The Menu (已結業)

大約只可以坐十個人的小店，有幾款特式 fushion 意粉。行過幾次見到多女生光顧，第一次嚟 walk in 冇位，之後識得訂位。大包圍叫咗好多個意粉同飯，先食金銀蒜香鮮蝦意粉，麵條彈牙有咬感，強鑊氣，同 Piccolo 個 Aglio Olio 相似，由於呢碟炒意咁有實力，對之後上枱的食物好有期待。輪到比目魚麻辣扁意，飯友食到第二啖已嗌辣，自己覺得可以再辣啲。比目魚外層香脆肉身軟熟，魚脂較重，配埋麻辣食冇咁肥膩，比蒜蝦炒意更香濃惹味，超開胃，嗜辣者必選。蝦籽海味意大利飯係另一個推介，飯粒軟硬適中（硬啲更好），入口好似吞緊成個海鮮併盤落肚咁，海鮮味滿瀉，餡料豐富，切到細粒得嚟你又會咬到，加埋飯面鋪滿蝦籽，色香味俱全。點解呢度多女生幫襯，可能同食物的份量有關，細食的，一碟大約帶畀你七分飽，男士們嚟食就要注意。

間中都會黎呢度食lunch 味覺唔錯 價錢還算ok 中午一個意粉/意大利飯都只是四十幾至六十左右加錢可以配汽水或特飲今次見到menu有個蝦子海味意大利飯見幾特別就叫左黎試初時見到海味 英文寫dried seafood仲諗緊會係咩 原來係蝦乾同小元貝乾如圖所見 仲喺面頭灑滿蝦子中式的海味蝦子跟西式意大利飯真係有創意的fusion蝦乾跟小元貝乾本身已有咸香味跟平常吃到的意大利飯 大多配黑松露的口吃完全不同也沒有平時意大利飯吃到尾很膩的感覺

聽朋友講師傅係Jacky Yu 徒弟仲要有得包場，即刻同一班閨蜜去開心下野食好味唔在講，fusion野亦有驚喜；最重要係師傅勁細心，知道在坐有大肚婆仲會專登做一份同普通人唔同既食物。真心推介溫柔細心廚師😂*個椰菜花瀨尿蝦好想外賣一打番屋企

之前見有人寫呢間嘢d食物唔錯, 所以星期六專登去試下, 食物ok, 亦平. 不過環境裝潢服務都唔好.  黎第2次, 同樣個女侍應貫徹佢黑口黑面唔休做既樣, 同客人講嘢無尾音, 無唔該, 無禮貌. 服務令人感覺好差勁, 成日好似唔休做咁, 我係比錢黎食嘢, 不是求你比嘢我食. 就算食物可以, 我以後都唔會再去.  我寧願比多少少錢去番Jacky Yu度食, 起碼有正常既服務水準, 不用貼錢買難受. 

新店才開張兩個月左右、聽說主廚自囍宴私房菜離職自己創業！今晚女友悉心安排、菜單由主廚琦師傅親自設計！菜式食材新鮮、賣相精緻、還好有創意！讃！👍🏻👍🏻👍🏻😍今晚菜單：黑松露賴尿蝦配椰菜花Mousse~黑松露的香濃味配賴尿蝦的鮮味！👍🏻😘火灸三文魚欖角番茄SaSa~半生熟三文魚拌上欖角番茄味道原來可以咁配！👍🏻😘香草燒雞釀Risotto~皮香肉嫰！香草雞汁深入飯粒內、好味！👍🏻😘黃金蟹粉釀蝦膠~蝦膠彈口南瓜汁香滑👍🏻🎉菠蘿凍湯~菠蘿味濃的凍湯、另有一番風味！👍🏻😘黑椒惹味骨~肉質略嫌過瘦、口感有少許「嚡」、但黑椒味道不錯！另外若果拌洋蔥不是薯條、可能較適合！龍蝦濃湯燴蛋白~龍蝦鮮、蛋白滑！也是不錯的配搭！班蘭Tiramisu~ 甜品不是我杯茶、你好甜品的朋友、應該會覺得不錯吧！今晚除咗「黑椒惹味骨」個人口味肉質略嫌過瘦、黑椒汁少許過咸！總結今晚超...超....超值！👍🏻👍🏻👍🏻😍😍😍

在facebook的街坊群組裡得知近來開了一間小店。於是趁假期特意拜訪一下。由於面積有限，故店內的桌椅都不是太多，而且有點迫促。故建議可以考慮外賣，因外賣的包裝也很有心思<3餐牌的款式也很特別，而且價錢合理。聽說三文魚冷意粉味道不錯，但今次跟朋友選擇了其他前菜選擇了車厘茄秋葵。首先，車厘茄很新鮮，而秋葵方面可以稱得上「有驚喜」。本人很討厭秋葵有種滑潺潺的口感。而店主將秋葵處理得很好，沒有這種口感之餘亦除去了那微微的草青味👍🏻。之後是水牛芝士雞翼🐔 (一盒有6隻🐔)蒜香海鮮扁意粉。首先，在等外賣的時候，已經聞到陣陣蒜香味。食第一口的時候，蒜香味也很濃，而海鮮配料都很足料。卡邦尼意粉配溫泉蛋🍳我們的外賣🙌🏻整體來說，價錢公道，而且食物水準也很好，值得一試

富多來 The Menu今次去第3次，終於買到外賣返屋企食啦！ 今次係食日式海鮮刺身冷意大利粉！可能因為外賣返屋企的關係,日式海鮮刺身冷意大利粉！外賣用上紙盒包裝，感覺上很用心思。個冷意大利粉都算多材料，有有好多海鮮同大頭蝦食得津津有味 隻大頭蝦係新鮮的，好味道

和老婆經過富多來..見到呢間小店try下...叫左個日式海鮮刺身冷意大利麵, 卡邦尼, 白酒醉沙白蜆同軟殼蟹, 質素唔錯又抵食! 值得一試! 希望下次再泥可以保持水準!!😊😊