影片
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
平时好少系依边lunch,因为今日同同事攞完文件,就系附近食埋lunch,但因为赶时间关系就直接揾就近嘅,同唔使等位,因为观塘食lunch真系四周围都好多人,UCC听得最多就系咖啡☕️估唔到除咗coffee☕️,有埋cafe.🍝茄汁鲜虾带子意粉 $119味道正常,带子有d扁身细小,毫无口感,鲜虾好弹牙,不过唔太入味,如果要转沙律有汤有咖啡要upgrade🥗 ☕️整体黎讲~价钱都唔平,食物质素正常,食物性价比唔高
继续阅读
今日同朋友谂住食个下午茶，几年前食过呢间餐厅啲嘢食都唔错，冇谂过今日再去食啲食物竟然差过一间普通餐厅，叫咗一碟蒜蓉包，一个意粉，一个沙律，一杯焦糖咖啡，蒜蓉包竟然系又冻又硬，我咁钟意食蒜蓉包，食过好多间，冇食过一间好似呢间咁难食，我谂面包舖买既蒜蓉包好食过佢，问个侍应点解会冻嘅？佢话可能喺吹风机底下吹冻咗，佢唔系应该换一碟俾我吗？佢嘅答覆竟然系咁样，当冇事发生一样，亦冇讲唔好意思。咖啡杯仲细过茶餐厅嘅奶茶杯。意粉啲汁又唔够又干，性价比超低，呢间餐厅以后都唔会再去。唔怪得香港咁多餐厅做唔住。
继续阅读
今日喺观塘APM食lunch，屋企人话好想去一个有咖啡饮嘅地方，喺我嘅观塘饮食地图里面，如果想饮咖啡的话，我就一定会去UCC，因为UCC啲咖啡真系好滑好香，每次我都唔会失望。今日所选午餐：菠菜三文鱼豆奶汤意粉 $106套餐（沙律加咖啡） $41意粉好惊喜，豆奶汤底真系好香，意粉软硬度刚刚好，配上三文鱼和菠菜，简直一流👍🏻不过可惜座位有点窄，枱和枱之间有啲密，感觉有点局促。如果将来座位可以疏落啲，令人有番少少空间感，咁就完美。
继续阅读
食物最基本质素都冇，仲竟然可以开咁多分店意大利炖饭变成烂饭仔鹅肝无油香而膻腥；意粉又干又柴份量少又难食，奶茶仲差过茶记！咁都好意思开餐厅收百几蚊一碟野！间咁既野都冇差评价！超奇怪成日觉得周围啲餐厅送小礼物叫人比赞，不如请真正既厨师、买正常的食材做好啲啦！冇人话佢、害到周围咁多垃圾餐厅仲开晒分店咁！食唔落！食几口掉左！一下比佢厄到几百蚊生意！食物质素差，厨艺差到冇常识既级数！拎啲咁既烂饭仔出来话系炖饭！你有冇食过炖饭？用厄我啲钱够出去买个真正既食啦！仲要煮到臭既！地狱厨房开餐厅！
继续阅读
9 April 于5:30pm 入座下午茶。整间餐厅都坐唔满人，只有约七成。到7:00, 现场只有约两枱人，当中包括我们一枱两人。其中一位女侍应竟然机械式咁走过来话下午茶时段已结束，须要交枱。现场大把吉枱，亦冇人在外等位或陆续入座。根本过完下午茶时段就已经系静过鬼，你要我交枱做乜呢？有冇用脑嘅呢？我坐多十零廿分钟根本就阻唔到你做生意，谂深一层其实帮到你成间野睇落去冇咁冷清唔好等人以为唔好食𠻹。再讲一次，其实你有冇用脑嘅呢？唔怪之得啲人宁愿上大陆消费都费事喺度受气！
继续阅读