影片
电话号码
24676318
开饭介绍
以独特的「朝啡夕酒」概念贯穿全日，提供多国料理、咖啡及酒类，部分菜式更以露营风餐具呈现，趣味十足。装潢自然舒适，无论是聚餐还是放松时光都是理想之选。
继续阅读
营业时间
今日营业
08:00 - 21:30
星期一至日
08:00 - 21:30
以上资料只供参考，请与餐厅确认详情
有关奖赏计划
科学园基本上已经系我同屋企人去食饭嘅基本盘，今日过嚟试下呢一间分开一阵子嘅cafe。里面嘅环境都非常已超非常之轻松，适合我同我老婆两个今日星期六过嚟 chill chill其实点解拣科学园做食饭基本盘，原因系泊车容易，唔会太多人太密，同时餐厅内餐桌空间相对宽敞，最紧要仲要系落地玻璃有风景睇！ 佢哋嘅早餐非常之多选择，唔够饱而且又可以add on加多少少小食系早餐上，其实都几flexible！简单啲嘅我就叫咗个all day breakfast，咩都齐晒，有牛角包、薯饼、香肠、烟肉、黑松露、炒蛋、烟三文鱼、同埋沙律，基本一定足够你食饱饱！沙律都好新鲜，中和返其他食物嘅味道！老婆相对简单啲叫咗个和牛汉堡扒配炒蛋同牛角包肠仔粟米粒，呢个餐其实都好丰富而且我哋再加多个add on 火腿鸡汤通心粉，食饱饱个肚lunch就唔使食啦！你轻松一番梗系唔可以少得咖啡，佢哋嘅咖啡系可以跟餐，加多十蚊就可以有佢特色咖啡，绝对可以一试！食物同环境对我哋嚟讲都好重要，weekend 来科学园试一时包你觉得轻松开心又愉快！
继续阅读
喺科学园嘅一间露营主题西餐厅，空间感十足。今次嚟食晚饭，黄昏时分，对住人工湖，餐厅里面播住古典音乐，感觉好放松🤗。❤️ 盐煎比目鱼伴大虾香草忌廉汁配薯菜（$178)比目鱼煎到卜卜脆，超正😋。大虾厚肉，煎得好香。薯条🍟多到食唔晒。仲有我最钟意嘅西兰花🥦，健康又好味！个忌廉汁真系好有怀旧港式西餐厅嘅味道🇭🇰，谂起细个食大餐嘅喜悦，真系好满足～❤️鲜茄椰菜浓汤纽西兰青口锅（＄148）啲青口份量好多，有廿几只,好鲜甜。个番茄汤底浓到痴咀，可以用餐包点嚟食🤤！ 除咗青口之外仲有大量嘅蔬菜喺入面，好似意大利青瓜🥒同洋葱🧅咁，加埋浓浓嘅蒜香🧄，真系好夹😋！❤️秘制香草即烤（半只） 无激素春鸡半鲜茄意粉（$128)烧鸡嘅香味真系好突出🍗，半只鸡嘅份量对我嚟讲啱啱好。鸡腿肉好嫩滑🤤，鸡皮又烧得香脆。仲有鲜茄意粉🍝，软硬度适中，酱汁浓郁，好开胃！配菜嘅西兰花🥦同翠玉瓜都好新鲜～
继续阅读
餐厅：Wake Up (沙田)地址：沙田白石角香港科学园2期科技大道西10号10W地下S041B号舖相信好少人会专登走入去沙田科学园，不过其实有时想远离吓人群，呢度都喺一个几值得去嘅地方，因为除咗创新科技公司同企业之外，科学园仲有好多科技展览同空间可以参观，而室外空间就近白石角海滨长廊同吐露港，唔少人都会喺度跑步、踩单车🚴，就算就咁望吓海都一样咁写意🥰，而重点当然喺呢度有好几十间餐厅啦🍽️科学园最近有间新开嘅露营风格餐厅——Wake Up ，呢间喺佢哋第三分店，主打朝啡夕酒嘅概念，以多个菜美食、咖啡同酒精饮品为主🍷，加上多款平靓正嘅早、午、晚餐同下午茶，同埋不定时推出嘅优惠，确实吸引唔少人去帮衬，我今次同朋友两点几去，餐厅都仲坐满紧八九成客人😂✝️香浓芝士鲜茄焗猪扒饭 $92呢个午餐包餐汤、面包同饮品，原煲上嘅焗饭，见到厚厚嘅芝士同秘制鲜茄酱汁覆盖住猪扒饭，甜酸滋味嘅平衡加上芝香🧀，连同肉质鲜嫩嘅猪扒同炒饭，喺lunch time必食嘅快靓正选择😆✝️Chill疗愈卡邦尼伴蛋黄 $98一上枱望到就觉得超治愈好吸引嘅Carbonara，用咗Parmesan