Twinkle Baker Decor (荷里活廣場) (已結業)

一舊咁細粒嘅蛋糕要$48其實都幾貴，不過以佢嘅外型來講係靚嘅，味道來講個人覺得就普通左d☀️玫瑰蜜語 (迷你版)因為突然間想食馬卡龍咁就揀咗呢一個玫瑰蜜語，雖然馬卡龍不嬲都好甜但係呢一個真係超級甜😂，另外佢仲會有蜜糖滴管都幾Q，但係我會覺得成個蛋糕嘅感覺都係普通同埋有啲太甜😗

Twinkle Baker Decor既蛋糕不嬲玩足十足 出名造型造型😻 真係每一次都驚喜十足 見到佢哋今次推出左新系列「扮清糕」🤣 以港式點心為主題嘅造型蛋糕每款賣相都非常吸引👅 今次我哋就挑選左壽桃款式嘅福滿小壽桃🍑蛋糕頂層係一個用上香桃芝士慕絲製作而成嘅壽桃 內層包裹住香桃果餡 就好似平時食壽桃入邊嘅蛋黃一樣 像真度十足🤤 蒸籠係由朱古力製作而成 切開入邊蛋糕係原味海綿蛋糕 口感鬆軟🍰 配搭新鮮士多啤梨同雲呢拿吉士 成個蛋糕嘅配搭都好清新 屋企人都好滿意🌟

細囝生日，又訂唔切主題蛋糕，經朋友介紹去咗呢間蛋糕店睇蛋糕🎂。我見有兩款恐龍造型嘅蛋糕曲，思前想後下我揀咗個較有立體感。蛋糕表層上面嘅濃濃嘅朱古漿同朱古力粒🍫，包圍表層黃色皮同白色造型熔岩槳原來係亭身嘅忌廉，真係好有驚喜，因我以為係糖霜皮😝。內層有實實嘅朱古力忌廉、朱古力實實嘅蛋糕（我覺得口感好brownie。朱古力愛好者可能會好鍾意，我個人覺得有點heavy🙈。（匯豐信用卡有九五折）$399->$369

見着佢哋分店越開越多，真係由小店變做連鎖店。疫情放緩，今個中秋買左個蛋糕一家人團團圓圓一齊切。先要讚一讚佢嘅外型，蛋黃哥好頂癮，擺住勁慵懶既姿態。黃色月球嘅表面做得非常袖珍，細緻，就連月球表面既隕石坑都整左出嚟，旁邊仲有兩粒由朱古力整成既流星，確係精緻。月球為呂宋芒慕絲蛋糕，慕絲內藏香甜芒果肉同椰汁麻糬粒，食落清甜幼滑，煙韌軟糯，口感豐富。加上濕潤海綿蛋糕，配搭不俗。深藍色既太空船表面為竹炭牛油忌廉，綴以彩色朱古力做裝飾，裡面仲有香濃既朱古力牛油蛋糕，兩種甜度合而為一都唔會太膩～

八月就梗係又係生日月，勁多人生日！之後行街經過見到twinkle baker decor 啲蛋糕超級靚，忍唔住同老公講黎緊有人生日一定要買一個，今日收工急急腳走人，約咗老公喺荷里活廣場嗰度等，去到已經俾佢嘅蛋糕吸引咗，心心眼😍😍😍最後梗係買個少女蛋糕，粉紅甜心💗個蛋糕以草莓慕絲、草莓果醬、新鮮草莓及原味海綿蛋糕夾層製成，加上霧面心心糖，造型甜美，講真買咗真係會唔捨得切嚟食，影相都影左勁耐🤣🤣最緊要梗係個蛋糕唔係勁甜，啱啱好🥳🥳

一直都有留意開Twinkle Baker Décor既蛋糕，呢間出嘅蛋糕款次次都好靚😍 呢家做緊比比生日祭，出咗幾款好cute cute 嘅蛋糕🎂 有兩款係用好得意嘅貓貓 “比比” 樣既立體蛋糕😻「比比漢堡」及「招財比比」🔸招財比比🐱 $388呢款係一個6吋蛋糕🎂 一大班朋友食啱晒😆 食之前梗係打卡影相先啦咁得意😙😙招財比比係好立克慕絲配上焦糖脆朱，一打開個盒就聞到好立克的味道切開佢睇睇先切開個蛋糕後就睇入面有三層嘅海綿蛋糕而中間會有一層上焦糖脆朱，好立克慕絲係佔蛋糕整體嘅比例有5分3，食落唔會太過甜膩而且海棉蛋糕中和左，海棉蛋糕個口感有鬆軟🤤

