46
19
4
港铁尖沙咀/尖东站 B1 出口, 港铁尖沙咀/尖东站 N5 出口 继续阅读
所有分店 (4)
电话号码
28118951
营业时间
今日营业
10:00 - 22:30
星期一至日
10:00 - 22:30
付款方式
现金 支付宝 AlipayHK
其他资料
Wi-Fi
加一服务费
室外座位
当面支付
食记 (88)
K-11 嘅Tom n Toms好大间,平日夜晚去有好多位,环境唔错,人又唔多,几好feel~通常去Tom n Toms 都系食吐司🍞,今次见到有2款未见过嘅蛋糕🍰,即时点嚟试试。白色红莓乾果蛋糕($38)Berry White Cake卖相好靓❤️,白色嘅蛋糕上放上紫色花同红莓,颜色极为吸引。蛋糕气孔多,质感轻盈,加上红莓令蛋糕食落酸酸甜甜🍓,不错呢👍🏻。香芒辣椒布朗尼($38)Chill out Brownie 上层如果话系芒果,味道其实更似系热情果💛,下层系brownie🍫,置顶红色一条条嘅应该系辣椒乾,但食唔到有辣味🌶️。由於芒果层酸酸地,两者配合一齐食落唔会腻,味道唔错,不过如果brownie 可以再湿润d会更加好食😋。韩式热狗($40)Korean Style Hot Dog草根妹妹好中意食热狗🌭️,为嘅系中间条肠仔。呢个热狗特别在加上泡菜酸酸辣辣🌶,几开胃。肠仔粗身可惜唔系脆皮,个热狗包松软d会更好。整体唔算好特别,但味道都唔错。火腿芝士牛角包($28)Ham & Cheese Croissant牛角包🥐较普通,唔够牛油香,但焗得外层酥脆教番d分。火腿🐖同芝士🧀做馅唔会唔好食,算系正常水准啦! 继续阅读
(以上食记乃用户个人意见 , 并不代表OpenRice之观点。)
等级4 2018-10-01
1268 浏览
其实住嘅区内都有一间Tom N Toms Coffee,不过唔系太钟意其格局,所以比较少光顾,反而去得最多系尖沙咀店,皆因咖啡店位於商场内,有时等人、想hea时间都会黎。事隔一段时间终於有机会去旅游,打算搵个位计划下行程、饮杯野,假日下午茶时间都几多人,好在搵到个门口位坐。早餐都未食,点选左招牌吐司、韩式热狗同芝士牛角包,仲有两杯饮品,跟餐会有优惠价,所以先点埋。蜂蜜蒜泥吐司 $50、香蕉鲜奶 +$23/L吐司即制,蒜泥味香,加入牛油、芝士,烘到面包外脆内软,仲有少少蜂蜜,清甜不腻,食过几款都系觉得呢只最好食韩式热狗 $40、韩国柚子茶 +$18/L热狗卖相吸引,而且几大件,唧左热狗酱之余,仲加左泡菜。几种味道混合无违和感,热狗包属於比较扎实硬脆,好饱肚芝士火腿牛角包 $28份量比较大,轻轻烘过,芝士半溶、仲有两块火腿,口感唔脆了,但几酥,冇油淋淋。坐左个几钟,都冇倾到啲乜,挂住督电话,哈哈。 继续阅读
(以上食记乃用户个人意见 , 并不代表OpenRice之观点。)
等级4 2019-02-18
7 浏览
晚餐後一定要食埋甜点先算完满! 同事相约, 各自晚饭後再聚一聚倾下一个 Project.同事发现我未试过 Tom N Toms 既 Toast, 就话几饱都要试下, 因为每次都只系买杯饮品就走! Caramel Butter Toast 焦糖忌廉吐司 $55 ~ 我觉得硬左 d, 所以放一阵先食, 不过同事就话要趁脆食, 每人口味不同吧! 不过一致认为焦糖可以多 d! Green Mint Chocolate 薄荷朱古力 $38 ~ 味道偏淡, 薄荷味及朱力力味不足! Blue Lemonade 蓝色柠檬汤姆梳打 $36 ~ 酸酸甜甜, 味道好清新!  继续阅读
(以上食记乃用户个人意见 , 并不代表OpenRice之观点。)
等级1 2019-02-13
39 浏览
嗰日同个朋友去the one 睇戏,未够钟开场所以走咗去搵嘢饮,咁啱我朋友又话想食啲嘢,咁就去咗tom n toms食啲嘢。因为我朋友箍紧牙所以佢想叫咗个汤饮,佢叫个忌廉芦笋汤,点知个员工同佢讲要等45分钟。45分钟? Fine dining restaurant 都唔使等咁耐啦! 其实你唔想做可以话卖晒,好过讲啲唔合逻辑嘅嘢罗! OK我哋等!结果20分钟碗汤就到喇!吓?‘西兰花生粉水’?究竟知唔知咩系忌廉汤? 佢叫咗忌廉芦笋汤点解会系西兰花呢?商品与实物不符系咪可以告佢㗎?所以以後都唔会再帮衬佢! 继续阅读
(以上食记乃用户个人意见 , 并不代表OpenRice之观点。)
等级3 2019-02-09
44 浏览
第一次去Tom and Tom 喺黎TheOne ,之後每次都喺呢间,坐得好舒服,服务非常好,店员好nice 。对一个唔识饮咖啡嘅人黎讲,每间咖啡店都觉得差不多🤣叫左Iced latte and Hot cappuccino . 黑松露杂菌薄饼,饼底系脆薄嘅,D黑松露酱都好多,劲香黑松露味,面有足料芝士,啱哂我呢D芝士控!仲有一个蜜糖蒜蓉芝士吐司,又系芝士🤣面头有芝士,中间都夹住一片芝士,我个人最喜欢系又咸又甜嘅食物。🤪面包烘得外脆内软! 好好味! 继续阅读
(以上食记乃用户个人意见 , 并不代表OpenRice之观点。)