723
36
4
港铁油麻地站 A2 出口, 步行约2分钟 继续阅读
所有分店 (2)
电话号码
68326990
营业时间
今日营业
12:00 - 23:00
星期一至日
12:00 - 23:00
公众假期
12:00 - 23:00
公众假期前夕
12:00 - 23:00
付款方式
Visa Master AlipayHK 支付宝 现金 八达通 美国运通 银联 Apple Pay Google Pay 微信支付 其他
座位数目
100
其他资料
支持防疫
网上订座
Wi-Fi
自带酒水
切蛋糕费
包厢
电话订座
电视播放
当面支付
有关奖赏计划
食记 (829)
等级4 2021-02-14
743 浏览
朋友话黎Urban cafe食,上openrice search下,咦咦,好多猫猫相好似几得意咁喎,就试下啦。去到门口要先着鞋套,再量体温同消毒双手,做足防疫措施感觉安心喎。小店限时90分钟,快快决定好就落单先。先来个蓝花皇家伯爵荔枝红茶,自己一向爱茶,呢度个花茶价钱唔贵又大壶,仲有蜡烛暖住㗎,伯爵茶好香好好饮。朋友就点佢至爱嘅Oreo脆脆特浓朱古力,超浓朱古力味无失望!跟餐送的沙律,菜新鲜爽脆,加上甜甜酸酸千岛酱汁好开胃。点左午餐嘅泰式青咖哩鸡肉野菌忌廉意大利饭,呢样好受欢迎劲多人点。青咖哩香口不辣,估唔到做成忌廉意大利饭又咁夹喎,泰式fusion西式?哈哈,仲有无骨鸡肉,啖啖食好正。爱肉食嘅朋友就点左蒜蓉烧汁纽西兰牛肉眼扒配意粉,大大块扒佢睇见就开心。八十几蚊嘅价钱唔可以期望有好靓嘅牛扒啦,但呢个价钱收货有余了,有牛味无筋,加上个蒜蓉汁好香口,好味。最後仲点左甜品雪山心太软,心太软有朱古力同绿茶口味,我地拣左朱古力。切开都几流心,朱古力味浓,旁边个雪糕劲正,入面有曲奇碎㗎。另一份系美式松饼配雪糕,卖相好靓,松饼香软重蛋味,好味呀~店内猫猫不怕人,仲会跳上你个身同你玩㗎。两个人三百几蚊ok啦,多多支持小店! 继续阅读
(以上食记乃用户个人意见 , 并不代表OpenRice之观点。)
等级4 2021-02-08
620 浏览
相信喺香港呢一个寸金尺土嘅环境之下要养到小动物都系一件唔容易嘅事,再加上主子一病就会承受贵贵嘅医药费😭😭 但亦有好多人同我一样都咁有爱护动物之森所以系唔耐之前已经有好多狗Cafe或者猫Cafe陆续咁样涌现出嚟陪伴大家❤️❤️今次就搵到其中一间猫Cafe - Urban Cafe, 里面就可以俾各位发挥无限锡动物之心,里面嘅猫基本上都包含唔同国籍同埋种类,大大话话都十几只㗎所以场面都的确非常热闹🤩 仲要每一只都非常乖唔抗拒亦都唔惊人任摸任玩, 识行识走又识俾手手,真系嘢食冻哂都唔怕闷。不过除咗玩猫之外当然都要食嘢㗎喇所以亦都有几款食物可以高度推介。 食西餐店都唔舍得卡帮尼意粉,系我角度最好味嘅卡帮尼一定要有蛋黄汁另外一定要够浓缩,就正正与我幅相入面嗰种感觉,另外感觉上用扁意粉好过普通意粉👍🏼 可能吸收到嘅汁亦都会多啲再加上口感亦都会好啲挂😁当然每个人嘅口感唔同, 白汁伴随蛋黄一齐溶喺入面, 再加上额外嘅芝士令到香气十足,多重口感味道之余亦不失清新感, 顶头嘅炸虾成为神来之笔,以免净系每一啖都系意粉有少少闷😂另外甜品亦都唔可以睇小,就例如绿茶心太软,除咗注重内有火山熔岩之外,出面都需要有类似蛋糕嘅口感先系完美嘅质素,的确今次亦都比到我一定嘅惊喜,切嘅时候首先feel到一丝丝嘅阻力,代表着出面系有一定嘅软硬度,我用力嘅时候就已经去到绿茶熔岩嘅杰作,就系大家最锺意望到嘅心太软流出熔岩嘅画面,附上嘅cream同埋雪糕就成为冷暖嘅配搭,既温暖又刺激,呢个就系心太软神奇嘅地方。无论从心灵上定系饱肚上,urban 呢一个名已经代表着城市人注重嘅享受,放松一下自己心情与小动物互相嘅交流就成为左写意嘅生活亦都系各位奴才非常爱惜嘅地方❤️ 继续阅读
