影片
相关文章
个人来说很有意思的二访2020 年圣诞节早上等友人时独自到 ᴠɪʙᴇs ᴛʜᴇ ᴘʟᴀᴄᴇ 当时超不习惯一个人 ᴄᴀғᴇ ʜᴏᴘᴘɪɴɢ 而 2021 年算是一个特别的纪念 (?)还是在 ᴠɪʙᴇs ᴛʜᴇ ᴘʟᴀᴄᴇ 度过圣诞！两年的圣诞节都很幸运坐到窗口位不过这次圣诞树不见了哈哈隔了一年 餐牌当然也变了新增了不少生酮跟纯素的餐点而我看到有喜欢的贝果 就点这个了 ~𓋪 𝘏𝘰𝘫𝘪𝘤𝘩𝘢 𝘉𝘢𝘨𝘦𝘭 𝘸/ 𝘚𝘮𝘰𝘬𝘦𝘥 𝘚𝘢𝘭𝘮𝘰𝘯 & 𝘈𝘷𝘰𝘤𝘢𝘥𝘰𓎾 𝘉𝘦𝘦𝘵𝘳𝘰𝘰𝘵 𝘓𝘢𝘵𝘵𝘦很惊喜他们有几种口味的贝果选择原味、焙茶味、蕃茄味等等所以就尝了焙茶口味 特别一点配料本来想吃烟肉蛋沙拉 小可惜那天没有只好点最常吃的烟三文鱼牛油果 贝果是属于烟轫却不难切的那一派 我超爱的而且焙茶味真的蛮突出的尽管跟烟三文鱼的味道不太搭配 整个餐点吃完之后好满足喔！上次尝过他们家的主打 红菜头拿铁 (冰的)这次决定要安可一下 不过点热的 ~想不到红菜头也可以拉花啊哈哈喝下去很顺滑 感觉蛮健康清新的不过稍稍比冰的再甜了一点呢 ~就这样过了一个蛮 ᴄʜɪʟʟ 的 ʙʀᴜɴᴄʜ因为都没有太多的人 在这里放空真好！
继续阅读
同朋友嚟到薄扶林呢一边，好耐冇见紧系要揾个幽静嘅地方坐低，慢慢一齐渡过一个惬意嘅下午，朋友同我就嚟到一间抒压解忧嘅餐厅 — Vibes the placeVibes the High-Tea Set $98(1 choice of your cake + 1 pudding + 1 $45 drink)我哋拣咗 Passion Fruit Cake + Chia Pudding，个plating 简简单单已经好靓，我食咗 Passion Fruit Cake 味道好清新好轻盈，中间层嘅百香果mousse好软滑👍🏻，饼底系用坚果制作而成，再加上面层嘅百香果啫喱，无论味道还是口感都有丰富嘅层次，欣赏！Beetroot Rose Latte(+$5)平时食红菜头我都好怕佢嘅草青味，不过呢度嘅红菜头汁跟牛奶比例做得好好，红菜头嘅草青味完全消失，反而有一阵清甜嘅香味，牛奶嘅香甜与此成为一个平衡，加上梦幻嘅粉紫红色与泡沫拉花上嘅玫瑰花瓣，少女心满满🌹朋友就叫咗一壶花茶，茶壶带一点复古☺️Romantic Rose $40
继续阅读
对新界居民黎讲，西营盘真系一个好遥远既地方。但作为一个为食既人，绝对可以克服千山万水，搭个几钟车黎到Vibes the place。依度唔系素食餐厅，但都有好多素食选择，仲要系gluten free同keto，适合有不同饮食需要既人。估唔到一间细细既cafe都可以咁全面，值得一赞。叫得Vibes the place，一定好讲究vibes。入到餐厅未有人，店员安排左我地坐喺门口隔离既矮枱，对住落地大玻璃，有阳光照到入黎，令人觉得好舒服。一边食野一边望住出面啲人喺度放狗，个感觉好chill，有少少去左外国既feel。All Day Vibes系keto同vegan-friendly，有keto focaccia、chiaviar、almond ricotta、no goat cheese、水果杯同鲜榨姜茶汁。Keto focaccia应该系gluten free，口感好得意，有少少稔但又有少少弹牙咁。Almond ricotta好软滑，同个focaccia好夹。Chaiviar系由奇亚籽扮鱼子酱，似唔似就见仁见智啦，我冇食过鱼子酱comment唔到，当佢系奇亚籽咁食都几得意，咸咸地咁。No goat cheese食落好香，有少少似肠仔咁既味，又有种似层相识既感觉，先卖个关子，文末开估。我地仲叫左两个Vibes the High-Tea Set，每个set有一件raw cake、一个pudding同一杯野饮。Raw cake一共有五款，都几花多眼乱架。先黎既系Passion fruit cake配Rice pudding，简单既摆盘哂上少少燕麦已经够哂吸睛。Raw cake个底系nuts打成既，中间就用腰果，食落都creamy冇粒粒，同cheesecake咁。酸酸地既passion fruit可以减轻腻感，同时有种清新既感觉。Rice pudding真系食到一粒粒饭咁，唔知个奶系咪都用左米奶，有少少偏淡。