U Chicken

营业中

休息中

店員服務態度非常差，購買過程詢問我選擇食物（例如：油飯抑或白飯、要咩醬汁等），完全俾客人非常晦氣的感覺，收錢找續時更「黑口黑面」，完全有趕客的樣子。全店只有一位女店員有禮貌，遞上食物會講多謝！為咗避免這不愉快的經歷，會少幫襯甚至乎沒有再購買意欲希望店舖負責人多加留意這點，以免客人嚴重流失。在附近隔離多食肆多選擇的環境下，若仍然維持該等惡劣態度的樣子，相信很快被淘汰。店舖開業初期，員工的服務均非常好的，當時亦有客人需要排隊，等候時間雖然頗長，但亦樂於購買。反觀今天食晚飯時間七點，居然沒有客人在門外購買，尤其是付款給收銀店員時，完全有中伏感。

剛剛叫了一個海南雞飯外賣 等外賣時看到店員從微波爐拿出海南雞飯給我 雞同飯都叮得又乾又硬 不會再有下次了 當初剛開業時野食是不錯 現在只過了幾個月就變得這麽求其 難怪現在無人買

夜晚7點幾想食海南雞飯.之前新開個陣 食左幾次覺得幾好食見到又唔多人等..又買左個海南雞套餐點知見到即場係用微波爐叮返熱（飯同餸）返到去打開食 d雞同飯 叮到硬哂超難食 ..我諗以後都唔會再食

2個禮拜前行過好香，又好多人排，諗住好正啦，今晚有時間一心諗住試下新野，點知。。。隻雞柴到一啲汁都無，菜油到成碗底都係油唯一可取係窗口個哥哥幾好禮貌，要多個汁都唔會耍手拎頭

逸東街市終於有新美食啦！我下午茶時間去試咗，冇點主餐或者雞肉，只係嘴饞想試下啲炸物小食，所以就點咗椒鹽炸雞塊（4塊）同埋炸韭菜餃（5個）。呢度啲炸物全部都係現點現炸，完全唔係回鍋或者冰冷，呢點真係加分唔少！炸雞塊都幾大舊，熱辣辣又脆，咬落都多汁。炸韭菜餃就最驚喜，炸完出嚟唔會勁硬，外皮厚度OK, 韭菜同豬肉嘅組合恰到好處!!!!

呢間舖開咗一排，有幾次經過都俾香味吸引，前排終於買咗個招牌烤雞餐同海南雞餐試下～海南雞份量幾多，一個女仔食唔晒，男人食都夠，聽到前面有個職安真漢子話想多飯，都好似有做俾佢。雞肉嫩滑，麻辣醬幾麻幾惹味，油飯都OK啦，50蚊嚟講有呢個質素都唔錯啦。烤雞餐打開有驚喜，外賣返到屋企都KEEP到熱，外皮色水烤得幾靚，入面肉質都JUICY。今次揀咗薯菜，中規中矩啦，下次想試下蘑菇飯～BTW想講下個例湯，真係幾多料，飲完唔口渴，涼涼地有啖湯水飲下都幾正～

新開張就即刻試下海南雞飯，隻雞夠滑，雞油飯又夠香，仲送埋湯，我仲嗌咗柚子胡椒烤雞翼同埋炸韭菜餃，幾香口清新。夜晚見到都好多人排隊，但係好彩出餐都算夠快，絕對抵食好味，絕對推介

見佢新開張，諗住試吓。叫咗個大烤雞套餐，配焗薯烤雜菜加牛肝菌汁。唔知隻雞佢係咪比錯咗標準size，一打開盒覺得隻雞好細隻。因為喺另一間同佢賣差唔多嘢嘅Chicken X大烤雞隻雞係大隻啲。因為想食焗薯，所以就嗌咗焗薯加雜菜，點知佢就俾咗粟米我。我唔知佢係比錯定係還是焗薯賣晒，如果冇焗薯嘅佢應該同我講聲我就會轉飯，而唔係冇問過我就俾粟米我。牛肝菌汁直接消失，完全見唔到。最恐怖嘅係喺啲雜菜度見到條鋼絲，好彩我見到，唔係就食咗落肚啦。😥😥😥