(以上食记乃用户个人意见 , 并不代表OpenRice之观点。)
等级4 2021-01-29
996 浏览
旺角这间楼上Cafe「Urban Cafe」除了给友人一个既可享受美食又可畅谈之地更为「奴才」提供了不少惊喜🥳🥢二人套餐 $278二人set包括了餐汤,沙律,两款主食和饮品真是经济又实惠呢😎.🥢餐汤和沙律是日餐汤是忌廉南瓜汤质感顺滑,淡淡都食到南瓜丝呢沙律清新爽脆,加入醋汁,更为开胃😘.🥢日式青蟹籽大蚬大葱忌廉扁意粉扁意粉尽吸忌廉的精华忌廉味突出,口感柔滑香口而扁意粉弹牙充足大蚬鲜美肉厚而无沙加上青色蟹籽同大葱做点缀,卖相抢眼😋.🥢意式辣肉肠拉水丝水牛芝士手工薄饼批底厚身但脆口感毫不减少足料蕃茄底加上大量的水牛芝士轻轻一拉便有拉丝效果入口松脆,浓郁的芝士充满整个口腔还有意式辣肉肠的肉香,真是不得了🙈.🥢滋味二人小食拼盘额外追加$28 ,便可以享用小食拼盘有法兰克福肠,唐扬鸡块和薯角口痕最佳选择👍.🥢青柠薄荷蜂蜜绿茶。杂梅梳打 $28免费自由选择$38以下的饮品其他可补差价😈薄荷绿茶清新好Fresh又带茶香回甘草莓红色的梳打加上粒粒杂梅,非常吸睛味道好甜蜜~ 继续阅读
(以上食记乃用户个人意见 , 并不代表OpenRice之观点。)
等级4 2021-01-19
1011 浏览
URBAN Cafe旺角弥敦道566-568A号侨建大厦2楼疫情之下,大家都困左系屋企太耐啦,难得星期日当然要出下街抖下气啦今日就黎左呢间系网上好评如潮既楼上cafe,身边既朋友都非常推介cafe既位置系正旺角好近潮流特区,非常方便岩晒约埋三五知己黎聚会见到meun选择都几多,最後我地选择左2人套餐,几抵食有2份沙律餐汤同埋主菜,只系$278蚊杂菜沙律非常新鲜,食落好fresh, 而今日既餐汤系忌廉南瓜汤,好creamy主茶我地拣左西班牙黑毛猪肋骨~~~好钟意餐厅整得好淋身,再配合埋秘制既酱汁,真系无得顶呀绝对系必食item温泉蛋烟肉野菌黄金卡邦尼意粉~~~温泉蛋既蛋汁配合埋卡邦尼酱,同意粉意混埋一齐,prefert match小食方面,我地试左冬阴功忌廉煮纽西兰青口,感觉好新鲜第一次见到有呢个菜式,开头仲惊会唔会好古怪,原来冬阴公既味道再加埋忌廉,出奇地都几夹wo食落都几正 继续阅读
(以上食记乃用户个人意见 , 并不代表OpenRice之观点。)
等级4 2021-01-11
1046 浏览
疫情第四波下无得睇戏,又无晚市堂食,睇红叶又劲多人,放假唔知有咩好做,只可以去食个晏,所以要搵间特别d既!见Facebook有朋友去呢间,我又去试下先!本身约左1点,果日早左到,12点松去都坐满7成, 一入门口见到好多只猫咪, 超萌~在座好多情侣, 猫猫好乖唔惊人.有2人餐先二百几蚊,但冇我想食嘅嘢所以最後决定散叫, 叫左两个主菜同两杯野饮. 香橙柠檬茉莉花茶 ($69)花茶先黎, 卖相几靓, 几大壶, 有得加蜜糖~薰衣草拿铁 ($51)之後黎我果个薰衣草latte, 个样都几特别,有d真既薰衣草系面头,个奶甜甜地。我呢杯latte系无coffee成份,因为我饮完咖啡会瞓唔着😂适合同样唔饮咖啡嘅人😉香煎红鲷鱼柳配香草荷兰汁伴意粉 ($128)我对面嗰位话觉得呢种鱼唔腥又冇骨,几好食,因为佢平时食开中式鱼,好彩呢款都啱佢口味,又啱啱煎好够热,因为好怕唔够热就会腥🤪美国猪鞍扒配柠檬苹果酱伴意粉 ($138)我呢块猪扒都几好冇乜肥膏,见到有一粒粒苹果嘅酱,甜甜地比较适合女仔口味。埋单两个人$400有找,虽然晏昼来讲好似价钱唔够大众化,但如果你唔系散叫,叫set嘅话二百几蚊已经有好多嘢食啦,同埋有得俾我哋睇猫猫玩猫猫,养猫都唔平啦,算系咁☺️补MENU 继续阅读
(以上食记乃用户个人意见 , 并不代表OpenRice之观点。)