影片
食家推介
嚟到「Dickson Yoga」，唔喺做瑜珈，而喺揾食。老实讲，瑜珈呢样野真喺唔啱我，行山、踢波、踩单车呢啲力量型运动型我就无问题，伸展、拉筋呢类嘅真喺唔搞我。晌「Dickson Yoga」里边，附属提供埋餐饮，所以，就同老婆晌度食个午餐，之后，佢就过「翠屏」参加义工活动。 走进店内，先喺瑜珈中心嘅客服柜位，色彩缤纷波浪型嘅天花，成为非常抢眼嘅焦点。再行入去，就喺餐厅部份。 应该喺配合番「瑜珈」嘅概念，餐厅嘅装修较时尚，显得都比较有活力，而且，地方都几阔落，卡位亦舒服好坐。不过，平日嘅观塘区，放饭时间会非常多人，但今日喺星期六，眼见成点钟，人客就唔多，只有几枱。 其实餐厅本身都有个名，叫做「Vegetarian Kitchen」，睇名你就知主打喺啲健康营养嘅料理。所以，餐牌内都有特别介绍佢哋嘅理念，更强调以盐曲作调味，有更多嘅好处，推广清淡、慢食。 而午市时段，主要都喺提供套餐，Set A - F共6款，所有套餐都喺全素食，有饭有面，亦有轻食，并附有沙律或汤及甜品，定价都喺$68-$82。样样睇落都喺以健康先行，食材自然讲求有「营」，老婆话拣咩食都非常放心。 由于以上嘅套餐都唔包饮品，所以，枱上有个座枱揭页餐牌，就提供多款饮品，等做完瑜珈嘅客人可以坐低休息吓，饮番杯。除咗南非博士茶、蜜树茶之外，其他饮品都有加配优惠。 顺带讲埋，所有餐具放晒晌枱边嘅抽柜，好似茶记咁，但胜在以小藤篮做分类，非常整齐，感觉更卫生，不过疫情之下，都会要求俾杯堂热水洗一洗。 Set A：黑松露大啡菇英式包、杂菜沙律、是日餐汤、甜品 $78小弟就拣咗个较西式嘅组合，但实际嘅配搭中中西西乜都有，一次过整份套餐捧出嚟，睇落都有好多嘢。 田园沙律非常简单，晌沙律菜之上淋啲沙律酱就成，无特别，胜在啲菜够爽脆；另外，仲有啲前菜「大豆芽」，好清爽，加咗少少梅酱，酸酸香香。 餐汤喺中汤，应该喺素汤，有合掌瓜汤、粟米、薏米等，味道比较清淡。 至于主角黑松露大啡菇英式包喺以英式松饼加上煎香嘅大啡菇而成，本身已好有菌香，仲加埋松露酱，就香上加香，大啡菇够厚身，故口感非常好。刚好一客有两件，同老婆一人一件「些牙」，唔使分嚟分去。 Set B：飘香风栗香菇饭、昆布杞子浸时蔬、是日例汤、甜品 $78老婆见有浸时蔬，又有荷叶饭，所以拣咗呢个套餐。同样，以托盘一次过成份套餐送上，个荷叶饭好大份，时菜亦大碟，睇见都觉得会食到好饱。 昆布杞子浸时蔬用料好足，昆布、杞子都落得多，时蔬用上油麦菜，几爽口，其实，个汤都可以饮埋，唔好嘥。 主菜嘅飘香风栗香菇饭，顾名思义就估到大概喺加咗栗子、香菇嘅荷叶饭，老实讲，味道确喺比较清，亦唔算好有荷叶香；加了红米，但饭粒真喺有少少烂，整体感觉喺有姿势，未够实际。 热果茶 +$6正价要$22，跟餐价就只喺加$6，好在有试咋，真喺坚好饮，因为真材实料，捞一捞，有无花果干、梨干，越饮越有果香味，又够清润，故此，最好早啲叫，等佢浸耐啲。 虽然个饭唔喺好理想，但其他嘢都做得唔错，当然，部份菜式我哋就预咗清淡少少，所以，都唔觉得大问题。阿姐啲招呼几好，加上地方大，人客少，用餐写意。
继续阅读