經過呢間蛋糕店完全比佢哋嘅蛋糕吸引到，佢哋嘅蛋糕款式好多，而且每款嘅造型都好特別！因為就嚟父親節所以就買咗款「富爸爸」蛋糕孝敬一下父親大人蛋糕係以金多寶箱為主題蛋糕上面裝滿朱古力金幣同金磚仲用咗朱古力包住蛋糕 做寶箱造型用原味牛油蛋糕做底 切開有一層芝士慕絲內層就有夏威夷果仁 忌廉芝士同杏仁碎粒呢款蛋糕造型真係好正而且呢個蛋糕都真係幾大個，我哋四個人都食唔晒，性價比幾高，有機會再試埋其他蛋糕！

女朋友生日，我上咗佢屋企同埋佢家人一齊慶生。我負責買蛋糕，雖然遲啲都會出去再慶祝，但每個蛋糕都唔可以馬虎，否則家暴會發生😅。之前行街已經大約掌握咗佢嘅喜好，我喺Twinkle訂蛋糕，相信唔會出錯😜。鑽石山荷里活廣場分店嘅店員好醒目，一去到就好快搵到我資料，同埋仲好細心，提醒蛋糕內會有條木棍。登登登登，頂點小籠包出場🎉，咪住先，唔係切蛋糕咩？冇錯，佢就係一個小籠包樣嘅蛋糕！蛋糕造型維肖維妙，無論係個蒸籠定小籠包本身都做得極度像真。小籠包頂部仲加咗金箔，不得了👑。呢個蛋糕除咗滿足到女朋友打卡放上網嘅慾望之外，就連個味道都令全家人讚好😋👍，因為佢係焙茶味Hojicha🍵。焙茶二重奏，即係指焙茶吉士同焙茶蛋糕，吉士嘅茶味會相對更為濃郁，清香不膩，甜度亦恰到好處。至於蒸籠就係由朱古力製成🍫，同樣唔會重口味，同焙茶好夾。蛋糕係4吋Size，唔算大個，不過食完飯食就啱啱好，講真食蛋糕都係醉翁之意不在酒嘛。$268當然唔平，但而家連鎖果啲都愈賣愈貴，而呢個就靚好多添。最後，最緊要係可以氹到女朋友開開心心，我就開心了😘。

屯馬綫通車之後，多左去鑽石山果邊行街Shopping，小公主一見Twinkle Baker Decor門口有個大公仔，即刻沖左去睇。今次佢一見到個恐龍造型蛋糕被吸引住，要揀lee個頑皮的「MILO®髒髒龍」既蛋糕返屋企。成個造型好colourful，髒髒龍匿埋係用美祿小山丘到，小山丘又幾似添。小山丘用朱古力鮮忌廉堆成既，再係面加左美祿可可球、彩色糖針、朱古力脆脆同脆珠，蛋糕身用了黃色好鮮艷，切開蛋糕，入面係一層層濃郁既美祿mousse，同朱古力牛油蛋糕，牛油蛋糕軟熟，朱古力味香濃再配埋美祿可可球同朱古力脆莎榛子醬，層次非常豐富。

荷里活廣場新開左Twinkle Baker Decor. ！櫥窗雪櫃放滿咗顏色鮮艷，非常吸睛的各款蛋糕，忍唔住都要行去欣賞一下！而店內更有讓客人即食嘅位置，肚餓喺度食個小西餅也是不錯。呢間d蛋糕出名特別精美，最近仲新出咗呼喚童心系列，款款都非常之可愛好似玩具一樣，啱晒要來氹小朋友開心！剛好家中的小朋友生日，所以我就買咗個「恐龍仔多多」$388為佢慶祝！呢個「恐龍仔多多」外型十分可愛，綠色嘅忌廉外皮加上糖皮嘅眼睛、斑點、背鰭與及最得意嘅哨牙！小朋友見到已經非常興奮！切開係有四層嘅海綿蛋糕，配以低糖高纖益力多製作的慕絲，減糖配方食落不會太甜，感覺非常健康，益力多乳酪酸酸甜甜的，裏面包着乳酪爆珠，咬開爆珠濃郁的乳酪味道湧出來，能中和蛋糕的甜味，食落更加清新，啱晒夏天！店裏面嘅蛋糕個個都非常之特色，真係要慢慢逐個試吓呢！