味的食物，洋葱烟肉的香脆香口，带出焗蚝🦪的鲜味🥳————————🟧青口配白酒汁：白酒的配合，青口的美味，食多多都无问题😂😂😂😂😂———————————主菜：🟫慢煮鸡胸配金橘汁：配了金橘汁的鸡胸，慢煮时金橘汁的渗入鸡肉内，令鸡肉吃起来有着金橘汁的滋味——————————🟪蕃茄蟹肉意粉🍝：估唔到咁足料的蟹肉满布意粉👏👍——————————-🟩卡邦尼意粉配63度温泉蛋：63度的温泉蛋渗在意粉内就更加滋味😋———————————🟥慢煮无骨牛小排： 炆得够焾又入味⋯⋯——————————-无限添加的果汁及食物吃得知足大满足开心🥳知足........简单人生更幸福—————————
继续阅读
好耐无同妈妈撑枱脚，星期六又同佢食好嘢，嚟到铜锣湾嘅「Walter Bistro」食晏🍽。点解拣呢间餐厅？皆因我上网见到佢做紧120分钟任食西班牙小食嘅Tapas Menu，每人收费只系$150，平过就咁食Lunch Set。Tapas有十款选择🇪🇸，大部份均系经典款式。由于知道Tapas系细细份，所以我哋决定全部都嚟一份！餐厅嘅上菜速度好快，而且每样小食嚟到都系热辣辣的，抵赞👍。唔想斋食小食的话，你亦可以加$30要份主菜，四款选择有肉有意粉拣。1️⃣ 炸鱼肉虾饺子配腰果酱及甜鼓油 Shrimp & Fish Dumplings with Cashewnut Puree & Sweet Soy Sauce，🥟炸饺子造型似中式炸云呑，饺皮虽厚但酥脆，配合埋甜甜嘅腰果酱食好夹。饺子馅用上鱼肉同虾，所以口感带点弹牙，亦无猪肉咁大浸味。2️⃣ 意大利薯仔洋葱焗蛋配蒜蓉汁 Potato & Onion Frittata with Garlic Sauce，呢道菜同西班牙蛋饼几类同，因为有加咗薯仔🥔，有关意大利Frittata同西班牙Tortilla Patatas嘅分别可以Google一下。焗蛋饼似足蛋糕切饼🧀，蛋香满满，配合洋葱同薯仔已经好好食，唔使加其他料。3️⃣ 红虾他他配牛油果蕃茄 Red Prawn Tartare with Avocado & Cherry Tomato，呢个份量嘅他他啱啱好，各样食材切成粒粒，组合一齐食好惹味。🦐红虾应该系未煮熟，但毫无腥味，只有鲜味；牛油果🥑同车厘茄🍅就好啱造成他他嘅一部份。4️⃣银鱼柳配红灯笼椒多士 Anchovy & Red Pepper Coulis on Toast以及5️⃣醋浸蕃茄沙甸鱼配红灯笼椒多士 Tomato Sardines Fish with Red Pepper Coulis on Toast，两款都系一口多士🍞。脆脆嘅多士底层先铺上三色椒，其后再分别放上银鱼柳(鳀鱼)同沙甸鱼🐟。如果我无分错的话，左边嘅系鳀鱼，而右边有啲酱系上面嘅系沙甸鱼，唔食真系唔会估唔到鳀鱼醋味更重，食落有啲酸，但非常开胃🤤。沙甸鱼就正常，但肉质偏干。6️⃣炸西班牙青辣椒 Deep Fried Spinach Green Chili，我妈第一个反应系觉得咁样炸青椒点好食㗎🫑。不过我好明白，以前未食过嘅我都系咁谂，但一食就会爱上。呢款青椒叫Padron Pepper，长条形细细一条，无辣味，亦无Bell Pepper咁重青味；只需要拎去轻炸再撒少少盐，已经系一道非常美味嘅前菜小食。简单啲讲就系连小新都大赞👍。7️⃣炸鱿鱼配蒜蓉酱 Deep Fried Calamari with Garlic Sauce，🦑炸鱿鱼可算系多国菜式，唔同餐厅都有卖。即使系大路菜，不过呢度嘅出品好有水准，令人印象深刻。炸皮薄薄的，好松脆，鱿鱼亦唔韧，配以味粉食就搞掂。8️⃣辣虾炒薯仔 Chili Shrimp with Sauteed Potatoes，呢个都系好传统嘅西班牙Tapas款式，份量的骰，鲜虾同薯仔各有两件。🍤虾肉鲜味爽口，食得出唔系雪藏货，而薯仔就唔会炒到太淋。调味方面，虽然话系辣炒🌶，但实际都唔算太辣，个人认为落啲蒜炒会更正。9️⃣洋葱烟肉焗蚝 Baked Oyster with Bacon & Tomato以及🔟青口配白酒汁 Mussel with White Wine Sauce，留意返两款海鲜款式嘅单位系一份一只啊！焗蚝面头嘅洋葱烟肉🥓炒得超香口，但蚝本身就偏生，对我嚟讲有啲腥。另一边厢，白酒汁青口就比较易入味，亦都好肥美。🅰️卡邦尼意粉配63度温泉蛋 Spaghetti Carbonara with 63°C Egg，🍝主菜份量适中，无论酱汁定意粉都处理得好好。卡邦尼酱偏湿兼且多汁，所以绝对足够捞哂成碟，亦令到意粉无浆住变成一饼嘢。意粉方面，厨师能够煮出Al Dente嘅口感，食落有嚼劲得嚟唔硬，高质。🅱️慢煮无骨牛小排 Slow Cooked Boneless Short Rib Beef，牛小排卖相好吸引，摆盘细致🍽。牛小排份量看似唔多，得三件，但其实每件都几厚身，食落好饱。🐮牛小排牛味浓郁，不过可能系慢煮嘅关系，口感同想像中有啲唔同，佢比较似牛腩，一丝丝，但就唔算鞋口。呢道菜个酱汁系烧汁，味道恰到好处，唔会盖过牛味。至于配菜就有三笋：甘笋、芦笋同珍珠笋，每样各三，好睇又好食，兼有中和嘅作用。饮品方面，果汁同汽水亦都系任饮，如果嗌酒Free Flow就每位$100。我哋要咗苹果汁🍎同橙汁🍊，饮品就无咩好介绍啦。总括嚟讲，呢间西餐厅各方面都令人满意，虽则佢主打欧洲菜，并唔系纯西班牙餐厅，但各款Tapas都整得好好食😋。另外，以任食而言，佢亦都做得好好，食物出餐快嘅同时唔会牺牲咗热辣辣嘅温度，份量亦控制得宜，每样少少哋令食客可以食匀咁多款，唔会食两款就塞饱哂🙏🏻。最后，餐厅嘅环境同店员服务都值得五星哦。推介🌟🌟！
继续阅读