影片
港铁奥运站 B 出口, 步行约6分钟
继续阅读
营业时间
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
新年前去大角咀探朋友， 巧遇Villa Villa 嘅分店, 因为之前在北角分店食过都觉得不错,于是便入去试一试店内装修很简洁，灯光柔和，给人很舒服既感觉❤好多都好想试 上次再分店试了黄金炒薯条，非常回味可惜今日喉咙有点痛想食啲清淡小小的 餐前送的意式蕃茄汤, 蕃茄味浓郁， 热辣辣嘅香草包很柔软 鹅肝多士$58, 卖相非常吸引，多士上既鹅肝份量十足，而且煎到熟度啱啱好，很香口 北海道帆立贝意大利饭$178最钟意食带子嘅我一定唔会错过呢一度菜，带子煎得够香，不会过熟，入口鲜嫩，配上充满香浓黑松露既意大利饭一齐食，配搭非常美味 大阪烧薄饼$138店员呈上呢个薄饼时，我很惊喜因为成个部分都充满我钟意食嘅木鱼丝，内藏有好多八爪鱼， 薄饼底是用墨鱼汁做的，所以是黑色，很香脆，不会令人感觉咁油腻系咁舒服既环境下，可以同朋友享受美食及谈心好开心
继续阅读
朋友约食饭，大角咀多左唔少新西餐厅，而villa 一直都好受欢迎，就决定食呢间。平日不是太多人，坐得都几舒服。呢排兴食咸蛋香口嘢，我地都点左黄金薯条。 咸咸地，又香口，新鲜炸出黎好好味Parma ham pizza, 底薄脆，布满火箭菜，芝士同每块pizza 都有一大块ham, 好足料！ (其实想食双重芝士pizza, 但惊太济。)饮品最近做买一送一优惠，推玫瑰花冰茶，不太甜，有玫瑰香。朋友都推荐饮乳酸，下次试下先。
继续阅读
以前系大角咀返工，已经觉得呢头好多好味既餐厅。事隔左几年之后今日再重游旧地，以前喜欢食既餐厅已经唔系净返好多系到，但系又开左好多新既餐厅!今晚就谂住试下呢间西餐厅!我同朋友大概6点几去到，餐厅当时并唔系太多人，7点半左右已经full哂!餐厅灯光光猛，以4人枱为主，如有两个人入黎食饭就会分开做两张二人枱。同朋友睇过餐牌后，发现都有几多野想食，最后决定点两个小食、一个pizza同埋一个意粉!饱到傻，因为冇谂过每碟份量都几多!餐厅仲做紧饮品买一送一的优惠呢!餐汤及面包，我们点餐的时候冇为意，应该叫主食就会有餐汤及面包附送。餐汤为杂菜汤。唔算好酸，汤入面有好多菜!面包很软熟，有淡淡的香草味!黄金炒薯条($68)，呢个薯条每条都有咸蛋黄痴住，薯条炸得刚刚好，软硬刚刚好!薯条是粗身的，所以口感很好，而且份量好多。我同朋友就算食到最后好饱都继续无停口咁食!温泉蛋牛油果烟三文鱼他他($98)，卖相几靓，面层有流心的温泉蛋，第二层位牛油果片，最底层就系烟三文鱼他他。平时食开的他他通常都系三文鱼刺身或吞拿鱼刺身，而这里用上了烟三文鱼，烟三文鱼有少少咸，但配上牛油果及温泉蛋一齐食味道便刚刚好!挪威烟三文鱼蘑菇宽条面($108)，睇落以为唔系好大碟，但其实都几多!烟三文鱼同蘑菇切成碎，宽条面挂满忌廉汁，一起食口感很丰富，而且这个忌廉汁唔算好漏!双重芝士脆薄饼($108)，再+$30加配了辣肉肠，由于制作需时，Pizza最后先黎到，薄饼皮以墨汁制成，一个薄饼共有8块，薄饼刚刚黎到的时候饼皮唔系好脆，但食第二块果阵就觉得自己好似食紧饼干咁!由于系双重芝士pizza，芝士很多，仲可以拉丝呢!配埋辣肉肠更加惹味!荔枝冰红茶($28)，有淡淡的荔枝味，唔算好甜!天然玫瑰花冰红茶($28)，茶面有玫瑰花瓣，饮落去有淡淡的玫瑰花味，唔会话好浓亦唔会好甜!总括黎讲，餐厅虽然唔系系旺区，但系都好多住附近的人食。服务员有礼，食物价钱又唔算好贵，食物份量大。下次如果再黎的话我唔会再叫咁多野啦，食唔哂唔系太好!
继续阅读
呢间餐厅最近喺街坊group入面被提及多次，见到价钱唔贵就去试下。饮品选择唔少，晚饭时段仲买一送一，我地叫左玫瑰花冰红茶同埋荔枝冰红茶。玫瑰花味／荔枝味同茶味都好突出，冇话边样盖过边样，甜度同冰度亦都岩岩好，真系几有惊喜。鲜虾扁意粉配罗勒蒜香微辣番茄汁一上台时觉得份量好少，但一夹起原来都足够分开两份，扁意粉每条都挂汁，酱汁食得出蒜味、番茄味、罗勒味同辣味，好惹味，虾亦都爽口，三扒两拨好快清碟。意粉亦都有配餐汤同面包，面包系foccacia香草包，汤系罗宋汤，有西芹粒、甘笋粒、洋葱粒等等。番茄水牛芝士薄饼呢度所有pizza都系用墨汁底，餐牌介绍话加入墨汁发酵产生化学作用，令口感更香脆，批底系比一般嘅薄批松脆，即使冻左都完全唔韧。芝士睇得出有两款，白色嘅系水牛芝士，淡黄色嘅应该系mozzarella，芝士层非常之厚，都几饱肚，好彩有番茄酱同车厘茄中和返，两个人先岩岩好食得哂。我建议三个人share一个pizza，再加其他野食。黄金炒薯条喺黄金炒薯条同椒盐薯条之间拣左前者，因为佢多左个厨师推介icon，哈哈 果然系好好味，每一条薯条都炸得外脆内软，蛋黄味好香，有少少咸又有好轻微嘅甜，令人上瘾嘅程度比咸蛋鱼皮更甚！我会单单为左呢个而再黎。两人埋单大约$350，价钱好相宜，亦都饱到甜品都食唔落了，下次先再试呢度嘅心太软同埋苹果金宝吧啦。呢度服务亦都好好，侍应们都系后生仔女，快手快脚，好醒目。
继续阅读
今日同男朋友去整电话，行经大角咀，就比呢间餐厅吸引左，就拉左男朋友入去食la.一坐低，就见到menu既黄金炒薯条。好邪恶既食物呀！！！我地都好肚饿，就叫左双重芝士pizza, 半只烧春鸡，意大利青瓜青酱意粉，黄金炒薯条同一杯1664。因为叫左2个主菜，所以都会有2个杂菜汤同2个餐包送。个杂菜汤好足料双重芝士pizza系手工制，墨鱼汁底，上面有两种芝士，多到可以拉丝。黄金炒薯条好香咸蛋味，青酱意粉都好高质。成餐饭劲饱劲满足呀
继续阅读