影片
呢间嘢都有去过两三次，啲蛋糕系真系好食嘅，唯独系唔知点解次次去到都系得佢一个摊位冇职员喺度，摆个牌出嚟话职员外出咁样。我当你要买嘢食、要去厕所，或者行开唞吓气咁啦，因为屋企人真系几钟意呢度嘅蛋糕，而且山长水远出到嚟尖沙咀都喺度等吓啦。第一次等咗三个字先至有职员返过嚟帮手，最近呢一次去买蛋糕差唔多等咗成半个钟都唔见有人。企喺度等咗半个钟之后两位职员终于带住啲嘢食施施然咁样返到嚟。既然你有两个职员喺度点解唔可以轮流出去，或者一个负责买嘢食一个负责睇档？根据我嘅观察似乎成个K11甜品区域真系得呢一个摊位会成日唔见人，其实系咪唔忧做冇心开档😅营业时间写明1230-2030，咁我哋咪跟住你嘅营业时间过嚟买蛋糕啰，拎起摆喺柜台𠮶张卡片揾到个电话号码打去又冇人听， send WhatsApp又冇人覆。你如果要长时间外出唔睇档系咪都应该预咗有心买嘅客会想打电话睇吓有冇职员可以帮手？其实系等职员出现嘅期间都有唔少人走埋嚟睇蛋糕，有啲都应该系真系有兴趣买嚟试吓嘅，但系见到冇职员就宁愿去帮衬其他摊位。咁样冇交带地消失，真系会冇咗好多客㗎，不过你哋应该都唔care啦，反正都唔似系有心出嚟做生意💀蛋糕开心果味浓郁，钟意佢唔太甜，麻糬烟靭，大大件好饱肚
继续阅读
适逢朋友生日，佢讲到明自己最钟意食茶味嘅蛋糕，所以就上网为佢搜寻一啲比较新嘅味道然后就揾到呢间The Mochiffon Cake芸芸众生之中拣到去首先因为佢系本土制作，另外佢系戚风蛋糕，仲要茶味嘅选择，最最最最重要就系佢有麻糬做馅料，戚风蛋糕加麻糬呢个配搭有边个会唔钟意呀？由于花多眼乱太难拣，直接买咗两个第一个系焙茶物语 Hojicha Delight 由低油低糖焙茶戚风蛋糕组成，入面有招牌烟韧麻糬，仲有轻微嘅红豆蓉同埋低糖嘅焙茶忌廉。佢嘅焙茶煎香过之后香气十足，非常之浓郁嘅茶味，但系入口竟然一啲都唔苦涩，如果你系茶味fans一定要试！另一个买咗柚子伯爵 Lady yuzu 蛋糕结构同样低糖低油嘅伯爵茶戚风蛋糕组成，入边都有麻糬，但系佢蛋糕入边有少少柚子果粒，伯爵茶忌廉喺面，同样做到茶味香浓，但系一啲都唔苦！讲真，我试晒两个茶味蛋糕之后如果而家同我讲净系可以买一个，我都唔知点拣，因为两个都好出色，大家快啲去试吓啦！
继续阅读
某日经过K11这间蛋糕店，看见有不少人帮衬，价钱不算便宜，但蛋糕卖相吸引，于是凑热闹买一盒，可惜买的时候只剩下Baileys Chocolate这个口味，不喜欢酒味的我挣扎一会后最终还是决定买来试试。🍰🍫Baileys Chocolate Mochiffon Cake $80/两件湿润的戚风蛋糕中插入烟靭麻薯，还好酒味不浓，吃上去基本上比较像朱古力蛋糕。蛋糕标榜低糖低油，选用日本顶级面粉及日本忌廉每日新鲜制造，而且是无添加剂和防腐剂，让人吃得安心又较低罪恶感。Mochiffon 顾名思义就是结合麻糬mochi和戚风蛋糕chiffon cake而成，全港独家首创，由网店发展到现在两间实体店，实力不容忽视。
继续阅读