影片
港铁九龙塘站 C2 出口, 港铁九龙塘站 H 出口
继续阅读
电话号码
59107826
营业时间
今日营业
11:00 - 20:30
星期一至日
11:00 - 20:30
以上资料只供参考，请与餐厅确认详情
点解小店从来都好难成功，唔系因为俾人打压，而系因为冇系统、求其是但、员工唔努力亦都冇用心。Cappuccino: 普通机冲咖啡粉咖啡，冇奶味冇咖啡味都算，点会系充满胶味嘅纸杯装俾我？水煮千层面： 恐怖到好似煮咗一兜啡色嘅粥俾我咁，佢仲可以上枱𠮶下我都觉得夸张。本来都谂住就咁食咗佢算数，因为太肚饿。但系𠮶两啖之后真系过唔到自己，取消咗。灰到相都冇时间、亦都费事影你哋，因为净系等呢堆不知所谓嘅一pat 面嘢都等咗好耐用咗好多时间。严重图文不符。既然你哋都认咗错，唔好意思上咗𠮶兜面，都唔识做一下free我杯$45咖啡。唔识做生意真系唔识。
继续阅读
今日好嘢，lunch有me time又有多少少时间，过咗嚟又一城食嘢。见到呢间喺salon附近，嘅Cafe呢段时间又唔迫，静静地环境好舒服。睇完Menu觉得都唔错，揾到想食咩，就行左入去。我叫咗一个海鲜意粉，有cheese Ham仲有面包嘅前菜，仲有一杯Cappuccino。因为一餐我一次过食唔到咁多嘢关系，所以杯Cappuccino用咗外卖杯可以带返去饮唔好嘥。呢间食物质素好好，而且又可以打卡，最紧要嘅系好食之余仲系够饱㗎。下次同朋友嚟两个人喺度慢慢倾倾偈饮咖啡都几好。
继续阅读
自从转工以后午餐的选择变得非常少（怀念那些年可以吃遍弥敦道），偶尔也想吃点别的当午餐的我，奢侈的来到距离公司十数分钟车程的大型商场，最后决定在一家发型屋内好好享受午餐红酒炖牛肋条配松露薯蓉及法式面包 $138（随餐免费奉送前菜及饮品）这天到访并没有太饿，就选了这款份量不太多的套餐～ 前菜随餐供应可选是日浓汤或沙律，也可以加钱喝龙虾汤，不过这天就选了是日的蕃茄浓汤！蕃茄味道浓稠，旁边更会送上幼饼干条蘸著吃，咸咸的饼干条伴蕃茄浓汤很配呢～ 另一款随餐奉送的就是白桃茶！带白桃香气但不会太甜的也带茶的甘涩味道，可惜没有热饮供应，天冷时如有热饮会比较好来到主菜了！红酒炖牛肋条甫上菜就散发著红酒的香气，牛肋条份量蛮多，牛味浓郁而且炆得腍滑入味；松露薯蓉入口柔软，带有小伙粒的薯仔粒增加口感，散发著浓厚松露香气但不会有太多调味，配味道偏浓的牛肋条吃很搭，再配上法式面包吃的话无论是味道、口感跟层次都很丰富！没想到几款的都是比想像中好吃啊店家这种以「发型屋 x 咖啡店」一同经营的概念在香港算少数，但近年数量开始变多起来，对陪伴伴侣或朋友剪发的人来说真的很好；当然也是可以直接到访咖啡店来试试手艺啦！这店的位置虽然在大型商场内但位置不是在人气集中的区域，加上咖啡店完美隐身在发型屋内会令人难以察觉；座位方面大约只有十多个，咖啡店的部分空间不大，名乎其实是一间小店来～ 也因此有种旺中带静的感觉，非常适合静静用餐呢！也因为是小店的关系餐点种类也会有规范没有太多的选择，午餐来说就主要以面包为中心，只有少部份面食，所以想吃意粉的选择就只有一两款啊
