Triple Cafe

营业中

休息中

#冬陰公蜆肉意粉意粉煮得啱啱好，配上冬陰公嘅汁，味道好香濃但偏酸。蜆肉新鮮，咬落都鮮甜，再加埋啲香料好開胃！#芝士開心果大地芝士味都濃，但芝士係一層奶蓋再加芝士粒粒係入面，啲粒粒唔係好飲到，就算飲到啲顆粒感都太出，有少少影響咗個口感，但味道都幾好飲。整體嚟講，食物質素真係唔錯，味道出色，環境又舒適！

自從cafe 開業起，我久唔久就會想去食吓。星期日，同父母去完慈山寺，便順便同佢哋食返個早晚餐。我怕無位，先行攞枱。直至需柺杖輔助的父親到店時，店員主動邀請我們換個更方便父親出入的位置，超貼心的說。食物一貫美味，畀心♥️♥️Ever since the cafe opened, I've wanted to eat there every now and then. On Sunday, after visiting Tsz Shan Monastery with my parents, I went there for early dinner.I’m afraid there won’t be a seat, so I’ll take the table first. When my father, who needed a cane, arrived at the store, the clerk took the initiative to invite us to move to a seat that was more convenient for him to enter a

呢間啲嘢食真係好食，已經嚟過兩次，兩次都叫唔同嘅嘢都非常滿意，意粉軟硬適中，牛扒整得啱啱好唔會太生，亦都唔會太熟，推介鹹蛋黃海鮮意粉同埋牛小排配馬鈴薯，飲品推介沙冰真係好正，雖然有時候要等耐少少，可能多人時段，真心推介朋友過嚟試有些少不足地方，可能呢度啲嘢食太好食，所以導致每次嚟嘅時候都要拎籌號派隊等候一段時間，不過等咁耐都覺得幾值得，真心附近想搵到好食，又唔會太貴嘅餐廳唔係好多，呢啲價錢都算平民

食過幾次 ，其實質素70/80 分 ，不過上星期平日唸住介紹同事來食，11:30打去，食12:15 打去五位，竟然要比$500訂，心諗 食個餐都係$100 又唔係米芝蓮，我話咁訂4位，來到walk in 5 位 得掛，點知間cafe 轉頭就叫我要比deposit $500, 真心唔係米芝蓮，唔係5 星，一間cafe ，食物又不致於唔食會死🥲 成日想支持小店，但呢間真係好經典...食大埔R&Y $150 個餐都唔駛咁寸....真係好差。好寸呀

11點幾到附近，原來有好多餐廳都未開，好彩呢間有開門，唔使走嚟走去，可能太早，唔使等位直入。第一次食呢間，明太子意粉水準以上，cabonara不過不失，可以再creamy少少。抹茶basque burnt cheesecake好食，中間真係軟心嘅(對比起之前食過好多都係普通芝士蛋糕咁，冇咗basque burnt特色)，係個面可以再burnt少少。特濃朱古力係dark chocolate嗰隻。服務態度好好。同埋我幾鍾意牆上面啲咖啡畫。

已經數唔到有幾多次喺呢間食嘢～咖啡好飲，嘢食又高質，性價比高。最鍾意係冬陰功蜆肉意粉！個味道係好好食！不過其實每次啲蜆都好多沙，所以經常食剩好多蜆，食咗好多次，今次忍唔住想寫食評，希望可以更好～漢堡同埋炸魷魚都好好食！！

💚《大埔Chill Chill Cafe》- - Triple Cafe好耐冇入過大埔太和食野😭，見近排有時間入就去搵好野食！行行下見到一間裝修唔錯既Cafe ，見唔係太多人排就試下啦！⭐️⭐️食物價錢唔算好貴，而且有好款食物選擇，可以慢慢坐傾下計！🥳🥳🍛香煎北海道帶子蟹肉蟹籽牛油果燴飯（$95）呢個燴飯般般，味道較淡，冇牛油果🥑既香味，帶子大粒外面煎得香脆，內裹嫩嫩🍰Triple 岩鹽芝士奶蓋拉米蘇 ($48)跟餐加呢個拉米蘇好好味，有好香既咖啡粉，用芝士奶蓋做醬，成件好夾！😋🍰自家製宇治奉抹荼軟心巴斯克蛋糕($46)呢個宇治奉抹荼軟心巴斯克蛋糕應該係近期最好食，有唔太苦澀味既香濃抹茶醬，外皮同內層口感係同一樣好味，D抹茶醬流晒出黎，打卡一流！📸🥤芝士豆花豆乳・大地 ($38) 跟餐加呢個豆乳味唔太出，要靠咖啡提升味道，但係豆乳令到咖啡味溝稀左，味道有點奇怪🫠🫠🍹芝士開心果・大地($48)相反呢杯芝士開心果就好出色，不論係味道上外觀上都係一流！大家一定要試下呢杯！🤩🤩☻味道：7/10☻環境：7.5/10☻服務：7/10☻價錢：7.5/10☻回頭率：70%☻人均消費：$150📍 Tripl

