影片
以上资料只供参考，请与餐厅确认详情
食家推介
星期日晚上来到UCC晚餐，食物味道还好，但食物与餐牌中所示的有差别👎🏻👎🏻👎🏻先来芝士海鲜焗通粉$95，完全跟餐牌中的不一样，白色一堆野。虽然白汁颇入味，但用料控不而太丰富，只有三只虾和几粒带子。再来汉堡奄列饭$104，同样跟餐牌不符。汉堡味道一般，饭配上茄汁的酸甜和牛肉汁的香，味道不错。烟三文鱼薄饼$94 ，算是当中最符合餐牌的菜式。这薄饼用料丰富，唯薄饼皮太薄太淋。甜品方面，鲜果窝夫半份$48味道不错，全因窝夫外脆内软。日式咖啡雪糕红豆$74 ，这个跟餐牌中所示的不符，卖相不但不精美，而且说好的饼干呢？其实它只有三粒丸子、红豆、咖啡啫喱、寒天、雪糕和忌廉，那就售价$74 ，实在有点不值。
继续阅读
UCC依个品牌一向都系走高档路线，但系居然系将军澳都有分店，今日就等我睇下依间UCC同平时出面嘅有无唔同先～今日去到UCC大概12点左右，里面都差唔多坐满，好兴幸黎早一步，唔洗等位～坐低睇下个Menu，饭同意粉嘅选择都有几多。今次我地一行4个人，就叫左两个茄汁鲜虾带子意粉，一个白汁鸡肉意大利饭，同埋一个茄汁海鲜意大利饭。！！想加杯野饮嘅朋友注意！！系lunch time（-14:30）嘅时候可以加37蚊就有一份Salad Bar同埋一杯野饮啦。（平时一杯单点咖啡都要成四十几蚊㗎！）本来都无为意，好彩侍应姐姐提我地，就加左4个Salad Bar同野饮。每叫一份沙律吧就会俾一只碟你，之后就有一次机会可以去雪柜𠮶度丧拎你想食嘅野，拎得几多就食几多，食得几多就拎几多～沙律吧嘅材料选择都几多，水果选择有蜜桃同菠萝，另外仲有生菜、吞拿鱼、车厘茄、粟米、啫喱、提子干、腰豆同埋薯蓉。（私人推介薯蓉加提子干嘅配搭，加埋千岛酱就一流啦！）其实食完个沙律已经饱饱地，但系对于大食嘅我黎讲，食埋主菜都无难度！先黎睇下friend子食嘅嘢～然后，就系我嘅茄汁海鲜意大利饭。依个Risotto嘅饭好入味，软硬度啱啱好！虾够弹牙，唔会好「梅」，海鲜唔会好腥，唔错！最后餐饮叫左一杯热咖啡作总结，咖啡几香，加奶后味道更佳！UCC果然系UCC，去到边都保持到水准。
继续阅读
以前住系宝林，都经常去ucc 食晚餐，而家搬左，但我都会时不时去食下。而我又好钟意饮咖啡㖞，所以ucc 就成为左我既谂唔食咩/同家人晚餐既必去地方是日星期一，dinner set 有牛扒有意大利烩饭同埋意粉，由于好肚饿既关系，我地就叫左一个黑松露带子意大利饭，茄汁鲜虾意粉同埋牛扒set星期一既餐汤系蘑菇忌廉汤，我唔太钟意所以就叫左是日既薯仔沙律，薯仔沙律整到薯蓉同埋入面仲有小小粒咁，好好味，同埋仲有小小栗米系中间，食落又香又甜，蘑菇汤我2个屋企人都话好浓好香，好好味终于到牛扒，意粉同意大利饭登场啦（由于太挂住食，忘记左影意大利饭～）牛扒叫左5成熟，但唔太5成啦，7成比较似，但肉煎得好淋身，唔会好鞋好难嚼，个汁都好香好好味，送饭一流呀～茄汁意粉味道好开胃，虾同带子都 ok，但个意粉本身煮得淋左小小，有d发开左既感觉，唔够弹牙，但整体都系几好食既最后个set跟既甜品系蜜桃伴雪糕，卖相同味道当然都好o k啦，不过就食完都唔太知上面唧花个粒浅黄既系咩黎，但都好满足～最后最后，最满足莫过于饮到杯好饮既咖啡，ucc既咖啡出名香浓，就咁未加任何野，我饮左啖，好香好浓既咖啡味，仲带小小榛果同云厘拿香味，唔苦唔酸唔涩，仲要几滑下，加小小奶落去，令到杯咖啡更香更浓更滑，食完个雪糕，饮埋呢杯咖啡，成个口腔就好似场演奏会咁，互相辉映，好满足既感觉～无论系以前，而家，ucc既咖啡既味都好一致，呢个系我会回头既原因，而家好小餐厅可以话为一餐饭画上咁完美既句号，虽然ucc既野食唔可以话系特别好食，但佢既咖啡系我心目中暂时最好既，希望佢可以keep on啦
继续阅读
住了将军澳多年，不知为什么从来没打算帮衬此店，今日突然想试试下午茶。下午茶都颇满但不需排队，假日有最低消费$70，但下午茶套餐却有价单连加一低过$70，奇怪！我们叫了法式三文鱼薄饼多士和朱古力夹饼。饮品叫了冻炭烧咖啡。夹饼有点硬，相信放了在厨房一段时间，无办法，流水作业。 多士不过不失，简单手作。 下午茶来说份量算大。炭烧咖啡是主角，味道比咖啡连锁店高一班。 店员特在客人面前做 showmanship ，将咖啡从专业咖啡壸倒入载满冰，但店员可能一日做百几次，做得非常冲忙，若然慢些会更专业。我们很寄挂那美妙的咖啡味，第二天又来了下午茶，当然今次试了别的食物。
继续阅读
salad bar去咗Ucc食晏昼，佢嘅午餐餐牌系废嘅，因为自己组合都系一样价钱。不过，食物质素唔错，我叫咗芝士白汁焗鸡饭，芝士味好重，分量都足够！抵赞！另外加咗＄37堆沙律吧，沙律选择不多但都够用啦。呢个又系玩物理嘅时候，切好个平台之后慢慢堆，好玩又好食！不过人就比较多，仲有啲师奶黑面，好心心情咁差就唔好堆啦。不过refill得好快，要乜有乜！喺呢度最紧要系叫杯咖啡，虽然好似系咖啡粉，不过即刻煲，非常之香浓，系等得耐少少啰。
继续阅读