117
50
30
港铁九龙站 C1/ D1 出口, 港铁柯士甸站 B5 出口
继续阅读
开饭介绍
环境雅致,装潢简约时尚,给你休闲用餐的感觉。以农场直送的新鲜食材,烹调无味精现代台湾菜,并供应一系列经典的台式饮品和甜点。
继续阅读
营业时间
星期一至日
11:30 - 22:00
以上资料只供参考,请与餐厅确认详情
食家推介
餐厅环境雅致,装潢简约时尚,给大家休闲用餐的感觉,可在那样舒适的氛围下体验最地道及正宗的台湾风味提供多元化的台湾地道美馔,包括金牌小笼包、招牌牛肉面及古早鲁肉饭等以农场直送的新鲜食材,烹调无味精现代台湾菜,并供应一系列经典的台式饮品和甜点。食品方面:灌汤牛肉煎饼 : 香脆的馒头中系热辣辣的汤汁及牛肉馅料,咬开时肉汁四溅,惹味的煎饼红油炒手 : 皮薄馅靓,淋上惹味香辣油,使你一次过感受到甜、咸及辛的味道香酥鸡扒面 : 鸡扒炸得香脆,鸡汤拉面美味鲁肉芋角酥 : 酥皮炸得香脆,馅料充满鲁肉及芋泥,味道感觉新鲜黑松露蛋黄酥 : 蛋黄酥皮鸡蛋味香,馅料的黑松露酱味道非常浓郁,非常惹味的小食
继续阅读
话说系圆方工作完都肚饿喇 去咗食台湾菜真系估你唔到成间餐厅完全行西式文化好靓好华丽,装修绝对唔简单再加上 东南亚 特色出晒嚟!餐厅非常宽阔 客人坐得好舒服简单啲讲即系打卡餐厅添!做嘢嘅同事推介咗三个菜式:第一 :台湾牛肉面我相信大家都食过牛肉面, 但系佢个面质 真系好正因为我唔系太锺意硬身嘅面, 佢呢个软硬度适中再加上牛肉汁 嘅味道渗晒入去啲面筋度牛腩牛筋味道非常 出众 幼滑汤底饮落去比较新鲜 唔似味精味道第二个推介:蚝仔稣(小食): 蚝饼大家食得多, 蚝仔稣你又食过未呢咬落一啲都唔会好油, 再加上少少椒盐嘅味道内软外脆, 温度控制得啱啱好, 食落去有上瘾嘅感觉最後一个推介竟然呢度嘅麻香鸡!我本人唔系 好食得辣, 呢个麻香鸡辣度适中但真系一个字形容:香!好香 同埋味道层次好正! 点样正?绝对想讲佢啲鸡肉好嫩, 鸡皮好滑全部花椒麻油 调味料味道 中和哂系鸡肉入面食落真系淡淡香, 几啖都系咁香最後我哋再叫咗个香味肉燥饭: 肉质超嫩 饭味十足再加上 ,手拍木耳, 非常开胃美味小笼包 做最後嘅主菜小笼包 皮唔会太厚, 肉质 都比较鲜嫩小笼包汤汁适中, 唔会咬落去跟住弹到周围都系味道自然酸辣汤做最後总结, 酸辣汤嘅材料幼滑,唔会话辣到要饮水 辣度适中, 都系非常之香味全部嘢完全 冇留低全部食哂满意嘅一餐!
继续阅读
🔺食物 👉🏻红油抄手$66望落几吸引 皮够薄馅肉够多 但食落认真一般 皆因调味唔够 醋味又唔够 整体上认真麻麻🤯 👉🏻陈醋木耳$50开胃小食之一 但份量极小😂 一两啖冇哂👉🏻鲜海草蛤蜊汤 $1222人份量 岩岩好😍 唯一私心推荐既菜式 蛤蜊份量都算多 略带鲜味 👍👍👉🏻香酥鸡排面$85鸡排炸得恰到好处 外皮较松脆🥰 但鸡肉调味过浓 完全掩盖晒鸡肉本质味道 汤底劲淡😥 自私评分:🟡🟡⚪️⚪️⚪️自私评论:因为等睇戏 就随意拣食左间台湾菜 但味道偏港式😅唔知系咪迁就返香港人味道 唯一可赞嘅系环境优雅 食在环境feel
继续阅读
中午黎到圆方揾食,呢间台湾野想试好耐,今日点左牛肉面,春卷同金牌小笼包。小笼送到黎重系热辣辣,胀卜卜,外皮唔算系好薄,但都可以隐约见到里面满满既汤汁。咬落去真系要好小心,唔系就浪费晒啲新鲜既肉汁。沾一沾醋食,肉味更浓,正。春卷就无乜特别,个够脆够新鲜👍🏻至少牛肉面,好多餐厅做既台湾牛肉面水准都好参次,汤底浓度同味道都可以好大分别。人人既喜好亦都唔人样,所以好难介定好定唔好。呢度既牛肉面汤头唔算好浓,顔色深得黎清澈,饮落亦唔重味精。牛肉我本人就好满意,因为十分软熟,瘦得黎唔会痴牙👍🏻肉味卤得刚刚好,加埋上面放左少少腌菜同葱,锦上添花。面质都唔错,整体味道好和谐😄暂时去唔到台湾,食个小笼包,牛肉面可以止止咳🤣
继续阅读
餐厅食物一般,台湾菜黎讲价钱算贵,但地点在圆方都好正常。最不满意系服务质素,通常食物价钱唔平的话就系对食物有期望,可惜食物质素唔算出色,比较细份。牛肉饼2件份量比想像中细件,水有好大阵水喉水味,樱花虾炒饭正常,酸菜鱼面鱼块都系得几件。退而求其次会觉得间餐厅服务应该会唔差,点知同茶餐厅一样。入座时同你讲用餐时间90分钟,我地点左5样食物,有1样话卖哂,即系4样加埋饮品4百几蚊,我自问消费金额唔系少,又唔系净饮唔食斋坐,但服务员见你一食完野就走埋黎问你啲野食齐未,我地话齐佢就话用餐时间90分钟。我感觉系暗示你要走了,我就回答知道,但未够钟喔。其实当时都只系60分钟,依家个个用安心出行计哂时间自己几点入座,我地只系食得快姐,跟住过左几分钟,系几分钟咋,有个高级啲(制服)走埋黎又问多次啲野齐未,话帮我地收一收野。我顶喔。感觉超级唔愉快,好似要赶你走咁,明白有人响出面排队,讲真我地只系坐多一阵,讲多几句,痴线,食4百几蚊台湾野一个钟就俾人赶走咁真系贴钱买难受。根本系茶记既服务质素。。。。唔会再帮衬无写开食评都忍唔住要出个post讲一讲
继续阅读