影片
电话号码
95094385
营业时间
今日营业
14:00 - 22:30
星期一
全日休息
星期二至四
14:00 - 22:00
星期五
14:00 - 22:30
星期六至日
13:00 - 23:00
以上资料只供参考，请与餐厅确认详情
趁天气仲冻，假日约了一行5人大家去BBQ，之前睇个fd介绍的TLC BBQ几正，一于去转，位置系大尾笃，烧烤圣地，都算方便，(至少比较识路先)，因为好多人，book定稳阵点。网上book，星期六日及假期每位$198，任食13:00-17:30(日间)，好充裕的时间，开炉费$80。烧烤场好大就梗，有瓦遮头最安心，渡唔洗晒唔怕落雨，因假日之下，越晏越多人BBQ。卖点系呢个烧烤枱，烧烤加打边炉一次过满足晒，围炉用餐，方便又有特色。场内亦有不少玩意啱晒小朋友。自在区，食物上真系几多选择，基本野必有，而且有多款口味，多款饮品任食(除左酒同标左价嘅)，仲要有埋咖啡，火锅汤料有3款，香蒜、沙嗲及四川麻辣，可自行调配。第一转已烧好多野~~好多野都想食~太耐冇BBQ。叉烧粒，香口惹味，果然系招牌货必食，追加。中间个火锅同渌下菜同菇等，有肉有菜。土匪鸡翼都好味。金沙骨惹味。牛扒都几好味。餐肉、鸭胸及猪柳都唔放过。仲要狂烧面包~蒜蓉牛油太正。烧菠萝系最好嘅甜品。烧牛油粟米扮以前嘅KFC。食物味道不俗，而且Refill得好快，下次有机再战。BBQ后散步(太饱要消化)，行去了龙尾滩，吹下海风睇日落。顺便回程。
继续阅读
今次黎到大埔繁星bbq撞岩落雨，所以好多游戏摊位都暂时冇开，但地方超大，适合一家大细带埋宠物来玩，喜欢玩球类活动都可以自己带球来玩，因为场地设有一个大草地，真系满足哂放电嘅朋友除左场地大，佢地食物选择种类都非常多。奈何因为人比较多，好多冲饮机饮品里面嘅野饮没有补充，而少了选择食物种类都多，都有好多肉类及蔬菜类除左烧野食，仲可以打边炉唔怕热气，又可以同一班朋友倾计慢慢食👍系下雨天比较麻烦，因为场地遮伞唔唔够，好多都会漏水，有机会湿身
继续阅读
呢间大榄BBQ真系超正！环境好舒服，坐得宽敞，户外空气一流，啱晒一班朋友或家庭聚会。食材选择超过70款，包括自家腌制牛仔骨、猪扒、泰式猪颈肉、咖喱鱿鱼、各式鸡翼、鱼、蔬菜同丸类，口味多元，肉质新鲜，烧完外脆内嫩，火锅汤底可自选沙嗲、麻辣或猪骨汤，啱晒打边炉控。甜品仲有自助刨冰、面包、窝夫、香蕉等，食完咸食再食甜品超满足！饮品任饮。全部新鲜又好味，烧完啖啖肉超满足，仲有面包同甜品做埋完美ending，CP值高，服务又有礼，真心推介！❤️
继续阅读
🧭TLCBBQ• 大埔🍴大埔大尾笃汀角路202号地舖夏日热辣辣，朋友话入大埔烧嘢食。衬住未到炎夏7/8月，就舍命陪君子去烧啦⋯（简直系爱啦哈利）💙去到环境几好 一入场俾钱，佢就会俾一set所需要既用具你，之后就可以系个场自由选择你想坐边度。所以就可以自己拣啲边小小位 唔洗咁焗。因为当日星期六都几full, 如果周围都起哂炉既话，都几热下。🥵🥵之后就入去拎野食，佢食物款式都几多下。而且每份都系独立包装，可以避免俾人不停拣黎拣去 掂哂哂。而且佢有啲腌料都几特别，系出面小啲食到。同埋佢居然系有西冷牛扒 同 牛肩胛，系无腌到，可以自己落盐/黑椒食，感觉好似西餐 自己煎，成件事高级左🥩呢度既特色就系中间有个小锅 可以俾你打边炉/煮面。食食下可以渌下啲菜 过一过口🤣即食面亦有福字面，出前一丁，韩国芝士面，韩国泡菜面，印尼捞面😛仼君选择😌而且饮品都系仼饮，有汽水之外，亦都有咖啡，白桃乌龙茶，柑桔柠檬🍋🍹🥤食到最尾，佢有刨冰自制，岩哂呢啲咁热既天气，佢有唔同配料同酱，可以自由配搭。一食落去 简直精神都返哂黎🤣呢度环境系舒服，啲野食都高质。而且佢出面有停车场🅿️ 都几推荐！重点佢厕所系独立座厕 干净光猛，因为附近好多都较污糟同得踎厕 实在无咁方便。呢样抵赞👍🏻#hongkong #hongkongfood #foodstagram #foodie #bbq #barbecue #familytime #香港#觅食 #香港美食 #新界 #大埔 #大尾笃 #烧烤 #草地 #仼食 #放题
继续阅读
之前见过社交媒体网站弹广告，见佢个炉几得意，又可以烧烤，又可以打边炉，咁就一心谂住试吓。点知原来系不幸嘅开始。首先book咗1830, 目测门口外有60几人等候，已经觉得奇怪。等到大约1845，先开始慢慢慢慢慢放人入去，其他客人都有少少鼓噪。排到接近门口，正准备要比钱嘅时候，个舖头跳晒制。。。。全场好似提早收舖咁样熄晒灯。唯独收银counter没有停电😌继续如常收钱有啲客要自行开手机灯，有啲摸黑攞嘢食好笑系职员完全没有惊恐，即代表习以为常🙂↔️收完钱之后，就好似你死你事咁架啦完全无人理你，带位定自己揾位，又无人讲。全部客黑暗中摸索，直头系一片混乱。到自己揾到枱，原来又要凭收据自行领取煮食用具和炉具。我第一次行去问女职员，佢话要收据。但我第二次出去，发现我同行嘅朋友又唔洗收据😑之后问职员攞多一只碟放食物，佢哋话每枱只有两只碟，即六人要共用两只碟☺️(隔离个哥哥话吹跌咗，个职员话：咁无架啦) 如果想继续做落去，个人认为宜家E班职员只系会赶客，态度唔差，但工作态度欠奉，零主动性。可以直头两个冰机都无晒冰，见到机底。我去问职员，职员系后场抬咗一包现成冰出嚟，然后表示冰机坏了。。。。重点系，抬咗一包，就完了，我后面有3,4个客人都需要冰🫢只可以用无奈嚟形容今次嘅经历，sorry直头系可笑。顺带一提，就算有消费，用佢个烂地停车场也要收费, 真系识做生意🤗
继续阅读
您可能会有兴趣的...