The Pit Juice

营业中

休息中

我相當肚餓 正常應該食咩都覺得好味但係呢間嘢真係垃圾到極致未食嗰間咖喱完全冇咖喱味 係完全無阿！！剩係得辣味 仲要係死辣佢淨係可以係數碼港生存冇咩特別真係唔建議再食人哋隔籬嗰間韓國嘢價錢差唔多所以唔好再話呢間平靚正！！！！

戲院重開，終於可以去睇早場。同屋企人睇完戲立即覺得肚餓，決定喺數碼港搵食，不過由於時間太早關係，所以選擇唔多，向food court進發。可能由於未有好多人，所以唔駛等好耐，而且咁嘅價錢真係收貨。黃金雞扒蛋飯 $42好快就有，雞扒好香脆，雞蛋又煎到有脆邊，加埋豉油成件事真係好式！日式咖喱豬扒焗飯 $55即叫即製，焗飯相比之下需要多啲時間，呢個自選芝士焗飯可以揀醬汁同主菜，焗到熱辣辣，不過略嫌咖喱味唔夠重，可以再濃味啲。薏米水係店子自家煲，唔會好甜，又有咬口。

價錢ok 出餐都快 唔夠食老細仲好肯加飯焗飯應該即叫即做 而且都叫足料有時番工食飯想坐多陣老細都唔會趕走 係數碼港想以平民價坐低抖下都叫做唔錯會再幫襯 但希望款式再多元化啲

應該有10年冇去過數碼港食野, 星期日和女兒去數碼港遊玩,  見到這間Food court小店, 叫了一個滷水大雞脾飯, 加$8元要多肉燥, 等了5分鐘, 來到見到好似幾好食, 但飯有些硬, 應該放了一斷時間, 而肉燥就完全冇味, 如果你食過其他地方 (如茶木等台灣菜) 肉燥的話, 大既會知道肉燥的味道, 但這裹的肉燥居然是冇味的,  好干; 最後我沒有吃到肉燥, 反而滷水雞脾味道可以,  滷水汁有些义燒汁的味道, 應該是加了些酒去煮, 老板態度好似吾想做咁, 難得可以在數碼港生存咁多年?

一係呢就等超耐，一係就比錯嘢食。今日叫左個頹飯，滷蛋滷肉飯加奶茶，啲飯竟然係未煮熟，硬掘掘！就算佢減價都好，我都吾會再幫親佢哋。啲飯根本係入唔到口，大家吾好貪平中伏。

係cyberport 做野，第一次諗住試下喇，叫個焗飯外賣，等左我30分鐘。味道就係小店味道，50蚊唔會期望太多，叫做過得去喇。如果得一個鐘食飯時間，想試呢間舖，請認真考慮。

今次嚟到The Pit Juice搵食！難得嚟到南區～就決定去我未去過嘅數碼港～見到有鮮搾果汁店就試吓啦！木瓜奶 （$32）感覺似雪泡多過奶～但木瓜應該比例都唔少～有實在嘅木瓜味！另外就係唔夠凍～有待改善。菠蘿+青瓜+梨（$29）本來想叫菠蘿+梨～但店主推介加青瓜～店主已經幫忙減少青瓜份量～但青瓜味依然太濃～蓋過了菠蘿同梨嘅味道而且飲落有澀味～不過的確有refresh嘅感覺！店家主張全以天然生果搾出～但各比例可能還需改善呢～