全素系列之日本炒饭和芝士嘅黑松露蘑菇pizza 喺观塘商业大厦入边，瑜伽中心有间全素餐厅。上次食左个黑松露蘑菇酥皮卷，真心好味松脆，真系食过返寻味。 今次叫咗个日本炒饭，用珍珠米配上蘑菇、菜脯、紫菜。饭就一般。但个个布满芝士嘅黑松露蘑菇pizza。芝士真系可以拉到好长㗎，黑松露嘅味真系好香，好易入口配咩都得。
继续阅读
呢间系瑜伽中心入面嘅餐厅，我地平日去，加上疫情关系，当年得我地一桌客，我地可以静静地悠闲咁品尝我地唔系茹素，平时多肉少菜，今晚想食得清清地，所以试下呢间。叫左两个set dinner ,有餐前小菜送。一个set有齐沙律、汤、主食同甜品🍮食材都好养生咁，例如羽衣甘蓝🥬，牛蒡丝咁，每碟都好多材料，很丰富的。唯一系个薯仔汤，好淡口，饮唔惯😂甜品都好好味😋虽然得我地一桌客，职员都好用心介绍食物，仲会同我地倾下计，系一个唔错嘅休息地方
继续阅读
好久没来观塘这间隐世素食餐厅，这天刚好来办事就顺便吃一下新菜单。现在午市提供 A 至 G 七款套餐，有包有饭又有面，全部都附沙律和汤。想吃得健康自然无添加，这里的清淡养生素食帮到你！Dickson Yoga Vegetarian Kitchen 位于东广场对面的商厦，搭升降机上 5 楼一开门就系。这里同时也是瑜珈中心，餐厅则开放给大众，不是来学瑜珈也可以吃啊。这天中午十二时许到达，餐厅内还没有人吃午饭，一点过后才开始陆续有人上来。装修环境色彩缤纷，天花有彩虹波浪，座位全部都系四人台，靠窗边有几张卡位。做完瑜珈就无理由吃不健康的食物，所以餐厅都吃得很健康无添加，最新仲推出了盐曲系列，吃少点盐对肾脏好一点。从开放式厨房望入去见人手唔算好多，所以全部提供套餐，主食之外有附沙律、汤和甜品，而且大部分都系无蛋奶纯素食。套餐不包饮品，但可以用优惠价加购，热茶 HK$6 起。盐曲浓汤豆乳米线 / 杂菜沙律 / 甜品 HK$82这天想吃面，见到有盐曲豆乳汤底觉得几有趣就试试看。米线上面有椰菜丝、翠玉瓜、玉米笋、粟米、红萝卜和海带，花生是敏感原之一所以有分开上。另外有芽菜和生菜沙律，整盘蔬菜含量都几高，不过我比较钟意有大件蛋白质咬下，例如有两砖豆腐或几粒豆卜都好，吃完应该会更有饱足感。汤底口味很清淡，盐曲有自己的特别香气，豆乳味倒不太浓厚。整碗味道很纯净无添加的感觉，吃完面条刚好把汤喝完，完全唔敢浪费食物。米线煮得比较软身。南非博士茶 HK$28/set (包括茶、果仁春卷和茶果子)最近先知道饮南非博士茶好健康，所以见到这个茶 set 就试试，博士茶都几大壶可以饮好耐。我觉得果仁春卷几特别，自己平常都钟意食坚果类，又无谂过可以咁样包起来吃，香口又味道丰富。樱花茶果卖相靓之余，味道唔会太甜，上面的渍樱花有点咸味，配豆沙馅好有冲击几特别。平日在观塘吃饭唔想人逼人，或者想食餐健康素食清肠胃，都可以上来 Dickson Yoga Vegetarian Kitchen 试试看。
继续阅读
朋友生日，忽发其想要吃素 ，开饭网上找到这家她公司附近的素菜，看起来好像挺不错就想一试，结果超出预期！每款都做得不错，令人有惊喜！特别是心太软配自家制雪糕 ，心太软有很香浓朱古力的味道，不太甜，自家雪糕外表平平，吃落有惊喜！话梅车厘茄我最喜欢，酸甜可口（没有拍照），蕃薯条一上枱就闻到香味😋😋😋还会介绍朋友过来，自己肯定也会再来！我们4人叫了12道菜 ，包括小食及甜品，全部都挺不错的！👍🏼👍🏼👍🏼👍🏼遗憾没有全部拍下来！
继续阅读