影片
港铁太子站 A 出口, 步行约1分钟
继续阅读
电话号码
57146642
开饭介绍
木系怀旧风打卡cafe，供应一系列和洋料理和甜品，亦不时推出期间限定菜品，是休闲聚餐的好地方。
继续阅读
营业时间
今日营业
12:00 - 22:00
星期一至六
12:00 - 22:00
星期日
12:00 - 18:00
以上资料只供参考，请与餐厅确认详情
有关奖赏计划
同旧同事聚旧，拣咗The Site Café，地方唔大但气氛舒服，木系装潢加柔和灯光，成个环境好relax，倾偈一流。#蟹肉牛油果他他口感细滑，蟹肉鲜甜，味道有层次。#白酒龙虾汁青口够浓郁，海鲜味突出。#封门柳牛味香浓，肉质嫩滑，配埋香脆薯条，超满足。#明太子蟹肉忌廉意粉忌廉浓郁但唔腻，咸香明太子提升味道，每啖都食到蟹肉，口感丰富。#忌廉带子海鲜饭的带子肥美鲜甜，海鲜忌廉酱汁挂饭度好，每粒饭都充满鲜味。#Tiramisu咖啡味够，Mascarpone芝士顺滑，酒香平衡，唔会太甜，食完想再尝。#巴马火腿田园沙律生菜爽脆，Parma ham咸香浓郁，清新又解腻。#手工啤Dunkel麦香十足，入口顺滑；Old Blood焦糖香气带点甘苦，配牛扒或者海鲜饭好夹。#ICE冰摇水蜜桃茶果香清新，冰凉爽口，食完主菜饮一啖，特别舒服。食物有心思，环境轻松，系聚旧同品味美食嘅好地方。The Site 📍西洋菜北街161号地下A号舖
继续阅读
今晚约咗两位旧同事聚旧，The Site Café虽然地方唔算大，但气氛温馨又有格调，英式木系风格，加上柔和灯光，环境令人非常放松，啱晒倾计Catch up！🌿📸🦀 蟹肉牛油果他他 & 白酒龙虾汁青口前菜已经令人惊喜，牛油果 滑溜绵密，搭配鲜甜蟹肉，每啖都充满层次感。白酒龙虾汁青口亦 味道浓郁，海鲜鲜味突出，轻轻一啖已经令人回味无穷。💛✨ 🥩 封门柳配薯菜呢款招牌菜果然名不虚传，牛味 超浓郁，肉质嫩滑，油脂适中，每口都满足感爆棚。薯条 炸得香脆，完全唔油腻，配埋封门柳一齐食，简直系完美搭配💯🍝 明太子蟹肉忌廉意粉意粉挂汁度刚刚好，忌廉浓厚得嚟又唔会腻，配上明太子嘅咸香，仲有啖啖蟹肉， 口感丰富，每一口都令人幸福感爆升🥰 🍛 忌廉带子海鲜饭带子 肥美鲜甜，海鲜忌廉酱汁挂饭度极佳，令每粒饭都充满鲜味，每一口都充满满足感！🌊🍛 🍰 Tiramisu甜品控必试！咖啡味浓郁，Mascarpone芝士细腻顺滑，酒香刚刚好，唔会过重但又够突出，甜度适中，令我一试爱上🍮💖 🥗 巴马火腿田园沙律爽脆生菜衬托住Parma ham，加上简单而出色嘅酱汁，好清新又解腻，非常适合作为前菜或者配搭主菜🥗😋 🍺 手工啤 Dunkel & Old Blood（德式拉格黑啤）Dunkel手工啤酒 麦香浓郁，入口顺滑，而 Old Blood更加系惊喜之作，焦糖香气带点甘苦尾韵，搭配牛扒或者海鲜饭一流 pairing🍻🤩 🧋 ICE冰摇水蜜桃茶果香超清新，冰凉爽口，食完重口味主菜后饮返一啖，非常解腻🍑❄️
继续阅读
呢间Cafe已经食咗好多次💕啲嘢食唔错，环境都几啱同啲闺蜜吹水👯♀️明太子忌廉蟹肉意粉（$98），浓郁忌廉味，配搭明太子咸香，仲有啲蟹籽点缀，绵绵蟹肉，口感丰富！😍虎虾龙虾汁意粉（$122），龙虾汁浓厚😋，虎虾都弹牙，但系意粉就有啲硬～杂锦小食拼盘（$88），炸物爱好者必点，有洋葱圈、八爪鱼粒、春卷、芝士条多种选择，相当香口😙Matcha Latte（$55），拉花好靓，味道正常发挥～～
继续阅读
黎过呢间野n咁多次，野食味道唔错。今次book咗位留咗枱，去到我哋张枱本身摆咗Reserved牌，一坐底发现张枱劲多食物残渣碎。叫职员清洁，佢一手拎块啱啱正在清洁另一张枱途中既布，另一手揸住支喷雾剂（唔知系咩，因为冇喷过，喷咗都未必知）。* 职员身穿黑色短Tee然后就咁用𠮶块布拨走+扫走啲食物碎落自己另一只仲揸住喷雾剂既手中。即系啲污糟食物碎其实同佢手中支喷雾剂系沟埋一齐。黑人问号？？？然后，如上述所言，完全冇喷过任何清洁剂喺枱面或者再用干净布抹一次，就快速离开。完全冇任何藉口，上一手离开到我哋到达时，因为我哋冇见过上手客人，明显完全有足够空间时间做基本卫生清洁，合理推断有人事前完全冇抹枱直接摆Reserved牌。另外，佢清洁完另一张枱之后，都起码十几二十分钟𠮶张枱系吉，完全并非繁忙时间赶住清洁、赶住交枱俾新客人既情况，唔好用咩一时疏忽唔小心做藉口。就算更赶急，基本清洁要做就系要做，更何况冇人急，系职员做野求其态度敷衍。做饮食业，茶餐厅又好，酒店高级中菜厅都好，保持卫生清洁系其中一个基本。更何况卖点系叹住野饮同朋友相聚闲聊既Cafe?请问对住成枱上一手既食物碎心情会如何？如果基本卫生都欠奉，唔想做足饮食业本份，麻烦唔好出黎开业害人。系香港市道差定系餐厅基本野都欠奉，麻烦反思一下。好食系基本，卫生干净更加系基本中既基本。就连茶餐厅职员都识得清理完污糟野后，再揾干净布抹枱，请问呢个cafe职员有咩藉口？老板有咩藉口唔带头监督管理员工？指出你既错误不足，系希望俾机会你会改善。唔俾机会/冇得救既，就直接冇下次。
继续阅读
有时太懒唔想煮，想出去食肉🤪今次嚟到呢间喺太子最多好嘢食嘅区域，食封门柳🤩🥩 比想像中多，牛一摊冻就会影响质量，影咗两张相马上要开动。肉味浓，够松软😋 配牛油果无得输，超健康🥰 如果沙律可以另上醋就会更好，稍为干咗啲😗🍰开心果巴克斯蛋糕，外层焗得觉得几香，开心果同芝算系平衡，唔会好甜，食得过😆☕️Flat White，超nutty，入口偏厚身👍🏻整体系胡桃木系装修，估唔到平日午饭过后都咁多人，book咗位要等多阵😳 影唔到有个窿嘅座位环境带有小小vintage，都几舒服😌店长系好有心，餐厅系教会嘅弟兄姊妹一齐开🫶🏼 佢哋有时会出动探访，亦会请有需要嘅人，原来佢哋都有 #到会 服务能分享爱，必须大力支持🤝 食物咁高质，又有生酮餐单可以拣，一定会回访😁
继续阅读