影片
开饭介绍
在1998年12月, Stonegrill 这个健康而创新的煮食方法正式登陆香港。在短短时间内，The Stonegrill已在拥有多种美食文化的香港占一席位。除了尖沙咀店外，很快就可到铜锣湾新店一尝各重美味的美食了。
继续阅读
营业时间
星期一至日
12:00 - 00:00
以上资料只供参考，请与餐厅确认详情
招牌菜
相关文章
今日帮个friend庆祝生日佢亦成日讲好想黎呢度食野，所以早几日就订左位先，所以都唔驶等。沙律全部蔬菜材料都好新鲜、个汁酸酸地好开胃食落非常爽口好正。最吸引我当然系首选石烧美国上等牛肩扒、煮得岩岩好！牛身咬落软熟，肉汁亦多有油脂香、个汁又配得好味。一句讲哂好好味呀！羊架烧到非常香、唔会「UN」又煎得好香脆、 而且味道调配得几好值得一赞！
继续阅读
以前经过石烧，晏昼还是夜晚都好，都唔太多客人，因为依度一餐饭价钱唔平，但近年经过，就好唔同，多咗好多客，除经济好番之外，做紧嘅Citibank推广套餐功不可抹，加埋一都系百松少少就有一个石烧午餐，真系好吸引，尤其好似我哋依类唔系吓吓食得起贵嘢嘅人，咁著数更系唔放过哩D难得嘅机会啦！加上系石烧，啱晒我贪新鲜，又贪便宜嘅港人心态，哈哈！先哩一小篮意大利香草包，唔系好够暖，但非常松软，幽幽香草味，配埋个西兰花忌廉汤，几OK㖞，汤唔算滑溜，但西兰花味够浓！主菜系石烧美国上等牛肩扒，两件牛肩扒放晌块火辣辣嘅石板，「滋滋」声咁晌，甚有动感。石烧好玩在你想七成熟又得，五成熟都得，得咗！不过，个侍应教咗点烧，到自己试吓嘅时候，又唔系咁得心应手，最弊系D肉一开始已放咗晌石板度，无其他地方可放，所以，点都有一部份位置一路烧住，唔可以慢慢烧慢慢叹，要谂吓计改善！除非佢哋系想D客快手快脚食完件扒啦！讲番件扒，我就钟意生D，所以切成一粒粒，「辣」均六面再烧多阵，就醮D黑椒汁哩食，真系几软腍，几有肉味，间场又可以烧少少配菜食！不过好得意，个餐包饮品，但又会有一小杯橙汁俾你，无问用意何在，但食住件扒，饮吓杯鲜橙汁，感觉上好似减低咗食扒个种油腻感。临尾，到甜品时间，系Haagen-Dazs云喱拿雪糕（可惜味道系无得拣），卖相有D麻麻，一来个雪糕球颇细，但又配只好大嘅碟，唔多衬；其次，哩到有D溶溶哋。咖啡就好香浓，带少许酸，为哩餐晏仔作个好结局！ 虽然以前未帮衬过，依次系第一次，个信用卡套餐又平咗好多，但觉得无论服务同食物质素都无话打咗折，一样咁好！因为主菜上枱时，除咗叫我哋留心块石板好热之外，亦简单讲解烧几耐就有几多成熟嘅效果，依两样嘢都预咗佢应该要做嘅服务。我哋三个人俾一篮得四片嘅香草包，所以就问可唔可以要多一两块香草包时，佢唔会俾面色之余，好快送到，仲要系俾过一篮新嘅添！论环境，其实坐倚、灯光都令人好悠闲，好轻松，枱凳晌摆位方面又唔算逼，晌枱面又放咗几个精致嘅调味樽，D汤碗、杯碟色泽几柔和，整体都令人觉得几舒服，所以我哋边食边倾偈都坐咗成两个钟。
继续阅读
女友生日，想请她去较高级的餐厅吃饭，于是选了Stone Grill。是日星期一晚，人不多，但油烟味不少。因为想试不同食物，所以点了两客可选三款不同食物的set dinner。前菜有几款面包和洋葱汤。特别喜欢有rosemary的面包，很香口。稀有的洋葱汤亦做得很好，对于无汤不欢的我来说，难得喝到已相当不错。两客主菜很丰富，有安格斯牛柳、美国牛柳、羊架、剑鱼和珍宝蘑菇，还有煮茄子和烚薯仔作为配菜。食物在400度的火山石上吱吱作响，我们急忙地翻弄、搬运食物上碟，虽然DIY的过程挺好玩，可惜有些食物已overdone。我最欣赏珍宝蘑菇，喜欢它厚肉地，而且十分juicy。