cheese、烟肉、蘑菇去煮香🍄🟫，捞埋橙黄色蛋黄浆一齐食，材料香味嘅配搭食落一啲都唔腻，下次可以再encore😜✝️秘制香草即烤原只无激素烧春鸡伴薯菜 $158原只上足900g嘅烧春鸡，即叫即烤做到皮脆肉嫩🔥，虽然所有食物差唔多同一时间上，食完其他主食再食鸡𠮶阵有少少冻咗，但无损鸡只嘅鲜香🐔，未算话好多汁，但食落鸡肉一啲都唔嚡，仲有三色薯条同伴菜，份量都真喺几夸张😂小食叫咗个一客5只嘅Chill微辣水牛鸡翼($58)同炸甜薯条($68)，前者惹味得嚟有少少辣🌶️，鸡翼上面铺满浓郁水牛酱汁；后者炸薯条分别用咗甜薯、紫薯同芋头去整，即叫即整放入口仲喺脆卜卜热辣辣😋饮埋杯Wake Up Coffee，用咗本地深焙咖啡豆冲泡☕️，店员仲送上沙漏⏳，希望客人可以喺5分钟内享用咖啡嘅最佳风味
继续阅读
今日同老公踩单车去科学园，然后顺便食埋个晚饭。科学园好大，原来都有好多餐厅，几多嘢食，我哋拣左食西餐。餐厅空间感好大，以camping作主题装修同摆设，环境幽静，坐得舒服，越夜越多人，感觉好好。餐牌有多款set dinner选择，都几啱口味，价钱亦合理，而单点选择都多。我哋就叫左两个套餐，套餐包餐汤、餐包及饮品。餐汤及餐包：餐包廷身有口感，是日餐汤系忌廉粟米汤，饮到打到半碎粟米蓉，汤够热，甜甜地，好creamy。秘制香草即烤(半只)无激素春鸡伴蕃茄意粉：春鸡烤得好入味，外皮轻脆，肉嫩，连鸡胸肉都ok㖞。蕃茄意粉同样够味，整体唔错。烧澳洲和牛肉眼扒配烧汁伴薯菜：肉眼扒刚好5成熟，口感软软，唔韧，点埋烧汁仲好食D。薯菜有薯条、杂菇同西兰花等，薯条刚炸起，够热够脆又够味，我就几钟意。焦糖香蕉朱古力窝夫伴雪糕 (+$48)：香蕉面层有脆脆焦糖，够甜，底层窝夫仲系热热地，配埋云呢拿雪糕一齐食，冷热交溶，呢款甜品都几好。果盘 (+$18)：有西瓜、哈密瓜、密瓜、菠萝、蓝莓同士多啤梨，价钱抵食，唔驶自己切就最方便。饮品：我就叫左杯冻果茶，系荔枝味，果汁味浓，甜度刚好。老公叫左杯iced mocha (+20)，餐厅用左自家咖啡豆调制，咖啡味好分明，香醇，奶味浓，几好饮。
继续阅读
【沙田区】【Wake Up】同我上司春哥去咗科学园做嘢，原来而家科学园𠮶边咁多餐厅，热闹咗好多。见到呢间西餐厅走露营风格，好似都几受欢迎，就入去试吓佢。我哋 share 食，先试午餐 $92 嘅「香浓芝士鲜茄焗猪扒饭」，套餐跟是日餐汤同手工面包，两者都系有质素嘅出品。而个饭都唔错，真系有好香浓嘅芝士同蕃茄味。之后试 $98 嘅「Chill 疗愈卡邦尼伴蛋黄」，个卡邦尼都有水准嘅，个忌廉汁都打得好好。跟住试 $158 嘅「秘制香草即烤原只无激素烧春鸡伴薯菜」，呢个超好食，900g 劲足料，皮脆肉滑，连啲配菜都好正。我哋食指大动，试埋 $65 五只「Chill 微辣水牛鸡翼」，好浓嘅酱汁，掂。跟住仲试咗 $68 嘅「炸甜薯条」，系几种植物嘅脆条，好特别。饮品方面我哋都系试 $32 嘅「Wake Up Coffee」，餐厅同名之作唔会差啦，好饮。连加一埋单先 $603，唔贵㖞。。。（地址：沙田白石角香港科学园2期科技大道西10号10W地下S041B号舖）@wakeup.hk.sk#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田区 #沙田 #科学园 #白石角 #马料水 #wakeup #香浓芝士鲜茄焗猪扒饭 #秘制香草即烤原只无激素烧春鸡伴薯菜 #Chill疗愈卡邦尼伴蛋黄 #Chill微辣水牛鸡翼 #炸甜薯条 #WakeUpCoffee #1am1628 #1ambackup
继续阅读