陪朋友喺附近睇完樓，就過嚟試吓呢間餐廳。之前其實都好想試，但係原來佢中間有落場時間，今次終於可以嚟試吓。叫咗個牛扒同埋牛油果帶子意大利飯個牛扒賣相一流，生熟程度亦處理得好好，但係肉味唔算濃，焦香感亦唔係好足。個牛油果帶子意大利飯，粒帶子唔會太熟咬落去都好鮮甜。但係個牛油果汁裡面加咗樣野，搞到d苦澀味影響晒成個飯嘅味道，另外個意大利飯我覺得可以煮生少少就更加好啦。比較鍾意佢跟餐嗰杯嘢飲，檸檬帶少少蜂蜜味，食完都唔會覺得油膩。同埋個提拉米蘇甜度恰當。另外要讚那個侍應服務好好，由落單到送餐樣樣都招呼周到，而家嘅食肆真係好少有。

每次黎太和，都會黎既Cafe.價錢合理，野食有水準，每次都唔會失望。即使附近有其他新cafe 開，最後都係會番黎Triple 既懷抱🫶🏻🫶🏻 如果只可以點一樣野，我會揀開心果大地！

太和呢間Café 睇落唔錯，成日有人排隊，昨日就早少少來入座試下😎 兩個人食兩個意粉，兩杯野飲🤭🦀明太子蟹肉意粉：算大碟喎，少少creamy😋 好多蟹籽好香蟹肉味，意粉軟韌剛好，而且辣辣地，幾開胃！🐙香蒜鹹蛋黃海鮮意粉：都大碟！呢個太好味🤩鹹蛋黃配搭好特別！蒜味同鹹蛋黃ratio岩岩好，啖啖意粉帶稠稠地嘅鹹蛋黃汁，帶蒜香，好滿足！幾creamy☺️🍫髒髒提拉米蘇Dirty Tiramisu: 呢杯特色咖啡唔甜唔膩，濃郁咖啡味無得彈😍呢杯特色嘢飲正🤗🧀開心果芝士大地：呢杯嘢飲好香開心果味！上面嗰層芝士奶蓋好creamy 好正🤩加埋少少開心果碎，連小編平時唔鍾意食開心果都愛上咗呢杯嘢飲！😍 兩杯嘢飲都令我愛上了!

今天我們去完慈山寺後，便去 tea tea hea hea ☕️，這間cafe裝修簡樸，以木系為主，配上黃光吊燈，牆邊架上擺設特式，甚有文青feel😄💥Matcha Basque Cheesecake + 芝士開心果•大地 >> 芝士抹茶味濃，流心軟滑，蛋糕口感實腍不太甜🤤>> 奶蓋上有碎粒開心果，淡淡開心果味又香滑，飲下去是濃郁的咖啡甘香，兩者恰到夾味😄，第一次試，竟有這份驚喜🤣。💥Triple Cheese Milk Cover Tiramisu + Dirty Tiramisu>> 流心形態上桌甚吸晴，蛋糕軟綿creamy，濃濃咖啡香夾雜點酒味，甘香濃郁，層次感甚豐富，蛋糕入口隨即溶開😋>>Dirty Tiramisu 好吸睛，奶蓋creamy不過甜，咖啡甘香配上酒香，原來tiramisu配咖啡是很夾我口味😄

終於的起心肝黎大埔試呢間cafe😗為左佢地杯開心果飲品同埋甜品而黎嘅😆野食整體都唔錯而且價錢都好適當😚有機會會再黎多次😌𝗠𝗲𝗻𝘂🍴✿ 經典手打和牛煙肉漢堡配薯條 $103包烘得夠香 漢堡有肉汁唔乾身 薯條正常✿ 溫泉蛋巴馬火腿卡邦尼意粉 $73推薦～ 意粉好掛汁 忌廉汁混埋流心蛋同芝士好creamy😋✿ 肉桂蘋果撻配雲尼拿雪糕 +$62好少食倒呢款蘋果撻 上面有一片片蘋果 整得好脆身 淋上肉桂味醬 肉桂味好重😍✿ 髒髒提拉米蘇 +$35賣相好靚 呢個呢個價錢黎講算大件😙 味道都可以 偏向cream多過cheese味✿ 自家製宇治抹茶軟心巴斯克蛋糕+$35超級流心 賣相都好可以😜 食得出抹茶味 唔錯😌𝗕𝗲𝘃𝗲𝗿𝗮𝗴𝗲🍸✿ 芝士開心果大地 $35呢杯的確幾好飲 個開心果奶蓋好夠開心果味 而且唔會苦 連埋nutty咖啡幾正☺️✿ Triple 岩鹽芝士奶蓋拉米蘇 $42賣相好得😆 仲有漸層效果 飲落真係好似食緊tiramisu咁🤩✿ 荷蘭特濃朱古力（熱）$45📍 𝐓𝐫𝐢𝐩𝐥𝐞 𝐂𝐚𝐟𝐞太和大埔太和路15號太和中心地下8號舖

