影片
食家推介
Book咗2间房staycation包咗4个人夜晚自助餐，登记时已讲明有小朋友，到食自助餐，餐厅经理态度劲恶、又晦气话我无同佢讲，所以安排唔到，要等全部人入哂，当时全场只有几个人，都话要等埋其他人嚟入哂先可以安排，如果我无同前台讲，我贴钱俾你闹无所谓，但一开始就已表明，有大枱都唔肯俾，最后变咗拆散坐，食到19点30分张枱先有人入，但当时野食已经无refill，第一次食buffet要自己亲手挖雪糕，仲要见底无人换，挖雪糕期间，又见到另一个女客人闹个衰经理态度差，我就唔会再去食，连热食都系冻，贴钱买难受。
继续阅读
因为屋企人生日所以谂住齐齐去食自助餐，于是上网揾咗间近近地嘅，睇食评好似都唔错，又系酒店内嘅餐厅，应该有一定水准，就打电话过去订好位，结果去到门口都入唔到，职员话唔接受纸本针卡，就算话俾佢哋对埋身份证都话唔得，一定要将针卡放入安心出行先可以放行，话系公司规定，实在无奈，政府话可以用嘅纸本针卡，去到酒店竟然话唔用得，虽然我都有听过有餐厅唔俾用纸本，但今次亲身经历，真系超无语，我自己几日前先同同事去咗其他酒店食完，都冇被拒门外，估唔到今次会咁，结果唯有去第二间食，好可惜试唔到！
继续阅读
第一次黎悦品食半自助午餐，一定要订位，因为staycation客好多，好难book位！前菜/甜品之类既野好少，味道亦无咩特别，反而想讲下果2个主菜，竟然有意外惊喜焗猪手配蜜糖芥末汁伴薯蓉个猪手好大只，皮好脆，肉又嫩滑，个薯蓉都好香滑值得一试吉列鲭鱼配蟹籽蛋黄酱伴薯蓉鲭鱼炸到好松脆，配埋蛋黄酱，非常夹，如果可以再多啲酱就好啦有沙律吧，饮品同甜品，一个餐大约都只系$150蚊，食物质素又好好，轻轻松松hea食个lunch，呢到都系一个好选择！
继续阅读
去咗呢间酒店staycation，当然要试埋佢个半自助晚餐，可能平日关系，人不多，半自助餐由晚上6点至9点，食足3粒钟，六点钟去到餐厅，冇乜人，餐厅环境都唔错，光线充足，入座率只有一成，一个钟后陆陆续续有客人到，差唔多已经坐满一半人以上。坐低冇几耐职员就走过嚟叫我哋可以出去攞嘢食，服务态度唔错，于是急不及待出去攞沙律菜，沙律菜都好新鲜，有生果，薯仔粒，沙律长通粉，真心觉得唔错👍海鲜有三种虾，蚬同青口，，虾虽然细只，但好新鲜，好味🤩其他两样海鲜就普普通通冇乜特别，主菜叫左2份精选牛扒配焗芝士薯蓉，一份叫左5成熟，另外一份系7成熟，牛扒上枱卖相唔错，好软淋兼够哂juice，正😜甜品都有唔少选择，有芒果慕丝蛋糕，提拉米苏，面包蛋糕，自制班戟，重有几款唔同味道马卡龙，七彩啫喱糖，当然唔少得雪糕🤩可惜实在太饱无试到面包蛋糕😪汤有两款，一款磨菇忌廉汤，另外一款中汤系花旗参红萝卜汤，直心好饮👍饮品有好多种类，包括橙汁，自制冻柠檬茶或者热嘅柠檬茶任君选择，冰红茶，鲜奶及咖啡等等，仲系无限量供应，生果就无乜选择，得哈蜜瓜一种，不过就好清甜。总结以甘样食物质素绝对系对得住价钱，极力推介👍👍
继续阅读
🍽🍽🍽🍽🍽🍽🍽🍽🍽🍽🍽🍽Semi-buffet Dinner-烧牛西冷配红酒烧汁、焗薯饼及时蔬 $228-香煎石班鱼柳配薯蓉、根菜、柠檬牛油汁 $208🍽🍽🍽🍽🍽🍽🍽🍽🍽🍽🍽🍽🔼悦品天秀酒店Semi-buffet Dinner 第一次食，又几唔错，装修有情调，椅与枱之间距离隔得远，系舒服嘅用餐时光🔼主菜叫咗烧牛西冷同石班鱼柳，摆盘靓，啱晒相机食先，西冷软腍唔干身，无咩筋位，啖啖肉。 石班鱼柳清新之选，无骨可以放心大口食🔼出面自助沙律吧有一个位系同咗素肉品牌合作，每日有4款以素食为主题嘅小食，我今日食咗素牛肉薄饼、英式炸素肉扒三文治、墨西哥辣素牛肉酱配香脆多士、越式素猪肉碎粉丝😌 口感同味道确实好真，一啲都唔似系假肉😳 另外卖相present 出黎都系吸引，为咗呢个素食吧位，我觉得我会再嚟，而且低碳饮食，食少叽动物产品点都对环境好啲嘛😝🔼同场仲有中、西汤、大量甜品同任食雪糕😚雪糕有好多味，最like 系波萝椰子，波萝味清新香重，同椰子味出奇地夹，系新奇嘅味道🔼埋单4百几
继续阅读