继续阅读
约对新人去又一城，倾佢地bigday影相事宜，我黎到又一城就揾地方先坐，见呢间环境几好，又冇乜人，就入去坐。对新人一阵就过到黎，我地就叫啲野食，一路食一路倾。叫左烟三文鱼凯撒沙律，伊比利亚猪架，芝士焗小龙虾三文鱼配松露薯蓉，同埋菜汤配法式包。汤香味浓，份量几足，法包脆而唔硬（真系试过有啲餐厅既法包硬过石头😅😅）唔错👍凯撒沙律啲菜新鲜，上面加左芝士同面包粒，三文鱼亦新鲜，有阵烟薰味，好食👍芝士焗小龙虾三文鱼，黎到就知系即焗，热辣辣，香气扑鼻，小龙虾碌哂壳，食落冇腥味，我呢啲唔多食海鲜既都食唔停口，啲薯蓉唔系用粉沟既，（侍应话系自家制薯仔磨蓉）掂👍👍👍伊比利亚猪架黎𠮶阵已经闻到肉香，切开摆落口，煮得好淋，易咬唔韧，猪肉味香。配菜又系有薯蓉，手磨同沟粉真系唔同味，个人心水推荐👍👍👍另外我叫左杯即磨泡沫咖啡，拉埋花比我，咖啡香好醒神，味浓而小酸味，好饮👍ps:我入去前冇客，坐低叫左野食就好多客，睇黎我都几旺场😈😈
继续阅读
又一城一齐比我嘅印象都系「嚟嚟去去」得𠮶几间好食/抵食，所以嚟亲都觉得无咩选择。朋友话之前食过间既好味又有卡打嘅餐厅，揾咗一阵，原来间餐厅座落于Salon，因为装修风格都几融为一体，所以之前一直都留意唔到LOL一入到嚟，呢一面就系餐厅落单嘅地方。因为唔系太肚饿，谂住食d轻食，点知样样都好似几靓又几好味咁，结果就精选咗3碟嚟食。纯粹好想食炸鸡+见到有黑松露薯条就好想叫。炸鸡原本以为系普通嘢啦，点知食落有惊喜！点解可以外脆内嫩！系「嫩」炸到啱啱好，同埋唔点酱都有味。不过我重口味，点埋松露酱，味道更上一层楼。而薯条，就用嚟睇间餐厅抵唔抵食。厨师无吝啬d松露粉同埋薯条系即炸呢一点，足以令我下次再嚟encore！再嚟我叫咗个「龙虾热狗」，虽然睇返menu有个靓d嘅名嘅Lobster Roll坦白讲，睇唔出点解叫Roll，但名唔系最重要，重要系呢碟嘢睇得又食得！满满嘅龙虾肉，再附上鱼子酱铺满咗个面….同埋中间！呢个真心推介！最后，仲有个side叫咗个薯蓉。朋友仔话睇menu好似龙虾抵食d，我地就叫咗个「龙虾薯蓉」。（餐牌好似有另一个名，但我忘记咗，不过正常应该揾到）个薯蓉系焗出嚟嘅，面到有满满嘅芝士同龙虾粒。近睇是咁的。原本以为龙虾仅限个面啦，点知食落原来内含龙虾！但张相影得太唔靓，大家有机会自己去试下。不过以我多年食薯蓉嘅经验，呢个薯蓉同我平时食开嘅好唔同，唔知点解特别滑，同埋唔似粉开𠮶种，似系去欧洲/本地高级餐厅用真薯仔造嘅薯蓉。成件事即刻劲抵食！我地仲叫咗杯茶同咖啡嚟饮。我杯茶算系中上品，而朋友仔杯Cappuccino，朋友大赞个咖啡底有料！下次经开可以再饮，而唔再去隔离d连锁咖啡店（虽然比连锁贵少少，但好饮好多咁话）。下次有机会再嚟试埋其他款式先！
继续阅读