今日6點左右到餐廳食晚餐，唔使等位，scan qr code落單，坐坐下都多人同滿座叫咗個慢煮豬鞍配蘋果酸質麵包 $128味道唔錯 豬鞍好嫩好juicy 但個汁味道略淡 麵包都ok另外杯熱蜂蜜檸檬都好香好飲甜品叫咗tiramisu 味道口感一般朋友叫咗個慢煮牛小扒配新奧爾良燴飯 $98同埋蘋果批Main dish味道一般 但份量幾足 甜品一般總結：味道唔錯，服務都幾好，喺太和食西餐可以有多個選擇，但枱同枱之間相對較迫。

太和消房局對面開咗好幾間cafe喺執笠潮期間仲可以full house當然要入嚟一試係咪咁正(•̤̀ᵕ•̤́๑)✧ 英國保濕豬鞍（$128）呢個慢煮豬鞍比想像中出色切開熱氣噴出嚟嗰下(৹ᵒ̴̶̷᷄́ฅᵒ̴̶̷᷅৹）而且食落好juicy！不過放耐咗可能煎外層啲熱力滲咗入去肉質比一開始食嗰陣老咗至於配角Sour dough 就一定唔及平時喺其他西餐廳食到咁樣再鋪上浸咗糖嘅肉桂蘋果所以個包食落都腍哂✧ 香炸魷魚酥（$48，跟餐-$10）雖然冇寫到出嚟但係海苔味嘅炸漿食落減低咗少少油膩感🍙✧ Triple 岩鹽芝士奶蓋拉米蘇（$52，跟餐-$10）嚟到冇想食嘅巴斯克芝士蛋糕唯有轉叫Tiramisu啦食落唔差但本豬覺得唔夠咖啡苦味/酒味而面頭個cheese都唔夠順滑食落有啲沙感不過岩鹽奶蓋就拉返啲分both瀑布外表同味道咸咸地中和返tiramisu甜味幾正✧ 椰子糖（$45，跟餐-$10）Sorry to say喺椰子咖啡咁hit嘅呢個月呢杯真係mmd只係加咗少少椰絲令佢特別返少少咁解🥥另外咖啡係偏酸嗰type✧ 芝士開心果•大地（$45 ，跟餐-$10）BEST OF THE MEAL⭐️個開心果奶蓋非常特別⊂(˃̶͈̀ε ˂̶͈́

【大埔區】【Triple Cafe】大家見我呢排試咗咁多餐廳都應該替我開心啦下話，而今次講呢間我就唔使出錢嘅，因為同我同行嘅經理哥佢話請喎，咁我呢啲做細嘅又點會話拒絕咁唔畀面吖。呢餐係大家當下午茶咁食，佢話我之前成日帶佢食好嘢，所以佢要多謝我咁話，太客氣喇。咁我就睇吓啲 Tea Set 點啦，其實都冇乜點睇，反正我本身就已經唔太肚餓，就食吓啲甜品就算。我揀咗 $48 嘅「Triple 岩鹽芝士奶蓋提拉米蘇」，個 tiramisu 幾濃香，上菜嘅時候啲岩鹽芝士奶蓋爆到成隻碟都係，視覺效果好好。最緊要係味道都唔錯，掂嘅。嘢飲我飲 $35 嘅「芝士開心果、大地」，個芝士開心果好濃好正，勁邪惡嘅飲品，價錢係跟餐減咗 $10 嘅。而經理哥就食 $68 嘅「自選任意小食 (2款)」，佢揀雞皮餃子同松露薯條，飲就飲 $19 嘅「凍美式咖啡」，佢話都幾好。咁樣加埋一 $198，多謝經理哥。。。（地址：太和大埔太和路15號太和中心地下8號舖）#1amfoodie #foodie #hkfoodie #food #foodporn #instafood #foodphotography #foodstag