另一set系Lychee rose cake配Chia pudding。荔枝味唔算好出，但粉红色既外表加埋阵甜甜地既香味，绝对可以激发少女心，所有少女必定比佢迷倒。Chia pudding我冇试到，不过应该都系平时食开啲奇亚籽咁。咖啡可以配植物奶，热饮既杯都好大只，好够份量，重有个小小既拉花。每样食物都令人感受到用心去整，整间餐厅都系满满既good vibes。后来同朋友提到Vibes the place既vegan cheese好出色，比得上中环Ma... and the seeds of life既出品。然后朋友讲返原来依度既cheese等等都系由Ma供应，实在好surprise！大家如果想浅尝Ma既出品，都可以黎Vibes the place试下，顺便叹埋依个咁舒服既环境。
继续阅读
「𝐕𝐢𝐛𝐞𝐬 𝐓𝐡𝐞 𝐏𝐥𝐚𝐜𝐞」，故名思义，气氛相当浓厚嘅一个地方。呢度无论系环境或灯光，都俾到人一种好放松嘅感觉，不经不觉就会逗留咗几个钟，可能亦因为受到氛围嘅影响，成个人即时都觉得舒畅，非常减压。餐厅装修以木同砖为主，楼底高，灯光偏柔和，中间有张大嘅樟木长餐枱，而旁边嘅走廊边座位上面都有放住一块木，据闻系树化石，有静心嘅作用，全店布置都相当温暖🪵。呢度一入门口嘅右侧已经可见摆放住唔同大小嘅颂钵，其实系用嚟俾客人体验「颂钵饮食学」。颂钵系近年相当流行，据闻颂钵嘅声音频率可以帮助恢复并保持思想灵魂嘅「平衡」状态。声音可以系承载治愈同埋振兴品质嘅能量容器，通过颂钵系可以帮助你放松，并有助减轻压力嘅，当你敲打颂钵时所发出嘅声音就代表当时嘅情绪。而「颂钵饮食学」嘅意思就系万物皆有能量，无生命嘅物件其实都有量子磁场，可以透过颂钵将正能量输送去食物同饮品里面。体验方法就系首先试吓饮品嘅原味，再将佢放入颂钵嘅中心，谂住自己嘅心愿，再用木敲颂钵，同时用手感受震动，再拎返饮品出嚟品尝，味道就会有所唔同。当日我想试试呢个玩法，都叫咗杯Americano，第一口饮时觉得相当苦涩，但当放完落颂钵再试饮，竟然变得唔再得苦涩味，有非常香浓嘅咖啡香，即刻变得非常好饮，相当神奇，不过就唔知系个人心理作用定系真系有能量嘅加持haha，不过个人系相信的🤪。另外亦有空灵鼓俾客人拎嚟玩，空灵鼓发出嘅声音都好好听，仲好贴心有埋本乐谱可以跟住啲数字嚟敲出唔同歌曲。好有趣。🔸𝐁𝐚𝐠𝐞𝐥. 𝐌𝐚𝐧𝐢𝐚 (𝐄𝐯𝐞𝐫𝐲𝐭𝐡𝐢𝐧𝐠) + (𝐇𝐚𝐦 & 𝐂𝐡𝐞𝐞𝐬𝐞)($𝟔𝟖)：佢有几款Bagel可以选择，而我食呢个时就相当狼狈，可能因为影咗几分钟相又挂住讲嘢，佢好快就变得非常干身同埋好难切开，切到上面嘅芝麻跌到周围都系都未切到，最后食咗少少就放弃咗，反而里面Ham n’ cheese 就几好食，够味又唔会过咸。🔸𝐕𝐢𝐛𝐞𝐬 𝐅𝐮𝐥𝐥 𝐇𝐨𝐮𝐬𝐞($𝟏𝟑𝟖)：朋友叫咗呢个Full House，整体上全部嘢都好食，正常发挥，包系Keto Focaccia，所以食落嘅味道几特别。🔸𝐃𝐞𝐯𝐢𝐥’𝐬 𝐂𝐡𝐨𝐢𝐜𝐞 - 𝐓𝐢𝐫𝐚𝐦𝐢𝐬𝐮($𝟔𝟓)：蛋糕比例多，好滑同埋有淡淡嘅酒味＋咖啡味，味道唔算好浓郁但系偏轻盈，食完都无咩觉得好罪恶感咁٩(ˊᗜˋ*)و♪! 地方太靓，日光射入嚟太好，叹件cake都心旷神怡啲👍🏻🔸𝐁𝐞𝐞𝐭𝐑𝐨𝐨𝐭 𝐑𝐨𝐬𝐞 𝐋𝐚𝐭𝐭𝐞($𝟓𝟎)：餐牌上太多种唔同类型嘅咖啡同茶等，所以都谂咗好耐⋯最后拣红菜头玫瑰Latte系无悔嘅选择👍🏻颜色好梦幻之余，店员都有问我会唔会唔想有太浓郁嘅红菜头味，帮我平衡返，结果相当唔错，入口顺滑，又有淡淡嘅玫瑰香，又健康又好饮，好喜欢☺️！🔸𝐑𝐨𝐦𝐚𝐧𝐭𝐢𝐜 𝐑𝐨𝐬𝐞($𝟒𝟎)：佢呢度啲茶个名都好特别，朋友叫咗呢款有啲橙味同玫瑰味嘅花茶，味道清新之余，仲好大壶( ˶˙ᵕ˙˶ )！成个用餐体验都系好有趣，环境又舒服，相当放松，餐厅嘅概念亦好好，食物饮品等都系健康之选，绝对洗涤到心灵💆🏻♀️，就算无特别信能量呢回事，亦都系一个好适合同朋友倾偈嘅地方😆。
继续阅读
西营盘一向好多好嘢食，今次去咗一间融合颂钵元素嘅特色Cafe，享受一个自助Mindfulness下午session。今次叫咗一个signature tea set同埋牛油果沙律除此之外呢度仲有纯素生酮食物可以选择。
继续阅读