继续阅读
一直都想试下Stonegrill的石烧午餐, 贪佢可以用citibank credit card 抵食得多. 今次终于有机会一试...坐低后侍应送上餐牌, 除了citibank的优惠lunch外, 仲有其他lunch set选择...但我同男友仔为左悭悭地, 所以点了两set citibank的精选石烧午餐. 侍应同我地讲原来用其他咭都同样可以使用呢个优惠...咁又唔错㖞呢个set其实都几丰富呢..... 橙汁橙汁几鲜甜, 酸酸地, 几开胃. 餐前面包, 好软熟, 而且暖笠笠, 加上醋同槛榄油, 实属开胃 香浓蘑菇忌廉汤忌廉汤有好香浓既蘑菇味, 而且不会过杰. 本来对蘑菇汤无太大好感既我都KO左成碗呢!! 石烧美国牛小柳配珍宝大菇本来我俩以为份量好少, 但又出奇地OK㖞! 上枱时牛小柳大概只有两至三成熟, 侍应先介绍一下最佳既食用方法后, 我地开始自己慢慢将牛小柳放O系石板上烧熟. 侍应话如果要七成熟的话, 大约烧两分钟, 如果八成熟就要烧三分钟. 对于第一次食石烧的我俩, 当然既新鲜且好玩啦! 话咁快已经烧好一件牛柳, 开始烧珍宝菇, 菇既底部本来已经系黑色, 加上可以生食, 所以只系烧左一阵就食喇.... 牛柳好淋而且好有牛味, 加上牛肉本来无落盐同黑椒, 所以味道可以自己调较. 而菇本身都有一点点水份, 加上伴碟的烧汁几惹味! 配菜薯仔放在石板上烧一会先食口感更佳, 因为薯仔表面可烧得香脆, 里面就软林林, 好好味呢!!纽约芝士饼芝士饼本身够实, 味道不会过甜, 芝士味浓郁! 可惜饼底唔够实! 伴碟的士多啤梨虽然细粒, 但非常清甜. 几钟意的一客甜品!! 饮品热柠茶/冻柠茶都不过不失. 服务方面都几周到, 侍应于送主菜上枱时都会问食客之前有无食过, 如果无的话就会好细仔地介绍一下食法. 另外, 每送上一款食物前都会清理好枱面上的东东..... 服务态度良好...唯一唔好的, 就系个SET本来只系129蚊, 加埋一理应系142蚊左右, 但系加一收费系以个SET原价黎计的...呢样佢会写明就有少少取巧吧!整体黎讲, 成个LUNCH都食得好开心, 舒服, 而且食物质素中上! 下次可以黎试下晚餐呢!
继续阅读
咁大个仔都真系未去过海港城吃野！第一次去就系因为兴祝朋友求婚成功知道佢地求婚的餐厅就系呢度， 一于同佢地一pair连埋自己女朋友去吃假期期间个午餐贵过平时少少但同时多左甜品的自助bar台！我个朋友话平时食，款式少d的！一坐低就自己可以拿木碟去bar台拿野吃！最钟意吃佢的烟三文鱼！好正呀！女朋友就一黎就去拿甜品，俾我笑佢！但d芝士蛋糕都好有水准！虽然佢切得好细，哈，但任吃的自助bar台，切得细又冇咩野所谓我地2个都order左8安士牛柳！超好吃！自己烧又可以控制到个火喉吃完个牛，即时对高级牛肉产生不能自拔的魔咒（完全可能只系个人草根出身，未吃过好野）同埋个待应哥哥，行过来教果下，真系觉得好好笑！未试过去餐厅吃野系俾人教的！最抵的系，原来100元就可以入会︿入左会之后，就可以午餐三送一！超正！即时大家减晒价！成个餐吃左接近3个钟，坐得好舒服咁就过左一个下午！真系正！
继续阅读