影片
与朋友相约长沙湾,随心经过嘅Cafe,被舒适悠闲嘅氛围吸引决定一试。由于时间尚早店内不算多人，可与朋友轻松交谈吃东西。食物选了海虾虾干意大利饭，呢个饭喺烹调时间已有浓浓的虾味，食落有惊喜，有香浓嘅虾味亦有海虾及虾干嘅不同口感，意大利饭亦系我喜欢嘅口感！呢个值得推介。另外点选了一个蟹肉泡菜多士。泡菜与蟹肉味道挺配合，蟹肉亦十分足料，多士亦香脆好味。之后再点了炸鱼配他他酱，即叫即炸系好味嘅。饮品方便，朋友叫了手冲咖啡，自己询问了解除咖啡有何饮品推介，咖啡师便特制了一杯特饮，据了解是混了柚子蜜奇异果嘅vodka ，入口清爽冰凉，淡淡的酒味，值得一试。
继续阅读
朋友推介呢间位于长沙湾既cafe，庆幸当天有好天气，而且野食相当高质。————————————————————————#海虾&虾干意大利饭 💰110因为open kitchen 关系，煮紧野食既时候已经闻到好香！上枱时见到有好多芝士碎喺面，呢个饭食落好香好饭，饭软硬适中，下次黎一定要再encore 佢！#蟹肉泡菜Toast 💰85 出面好少见cafe有蟹肉，而且份量仲好多！用既系sourdough toast ，烘到好脆。蟹肉同泡菜呢个配搭第一次试，估唔到出奇地夹，食落唔系好辣，唔食得辣既朋友可以试下挑战！#炸鱼配他他酱 💰50 呢度都有好几款既小食选择，价钱都好亲民，呢个一客有五条，size都几大，唔系hea你。#法式焦糖炖蛋 💰50 好开心喺cafe都食到呢款既甜品，食落好滑，不过如果唔想咁甜，可以试下叫staff落少啲糖先再烧。#特饮 呢杯野完全唔似酒！劲好饮，因为够甜易入口！加咗奇异果🥝、柚子蜜、同vodka 。 #咖啡价钱好平，white 先$35 ！可以睇下个靓仔拉咩花俾你😜平时去cafe都好贵价，有时啲野食仲好普通，好难得呢度有间好食又价钱亲民既cafe，住附近既街坊可以日日落去饮啡啊！🫡
继续阅读
长沙湾新开嘅cafe，开业未够一个月，已经第二次到访，值得写一下食评😋先讲吓环境，小店位于李郑屋邨对面嘅转角位，环境都几舒服，尤其今日有好天气，望住条街饮嘢都几舒服！不过台面比较细，几个朋友想share嘢食可以坐 Bar台会方便啲😌今次同朋友试咗个3ways prawn risotto同鱼手指，个Risotto用咗虾、虾干同虾汁煮成，因为系即煮，未上台已经闻到好香虾嘅味，食落材料都好丰富，有虾嘅爽口同虾干嘅咸香，好味！鱼手指都系即刻炸，好够热，份量亦都几好！饮品方面，今次试咗有酒精嘅特饮同手冲咖啡特饮系店员特别推荐嘅饮品，未放入menu，有柚子、奇异果同Vodka，饮起上嚟好清新，喜欢酒精嘅朋友可以问吓店员有咩推荐😆今次试咗手冲啡，酸同苦味都好平衡，听店员讲，店舖嘅咖啡豆由本地嘅小店烘焙嘅，钟意饮嘅现场都有咖啡豆可以买，佢哋嘅blend豆个名仲好得意（唔记得影低🙈），系叫井栏树同大坳门，好特别，下次可以买返去试吓🤣呢两次都未有机会试甜品，下次要再嚟试吓！
继续阅读
对于新餐厅通常有少少保留，但完成工作之后实在太肚饿，行经见到佢打开晒落地门窗几chill咁，就决定试试。点咗热Mocha同烤南瓜牛油果沙律，因为坐喺对街嘅Bar台，望住对面就系李郑屋公园嘅大树，加埋今日有少少蓝天，好舒服。热Mocha先来，饮咗两啖先醒起未影相（哈哈）。入口好顺滑，朱古力味浓得嚟唔甜，亦冇抢咖啡个味，好惊喜㖞！八卦问下咖啡师哥哥，原来佢哋揾咗一间本地小型炒豆厂帮佢哋炒豆，仲可以买豆返去手冲，可惜我唔识……好快沙律都到，份量嚟讲CP值算几高。南瓜微微暖，好够甜，如果再烤香啲就仲正。临走见到后面台有客带住两只鹦鹉嚟，舖头都好欢迎，然后先见到有个Tiramisu卖相好吸引，可惜赶住下场，下次再嚟试啦！
继续阅读